La Comunità Comprensorial del Burgravià (tod: Bezirksgemeinschaft Burggrafenamt, tal: Comunità comprensoriale Burgraviato) la xe una de le oto Comunità Comprensoriale de l'Alto Adese, creada inte l'ano 1971. Orisenariamente la chiapava rento 23 comuni, inte el 1973 xe intrai i comuni de Partschins/Parcines, Plaus, Naturns/Naturno, inte el 1986 xe intrà el comun de Meran. La superficie total la xe de 1.101 km² co la povolazion de su par zo 100.000 abitanti. El cavologo el xe Meran, la comunità la confina co l'Austria e la Val de l'Isarco Alta a nord, el Trentin (Val de Non) e la Comunità de l'Oltradese-Adesina Bassa e Bolzan a sud, la Val Venosta a ovest, Salto-Sciliar a est.

In total el 77% de la povolazion del Brugravià el favela el todesco cofà marelengua, su par zo el 23% el favela talian. Intanto che inte el comun de Meran le do comunità le xe numericamente squasi equivalente, inte el resto dei comuni la mèdia dei taliani la va intorno al 6%.

I comuni del Burgravià i xe:

Algund - Lagundo, Burgstall - Postal, Gargazon - Gargazzone, Hafling - Avelengo, Kuens - Caines, Lana - Lana, Laurein - Lauregno, Marling - Marlengo, Meran - Merano, Moos - Moso in Passiria, Nals - Nalles, Naturns - Naturno, Partschins - Parcines, Plaus - Plaus, Proveis - Proves, Riffian - Riffiano, St. Leonhard - San leonardo in Passiria, St. Martin - San Martino in Passiria, St. Pankraz - San Pancrazio, Schenna - Scena, Tirol - Tirolo, Tisens - Tesimo, Tscherms - Cermes, Ulten - Ultimo, Unsere Liebe Frau im Walde-St. Felix - Senale - San Felice, Vöran - Verano.


Controło de autoritàVIAF (EN146047190 · GND (DE1085715-1 · WorldCat Identities (EN146047190
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Burgravià&oldid=1013394"