Buran

Buran
locałità
(IT) Burano
Burano colorful houses.jpg
Łe caxe cołorae.
Locałixasion
StatoItàlia Itàlia
RejonVèneto – stema Vèneto
Sità metropułitanaVenesia – stema Venesia
ComunVenesia
Teritorio
Coordinae45°29′08″N 12°25′03″E / 45.485556°N 12.4175°E45.485556; 12.4175 (Buran)Coordinae: 45°29′08″N 12°25′03″E / 45.485556°N 12.4175°E45.485556; 12.4175 (Buran)
Altitudinem s.l.m.
Superficie1,17km²
Rezidenti2 762 Cànbia el vałor in Wikidata
Densità2 373,5 ab./km²
Altre informasion
Còd. postałe30142
Prefiso041
Nome abitantiburanełi[1]
PatronoSan Martin Véscovo
Dì de festa11 de novenbre
Carte interative

Buran ła xe un'ìxoła abitada de ła laguna de Venesia; ła xe parte del comun de Venesia. Ghe abita a ocio 2.700 persone e ła xe cołigada co un ponte al'ìxoła de Masorbo.

El só nome el vien fora da Boreana, nome de na de łe porte de ła sità romana de Altin, de quea posta a Nord-Est, da indove rivava ła bora; a Buran, e inte łe visine ìxołe de Masorbo e de Torseo, i xe scapai i abitanti de ła granda sità vèneta daspò l'invaxion dei Uni de Àtiła.

Ła xe conosùa par ła łavorasion artexanal dei merleti e anca par łe sò tipeghe caxe cołorae.

GiografiaCànbia

 
     Zueca      San Màuro      San Martin Sanca      San Martin Drita      Teranova

Buran ła se cata inte ła Laguna Vèneta setentrional, a nord-est de Muran, e ła xe cołigada a sta qua traverso el percorso da navegar del canal Bixato-canal Carbonera-scomenzera San Giàcomo. Datorno ła se slarga qualche formasion de pałù, specie ła pałù de Santa Catarina, a sud-ovest, e ła pałù de Buran, a sud est. A nord ghe pasa el canal dei Borgognoni-canal de Buran, col qual se riva a Treporti (a sud) e Torseo (a nord). Sùbito a ovest se trova invese Masorbo, a ła qual ła xe unìa traverso un ponte.

Ła xe costituìa da quatro ìxołe divixe da tre canałi drénto, chei xe el rio Pontexeo, el rio Zueca e'l rio Teranova. Come Venesia, ła xe divixa in sinque sestièri, destinti dai sti canałi qua.[2], sui cuałi se baxa el sistema dei indirisi:

  • San Martin Sanca (586 ab.),
  • San Martin Drita (759 ab.),
  • San Màuro (818 ab.),
  • Zueca (255 ab., miga da confónder col'ìxoła del séntro de Venesia),
  • Teranova (359 ab.).

IstoriaCànbia

El só nome el vegniria fora da Boreana, un dei quartièri de ła sità romana de Altin, o forse na de łe sóe porte (quea catada a nord-est, da indove ła rivava ła bora). Buran ła xe stada infati tirada su, come łe altre ìxołe visine, dai abitanti de sto séntro chei se ga mési in laguna par scapar da łe invaxion barbàreghe, in particołar ai Uni de Àtiła e ai Longobardi.

Interesanti, ma forse sénsa baxe istòrega, łe ipòtexe che łe revarda l'orìxene del séntro dae dal'istòrego Jacopo Filiasi (1750-1829):

St'ìxoła ła ga avùo el nome de Burian, na de łe porte del xà desfà Altin, e sora de sta qua ła famegia Buriana ła ga fondà Buran, ciamà dai latini Burianus.
Ghe xe chi chel pensa che i pòpołi de Buran i fuse cresùi da quei chei abitava Buraneło desfà, chel gera n'altra ìxoła bastansa pìcoła, łontan da sta qua sinque mii de mar a sud, de ła qual se vede łe peche soto l'aqua co sta qua ła xe łànpida.

Le prime abitasion łe geran poste su pałafite coi muri fati de cane e paltan e soło a partire dal'ano Miłe łe xe stae tirae su caxe in quarełi. Buran ła podeva goder anca de un clima bon e san grasie a na serta ventiłasion che ła mandava via ła małaria. El governo local, de tipo comunal, el xe caxuo bastansa presto soto l'influensa de Venesia a ła qual el xe restà sénpre ligà.

El xe stà comun autònomo fin al 1923, ano inte el qual ła xe stada mesa drénto Venesia, co Muran e Pełestrina. El só teritorio el se slargava anca su Cavałin-Treporti e su łe ìxołe de Masorbo, Torseo, Santa Cristina, Montiron, Ła Cura, San Francesco del Dexerto.

NotasionCànbia

  1. pronunsià da łi ìxołani buraneli
  2. In orìxene anca San Martin Sanca e San Martin Drita łe geran divixe da un canal, terà par reałixar ła via e ła piasa Galuppi che ghe xe ancuo.

Altri progetiCànbia

Cołigamenti da foraCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Buran&oldid=1030270"