Bojon
Bojon ła ze na frasion de 3.519 abitanti del comun de Canpołóngo Magior, che ze a so volta parte de ła Sità metropułitana de Venesia. L'identità de ła popołasion de Bojon ze asè forte e in pasà ga dazesto adito a scaramuce co cueła del caołogo Canpołóngo Magior. Ła rivałità, anca in senso etimołòzego, jera ałimentada a l'èsar i teritori de eł so łocałità separai dal corso del fiume Brenta. Bojon se ga contradisitinguesta senpre par na mazor "rurałità" dei so abitanti, respeto a Canpołóngo Magior, più padoanizada. Anca a łiveło połìtego, inte ła segonda metà del Novesento ła diferensiasion ze restà pìtosto neta: Bojon ła jera rocaforte "rosa", Canpołóngo invese ła zera un presidio "bianco". Anca in tenpi pì resenti ła difarensa de cołor połìtego, sepur tato manco marcà, ła ze restà.
| Pozision | |
|---|---|
| Stato | Itàłia |
| Rejon | Vèneto |
| Sità metropułitana | Sità metropułitana de Venèsia |
| Comuni de l'Itałia | Canpołongo Major  |
| Zeografia | |
| Altitùdene | 2 m |
| Còdazi de identifegasion | |
| Còdaze postałe | 30010 |
| Fuzo oràrio | |
| Prefiso tełefònego | 049 |
|
| |
Zeografia fìzega canbia
El teritorio de Bojon, totalmente pianezante cofà i altri comuni de ła Łaguna Veneta, confina a nord co'l paeze de Premaore, a nord-est co Canpagna Lupia, a est co ła frasion de Santa Maria Assunta, a sud-est co Corte, a ovest el ze banjà da a Cuneta Brenta che ło separa da Canpołóngo Magior e a nord-ovest co'l paeze de Sandon.
Storia canbia
El toponemo par derivar dal casteło omonemo mensonà in documenti del 601[1]. N'altra posibiłià ze che'l derive dal termano veneto boja, bogia, che signifega "boła", in refarimento ad na boła d'acua che afiorava. Core anca l'ipoteze, reciamada in alcuni łibri de storia łocałe, che'l toponemo posa derivar da boia, inte'l senso de ezecudor de sentense capitałe: ła Repùblega Serenisima, inte' i tenpi pì antighi (ze savesto che ze stà el primo Stato europeo - ben prima de ła rivołusion franseza - ad abołir de fao sia ła tortura sia ła pena de morte), pròpio in ste tere perifereghe e povare gavarìa rołà persone desponeste a zvolzer a l'incargo de zustisia capitałe.
Inte'l 1806, a l'epoca del Renjo de Itałia napołeonego Bojon ze devenjesto comun autonomo come Canpołóngo e Lietołi del Dipartimento del Brenta, par po' pasar, inte'l 1807 al Dipartimento de l'Adriadego, che conprendeva Venesia. Inte'l 1815, cuando ch'el Veneto ze stà anetesto a l'Inpero Asburzego el comun de Bojon ze stà abołìo e l'è devenjesto parte del novo comun de Canpołóngo Magior, che, inte'l 1831, el contava 2.662 abitanti.
Socetà canbia
Evołusion demografega canbia
| Evołusion stòrega de ła popołasion | |
| 1571 | 677 |
| 1617 | 500 |
| 1669 | 621 |
| 1752 | 659 |
| 1766 | 679 |
| 1822 | 880 |
| 1875 | 1.007 |
| 1894 | 1.366 |
| 1908 | 1.910 |
| 1915 | 2.100 |
| 1930 | 2.950 |
| 2001 | 3.218 |
| 2004 | 3.339 |
| 2007 | 3.491 |
Notasion canbia
- ↑ Cenni storici su Bojon (ligo ronpesto dispunìbiłe in Internet Archive; védarse el istòrego, la prima version e ła ùltema).