Bo Diddley
Ellas Otha Bates McDaniel, conosuo come Bo Diddley (McComb, 30 de disenbre 1928 – Archer, 2 de zunjo 2008), el ze stà un cantaudor, chitarista, conpozidor polistrumentista statunitense, in partegołar de muzega Rock and roll.
 | |
| Nome orizenałe | (en) Ellas McDaniel  |
|---|---|
| Biografia | |
| Nasimènto | (en) Ellas Otha Bates 30 de disenbre del 1928 McComb (Mississippi) (it)  |
| Mòrte | 2 de zugno del 2008 (79 ani) Archer (Florida) (it) |
| Càuxa de morte | Càuze nadurałi (Diabete mellito (it) ) |
| Liogo de sepełimento | Florida |
| Dati personałi | |
| Altri nomi | Bo Diddley |
| Grupo ètnego | Afroamerican |
| Atività | |
| Laóro | |
| Atività | 1943 - 2008 |
| Zènare | Rock & roll, blues e rap |
| Instrumento muxegałe | Chitara, Voze |
| Targheta discogràfega | |
| Àlbun | 55 |
| Àlbun stùdio | 24 |
| Àlbun dal vivo | 6 |
| Àlbun compilation | 25 |
| Partesipante in | |
| 13 de lujo del 1985 | Live Aid (it) |
| Repertòrio | |
Blues, Rock'n roll, Chicago Blues, R&B | |
| Sito web | bodiddley.com |
 
          | |
Biografia
canbiaI scominsi e'l aprendistado
canbiaEl nase so na fameja povara a McComb un paeze del Mississippi andove, drìo ła morte dei zenitori, el vien tendesto da ła cuzina de ła mare o sia Gussie McDaniel. El scominsia studair viołin da zovanisimo par imaorarse drioman de ła chitara scoltando John Lee Hooker; inte el 1943 a l'età de 14 ani el ga desidesto de formar un grupo ciamà Hip histers opur Hip sters nonché drioman Langley avenue jive catz indove gaveva za seliesto de ciamarse Bo Diddley, un soranome che ze nasesto a scoła e che jera drio senjifegar buło segondo ła definision slang dei neri. Drio che el grupo se ga desfà el se metara łaorar cofà camionista e infin el intraprendarà na cariera de puziłe che finirà a breve.
El ga un fio, Ellas Anthony McDaniel (nasesto inte el 1954), e na fia, Tammy McDaniel (nasesta inte el 1962). Nisuni dei do ga intraprendesto ła cariera muzegałe.
Cariera
canbiaSuceso
canbiaVien contatà da Leonard Chess e Phil Chess par conto de ła Chess Records, eticheta discografega prestijoza, co cui el firma un contrato e inte el 1955 vien fora el so primo singoło intitołà col so nome d'arte, Bo Diddley. Se tratava de un rifasimento del brano Uncle John da łu presendentemente conponesto a cui ze stà canbià el titoło par vołontà de uno dei fradełi Chess. El brano ga otenjesto un bon suceso (17º inte ła clasifega de Billboard rełativa al Rhythm'n Blues) e ga vendesto 1 miłion de copie, portando i zermi de un novo ritmo.
Declin e rinasita
canbiaA partir dai ani a venjir ła so cariera ga subio na frenada, nonostante se mantenjese al sentro de l'atension co i concerti inte i cuałi łe ezibision zera infogae, soratuto col sonava ła chitara co i denti (roba che drioman Jimi Hendrix imitarà) e anca par ła nova łeva che el mostrava intarese inte i so confronti riproponendo tanti dei so brani.
El ga seità ła so cariera muzegałe fin a ła morte, otenjendo racuanti riconosimenti, tra cui el premio Grammy a ła cariera e rejistrando nantri sucesi, partegołarmente inte i ani sincuanta e sesanta, ad ezenpio I'm a Man, Mona, Road Runner, Bring to Jerome e Who Do You Love?. El ze sta anca uno dei pimi artisti neri ad aparir inte'l'Ed Sullivan Show in cui ze stà pagà 700 dołari.
Inte el 2005 el ga festejà 50 ani de cariera al Roma Blue Festival.
Morte
canbiaEl ze morio inte el ła so caza ad Archer in Florida a cauza de un infarto. In presedensa el zera stà colpio da ictus; mentre che el se catava in tour el conviveva anca col diabete e l'ipertension e da tenpo el zera in declin fizego.
Influensa
canbiaEl ze stà soranomenà "The Originator of Rock And Roll" opur senplisemente The Originator par el so roło ciave inte ła muzega popołar e spesialmente par ła tranzision dal blues al rock and roll, e par aver influensà, intrà i altri, artisti cofà Buddy Holly, Eric Clapton, Jimi Hendrix, The Doors e The Rolling Stones e tanti altri; non a cazo, el ga intitołà co tałe nome anca un album del 1966, par remarcar el so roło de inisiador.
El ze conosua anca par ła so partegołar chitara a forma retangołar, inisialmente autocostruia, da se steso ciamada Cigar Box, parchè ła zera sìmiłe a na scatoła de sigari. El ze stà uno dei primi muzicisti rock ad inserir inte el propio grupo muzicisti done, come Norma-Jean Wofford "The Duchess", Peggy Jones "Lady Bo", Cornelia Redmond che ga sostituio Jody Williams "Cookie", e Debby Hastings oltre a l'amigo Jerome Green. El ze conosuo par el cusidito "Bo Diddley beat" un ritmo da eło utiłizà, e sìmiłe a ła runba e a l'hambone, e par aver dazesto na inovasion inportante a ła chitara ełetrega, come ad ezenpipo el Scratch e el Synthaxe,che tanti muzicisti in futuro tołerà a modeło.
"Bo Diddley Beat"
canbia
Ascolto (?·i).El "Bo Diddley beat" ze esensialmente un ritmo łatin caraibego afrocuban, uno dei pì comuni de ła tradision de l'Afrega subsahariana.[2] Un studiozo ga riconosesto sto partegołar pattern ritmego in 13 conpozision rhythm and blues el ga insiedesto inte i ani 1944-55, includesti do brani de Johnny Otis del 1948.[3]
Bo Diddley ga contà in diverse version sirca cuando e come el ga tacà uzar sto ritmo, ma ze apurù che tre ani prima de l'usida del singoło Bo Diddley, na canson co simiłi ritmi sincopai stiłe "Hambone", ła ze stà insidesta da ła Red Saunders Orchestra co The Hambone Kids. Inte el 1944, Rum and Coca Cola, contenjente el Bo Diddley beat, ze stà rejistrà da łe Andrews Sisters. Ła sełebre Not Fade Away de Buddy Holly (1957) e Mystic Eyes dei Them (1965) utiłiza anca staltre tałe beat.[1]
Molte canson de Diddley (par ezenpio, Hey! Bo Diddley e Who Do You Love?) de frecuente no łe ga canbi de acordo; el che vol dir, che i muzicisti i sona l'isteso acordo łongo tuto el peso, cuindi ze el ritmo a crear l'esitasion, pitosto che zenerar esitamento traverso tension armoneghe.
Cover e tributi
canbiaEl ze stà inserio dal 1987 inte ła Rock and Roll Hall of Fame come uno dei re del rock, e'l ze considerà uno dei mejo artisti par tałento e zeniałità e łe so canson łe ze stae frecuentemente reałizae da altri interpreti che ga sonà anca insenbre a łu cofà ad ezenpio Ronnie Wood e Keith Richards.
Infra i inumarevołi ezenpi, The Rolling Stones e i Quicksilver Messenger Service i ga reałizà cover de Mona. The Yardbirds i ga reintarpretà I'm a Man. The Animals e Bob Seger i ga insidesto The Story of Bo Diddley. The Woolies, George Thorogood e Juicy Lucy i ga otenjuo sucesi co Who Do You Love?, interpretada anca dai Quicksilver Messenger Service e da The Doors. I Creedence Clearwater Revival e drioman Eric Clapton i ga insidesto Before You Accuse me.
Inte el 1979 Joe Strummer cao dei Clash ło ga vołesto par verzer i so concerti inte i Usa.
Edoardo Bennato ga cantà co łu inte el disco Il paese dei balocchi, scrivendo ła canson Here comes Bo Diddley el cui testo ze un cołocuio co Bo Diddley.
Curiozità
canbia- Segondo ła rivista Rolling Stone el ze stà uno dei mejo artisti de senpre nonché uno dei mejo chitaristi de tuti i tenpi.
- El ze apario in un epizodio de La vita secondo Jim, interpretando se steso.
- El so nome orizinal el zera Ellas Otha Bates soło daspò ch'el ze stà adotà da ła cuzina de ła mare el ze devenjesto par tuti Ellas McDaniel.
- Ghe ze stà intitołà na piasa in so onor a Gainsville in Florida ciamada Bo Diddley Community Plaza
- Ronnie Hawkins ło considera el mejo rocker de senpre George Thorogood ga dichiarà de no aver mai sonà na chitara sensa pensar a łu
- El ze apario inte el film Una poltrona par due (1983 - John Landis) interpretando el titołar del monte dei penji indove va el protagonista (Dan Aykroyd) par inpenjar el so costozismo rełojo, vałutà tutavia solchè "50 tòchi".
Discografia
canbiaAlbum in studio
canbia- 1958 - Bo Diddley
- 1959 - Go Bo Diddley
- 1960 - Have Guitar Will Travel
- 1960 - Bo Diddley In The Spotlight
- 1960 - Bo Diddley Is a Gunslinger
- 1961 - Bo Diddley Is a Lover
- 1962 - Bo Diddley's a Twister
- 1962 - Bo Diddley
- 1962 - Bo Diddley & Company
- 1963 - Surfin' with Bo Diddley
- 1964 - Two Great Guitars (co Chuck Berry)
- 1965 - Hey! Good Lookin'
- 1965 - 500% More Man
- 1966 - The Originator
- 1967 - Super Blues (con Muddy Waters e Little Walter)
- 1967 - The Super Super Blues Band (co Muddy Waters e Howlin' Wolf)
- 1970 - The Black Gladiator
- 1971 - Another Dimension
- 1972 - Where It All Began
- 1972 - Got My Own Bag of Tricks
- 1973 - The London Bo Diddley Sessions
- 1974 - Big Bad Bo
- 1976 - 20th Anniversary of Rock & Roll
- 1977 - I'm A Man
- 1983 - Ain't It Good To Be Free
- 1989 - Breakin' Through The BS
- 1989 - Living Legend
- 1991 - Rare & Well Done
- 1993 - This Should Not Be
- 1994 - Promises
- 1996 - A Man Amongst Men
- 2002 - Moochas Gracias (co Anna Moo)
Racolte
canbia- 1958 - Bo Diddley
- 1964 - Bo Diddley's 16 All-Time Greatest Hits
- 1984 - Bo Diddley - His Greatest Sides - Volume 1
- 1997 - His Best
Album dal vivo
canbia- 1964 - Bo Diddley's Beach Party
- 1977 - I'm a Man
- 1985 - Bo Diddley & Co - Live
- 1986 - Hey... Bo Diddley in Concert
- 1992 - Live at The Ritz (co Ronnie Wood)
Singołi
canbia- 1955 - Bo Diddley / I'm a Man (R&B #1(2) / 2(1))
- 1955 - Diddley Daddy [co The Moonglows] (R&B #8)
- 1955 - Pretty Thing (R&B #4)
- 1957 - Hey! Bo Diddley / Mona
- 1957 - Say (Boss Man) (R&B #24)
- 1959 - I'm Sorry (R&B #17)
- 1959 - Crackin' Up (R&B #13)
- 1959 - Say Man (R&B #3, Pop #20)
- 1959 - Say Man, Back Again (R&B #23)
- 1960 - Road Runner (R&B #20)
- 1960 - Walkin' and Talkin' (R&B #23)
- 1960 - Gunslinger (R&B #9)
- 1962 - You Can't Judge a Book by the Cover (R&B #10)
Notasion
canbia- ↑ 1,0 1,1 Hicks, Michaël (2000). Sixties Rock, pag. 36. ISBN 978-0-252-06915-4 .
- ↑ Peñalosa, David (2010: 244). The Clave Matrix; Afro-Cuban Rhythm: Its Principles and African Origins. Redway, California: Bembe. ISBN 1-886502-80-3 .
- ↑ Tamlyn, Garry Neville (1998). The Big Beat: Origins and Development of Snare Backbeat and Other Accompanimental Rhythms in Rock 'n' Roll. PhD thesis. Table 4.16. pag. 284.
Altri projeti
canbia
Wikimedia Commons el detien imàjini o altri file so Bo Diddley
el detien schemi gràfeghi so
Linganbi foresti
canbia- Sito ufisałebodiddley.com.
- (EN) John Morthland, Bo DiddleyEnçiclopedia Britannica, Encyclopædia Britannica, Inc.
- (EN) Bo DiddleyFind a Grave.
- Opere di Bo DiddleyopenMLOL, Horizons Unlimited srl.
- Bo DiddleyLast.fm, CBS Interactive.
- (EN) Bo Diddley / Ellas McDanielAllMusic, All Media Network.
- (EN) Ellas McDaniel / Bo DiddleyDiscogs, Zink Media.
- (EN) Bo DiddleyMusicBrainz, MetaBrainz Foundation.
- (EN) Bo DiddleySecondHandSongs.
- (EN) Bo DiddleyInternet Movie Database, IMDb.com.
- (EN) Ellas McDaniel / Bo DiddleyInternet Broadway Database, The Broadway League.
| Controło de autorità | VIAF (EN) 60145970004732250468 · ISNI (EN) 0000 0001 0814 6598 · El vałore UBOV515153 de SBN no el xe mija bon. · Europeana agent/base/59893 · LCCN (EN) no91015859 · GND (DE) 119164752 · BNF (FR) cb138932708 (data) · BNE (ES) XX1031518 (data) · NLA (EN) 52525175 · WorldCat Identities (EN) no91-015859 |
|---|