Ceza (architetura)

La parola ceza^[1] in architetura la indiga on edifiso fato aposta par al culto relijoss cristian.

Etimołozia

La parola la deriva dal latin ecclesia e dal grego εκκλησια (ekklesìa), cioè comunità come efeto de na convocasion. (Varda la voce prinsipal Ceza)

Signiefegado

Inte el Catolicezimo, a diferensa de le sinagoghe del Ebraismo, al edificio de culto al ze anca sede de la divinità, cossì come che al era 'te la relijon greco-romana (co la ecesion, 'te el ebraismo, te el Tenpio de Gerusaleme). Sto tanto parchè par al catolicesimo, anca se spiritualmente Dio al ze ritegnest onipresente, la Ceza la ga al so interno la presensa real del corpo e del sangue de Cristo, cioè sotoforma de la comunion. La parola Ceza originariamente la indichea la comunità de persone convocada da Dio. Co el tenpo la parola la ze gnesta a oler dir anca al posto aonde che se ga al incontro co la comunità; e a la fin la ze ruada a er sto signifegà praticamente fisico.

Denominasion

I edifici eclesiastici cristiani i pol er varie denominasion secont la so tipologia, funsion o inportansa:

baxełega cristiana - Ceza granda a la qual ghe ze stat conferì diriti de cerimonia speciai dal Papa
baxełega patriarcal - baxełega principal di un patriarcà
batistero - edificio specificatamente destinà a batedar, de solito a pianta central
capela - nicia granda ricavada al interno de na cesa, o edificio pisol che in qualche modo al ze ligà te el so funsionamento a altri edifici. La parola, in prensipio doperada solche da i Franchi, la deriva da capa, e la era riferida al anbiente aonde che se fea le funsion religiose par i re Franchi, che la cenea intro la reliquia de la capa de San Martin, santo patrono e protetor del regno.
catedral - la Ceza da la qual al vescovo al presiede le celebrasion diocesane e aonde che, par al passà, i canonici i celebrea i ufici corai.
cesa abasial - Ceza de na abasia, aonde che i monaci i celebrea al ufisio monastech
cesa arcipretal o arcidiaconal - la Ceza de riferimento de la forania, cioè an cioè an insieme de parochie te el qual al laoro dei preti al ze coordinà dal arciprete o dal arcidiacono
cesa parochial - la Ceza de riferimento de na parochia (cioè de na frasion del teritorio de na diocesi), regesta da un paroco
cesa retorial - la Ceza storicamente inportante che parò no la ga na parochia colegada, ma la ze includesta 'te la giurisdision de na Ceza parochial. Al prete al se ciama retor
colegiada - Ceza storicamente sede de un colegio de canonici, co funsion religiose paragonabili a quele de na catedral
domo - termine generico che al indica la Ceza pì inportante de na cità
pieve - Ceza rural 'te la qual podea esser conferì al batedo e co diriti speciai su le Ceze filiai. Al prete al era da spess an arciprete
sacro monte - conplesso devosional su el versante de na montagna co na serie de capełe o edicole co inte sene figurative
santuario - Ceza specificatamente dedicada al culto particolar de un santo e da spess meta de pelegrinagi
tenpio - termino zenerego, de solito riferì a un edificio relijoss monumental, adibì a culti anca diversi da quel cristian

Storia

Età precostantiniana

Al edificio eclesiastico come che se el intende dess no el se ga podest svilupar prim del Edito de Costantino del 313, an inte el qual la ze stata concedesta la libertà de culto a i cristiani. Infin a lora i cristiani i costumea de riunirse inte edifici privati, ciamadi domus ecclesiae (case de la comunità).

Bazełeghe e batesteri

Co la libertà de relijon se ga ponest anca al problema de come far sù i stabili necessari par la liturgia cristiana, che la podea esser celebrada in publico. E' stat adotà al model basilical. La baxełega la esistea belche come tipologia architetonica romana, e la ła la funsion de dificio publico, no ligà a la relijon. Al tenpio classico no el podea difati ndar ben come model par la Ceza cristiana, da' che al era ligà a na relijon pagana e parchè no el era funsional da' che no el prevedea la fruision interna del posto da parte del fedel, ma quela esterna.

Al edificio basilical, 'te la rielaborasion cristiana, al subiss de le trasformasion no solche funsionai ma anca estetiche. La percorensa la gnen par la gran part longitudinal, co el spostamento de la porta principal su un lato curt e la localizasion del altar su el lato oposto, da spess dotà de abside. tra la navada e al altar (al spasio dintorn del qual al gnen ciamà presbitero) gnen dontada da spess na navada minor trasversal, ciamada transet, che la rende la pjanta de la Ceza a sagoma de cross.

Anche nell'alzato si hanno delle modifiche sostanziali. Viene limitata la profusione di marmi e decori tipeghi de l'architettura romana inperiale, e al posto della copertura a crociera della navata centrale si preferisce la copertura co capriate lignee, che dà all'edificio una aspetto meno sontuoso. de frecuente le pareti vengono ricoperte da cicli di mosaici o affreschi, che smaterializzano lo spazio, coerentemente co la vision ascetega del primo cristianesimo.

Costantino steso patrocinò l'edificazion di numerose cese. Fra queste le quattro baseleghe patriarcali de Roma, le baseleghe de Gerusalemme e Costantinopoli.

On altra costusion cristianoa che la ga origine inte el tempo xe el batexo. Anca in sto caso el riferimento xera on edificio romano "profano", l'edificio a pianta sentrale (circolare o poligonale) de le terme romane, che ciapava le vasche par l'acqua. Xe evidente la conesion de tipo funzionale. El rito del batexo avveniva infatti par immersione, e l'architettura termale, opportunamente rielaborata, si prestava a essere reinterpretata par questo scopo.

Bisansio

La architetura sacra bizantina la ze la rielaborasion de le do tipologie de la basilica e del batistero. Se ga difati anca al svilupo de la Ceza a pianta central, tante olte fata sù in onor de un martire. An nantro elemento che al arà na gran inportansa anca 'te i svilupi de dopo al ze la cupola. Fra le varie, quela che la ga colpì de pì la fantasia dei contenporanei la ze quela de Santa Sofia de Costantinopoli, che la ze gnesta anca al model ideal de le moschee otomane.

Medioevo

Al medioevo al ze al periodo del gran svilupo de la architetura sacra. Inte el alto medioevo le Ceze no le ze de grande dimension. I modei planimetrici i ze quei codificadi belche 'te el tardo antico, ma salta fora diverse varianti locai. Al medioevo al ze anca al periodo de la costitusion de la organizasion eclesiastica cailar. Al teritorio rural al gnen dividest in plebanà, co a cao na pieve, cioè na Ceza aonde ch egnea soministrà al batedo, e co le Ceze filjai dipendenti. Inte le cità, pì che sia dopo al mili, in età romanica, ga ciapà inportansa le catedrai, cioè le Ceze 'te le quai ghe n'è al vescovo. Anca el abasie benedetine le ga cognossest an gran svilupo. Fra ste qua al monastièr pì inportante al ze de segur quel de Cluny, in Borgogna, al edificio eclesiastico de dimension pì grande de l'epoca. Inte el XII secolo la architetura eclesiastica la ga subì na inportante trasformasion e acelerasion, co la costrusion del primo edificio gotico, la abasia de San Denios arent a Parigi. Pianpianet, la architetura gotica la ze gnesta an linguagio comun a quasi tuta la Europa ocidental. Tra le innovasion de sto novo modo de concepir al edificio sacro ghe n'è al gran svilupo de la parte oriental de la cesa, co el deanbulatorio dintorn del coro, e al uso de la cuba a crosera e del arco acuto 'te i alsadi, che al dà slancio e coerensa formal a tut al edificio.

Inte el periodo gotico se ga svilupà anca na serie de eedifici specialistici. Fra sti quà le Ceze dei orden mendicanti, dotade, diversamente da le catedrai e da le cese colejade, de anpie navade, coro ridusest e decorasion senplificada, funsionai a la atività de predicasion fata da sti orden relijosi.

Età moderna

Ntel rinasimento l'architetùra eclesiastica tradizional la ven confrontàa coi modèi derivai dala antichità clasica. Se zerca de cognugar i do modèi in realtà eterogènei, tornando ai schemi basilicali paleocristiani, ma anca formulando dei modèi nòvi, de sintesi, come che la Ceza a pianta zentral teorizàa dai architéti umanisti del '400 toscano e poi romano. Sta sintesi la gavrà el suo momento de magior vigore al'inizio del '500, co la vegnerà adiritura demołida la basilica costantiniana de San Piero par far posto a in edificio a pianta zentral co na cupola pì granda de quela del Pantheon.

L'architetura eclesiastica del rinasimento ła andrà incontro a na crisi dopo ai sconvolgimenti che subirà la céxa co ła reforma protestante. El Conciłio de Trento non el dełibererà diretamente sula architetura chiesastica, ma le farà scola le Ceze fate far dal cardinal Carlo Borromeo de Miłàn, che le vegnerà i modèi dela architetura de ła controriforma. Questi edifici i mantegerà la tradizional pianta basiłicale, in linguàgio clasico ntela cupola al'incrocio deł transéto. Sto modèl el se difónde in tuta la Eoropa e el diventa quasi el linguagio ufizial del catolicesimo, influenzando anca la architetura dei paesi riformadi, che parò i adota ał inizio in linguagio manco monumentale e qualche òlta co persistenze dela tradizion gotica.

Se i primi modèi borominiani i xe pitost severi e àusteri, prest, ntel XVII secoło coł baroco, la architetùra sacra la ven na ocasion de sprexudicade sperimentasion architetòneghe così el łinguaxo clàsexista del rinasimento el ven reintrepredà co fantaxia e vigor, aplicando ala architetùra forme giometreghe, tipo ełłisi, concavità e covesità, diverse de quele a angol rètto o baxade su sirconferense perfète del rinasimento.

Dal punto de vista funsional le Ceze baròche le cen la distinsion intrà navada riservada ai fedéłi e presbitèrio co l'altar magiore. El coro spes el se sposta drio al altar (fin ala età gotica xera davanti al altar). Ven ełiminàdi tramèzi e altri elementi che i impedis la vista, forzando la concentrazion de fedełi verso el toc in mez del altar. La navada in mez la ven predominante, invece, quele łaterałi, spes le ven usade par altari łaterałi. El pułpito spes el xe in mez ala navada e de frecuente ghe xe na cantoria a bałcon, disposta o ai łati del ałtar contrapposta al orghen o sot al orghen stes. A òlte la cantoria la xe sora ala porta de ingrèso.

Ntele Ceze protestanti la distribusion del posto la xe manco asial. Spes le Ceze le gà tribune levàe e el pulpito de solito el gà in gran rilevo. Par la dipozision del altar ntele cexe anglicane ghen sarà tante beghe, tipo quele che ghe xe stàe ntele Ceze catòłeghe dopo el conciłio Vatican II.