Céxa de Sant'Ixepo de Casteło


Ła céxa de San Giuseppe de Casteło xe un eficio lerigioxo de ła sità de Venesia, situà 'ntel sestièr de Castèło, visin a Riva dei S-ciavoni.

Céxa de Sant'Ixepo de Casteło
Chiesa di San Giuseppe di Castello.jpg
RełijonCatołega
DiocexiPatriarcà de Venesia
Ano consacrasion1543
Inisio costrusion1525 sìrca
Poxision
45°25′50.16″N 12°21′26.64″E / 45.4306°N 12.3574°E45.4306; 12.3574Coordinae: 45°25′50.16″N 12°21′26.64″E / 45.4306°N 12.3574°E45.4306; 12.3574

StoriaCànbia

'Ntel 1512 xe stàda autorixàda ła costrusion de na céxa co decreto del Senato, co convento tacà de łe muneghe agostiniane.

Qui fin a quel tenpo ghe gera ancora de łe ixołete sircuìe da un palùo, che xe stà ritràto par costruìr novi insediamenti, su łe antighe ìxołe de Secco Marina, Paludo, Rio terà, ecc.

Ła céxa ghe xe stàda fidàda a l'Ordene Agustinian fin al 1801, quando Napołeon gà sopreso staltra el monastièr. Sucesivamente el xe stà dà in gestion a sore sałexiane de ła Vixitasion che gà menà ła rełìchia del cuor de San Francesco de Sales, dal 1912 a Trevixo.

Dopo eser stada susidiaria de ła Baxełega de San Piero de Casteło, deso xe centro de ła omonema parochia.

DescrisionCànbia

Łe mure de ła céxa xe finìe 'ntel 1525, col convento tacà. El 1543 xe l'ano de ła consacrasion a Sant'Isepo, e xe stàda mesa na fraxe so'l porton de ingreso: A Dio, alla Vergine Maria, alla Patria nell'anno 1543 consacrato.

'Ntel 1563 ła céxa xe fenìa grasie ała donasion de ła famegia Grimani, che ghe gà fato costruìr l'alter mazor e po', 'ntel 1595, el monumento funebre al doxe Marino Grimani.

L'edificio, ne ła so parte esterna, xe un mucio povaro, de stiłe clasico, co łesene laterane che tien su un tìnpano sàvio. De rimarco invese el portàl de intràda, anca staltro vosùo da ła famegia Grimani, co al centro l'òpara de Giulio del Moro Adorazione dei Pastori.

L'interno xe formà da na soła navàda, co un presbiterio, abside e do picołe capèłe. So'ła paréde drèta tre altari, mentre so'ła sànca soło do, co l'enorme mauxołeo al doxe Marino Grimani, e so muger Morosina Morosini.

Ła scàła xe sorastàda dal barco, overosìpia na ringhièra cołegàda al convento, che ghe permeteva ałe sore di intrar ne ła céxa sensa incotràr i altri rełigioxi.

Maravegioxo el dipinto su'l sofito de Gianantonio Torri, de ben 540m2, che par duplicàr el vołume de ła céxa.

Da rimarcàr anca łe òpare pitoriche de Paolo Veronese situàe 'ntel presbiterio: Adorazione dei pastori e San Girolamo.

Sul primo altare de drèta l'òpara de Tintoretto de so fio e Domenico: Il senatore Bon in preghiera dinanzi all'arcangelo Michele che scaccia Lucifero.

BibliografiaCànbia

Le chiese di Venezia, Marcello Brusegan; Ed. Newton.

Altri progetiCànbia

Controło de autoritàVIAF (EN239670200 · GND (DE4821853-4 · BAV ADV11363731 · WorldCat Identities (EN239670200
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Céxa_de_Sant%27Ixepo_de_Casteło&oldid=956074"