Ca' Loredan (San Marco)

Ca' Loredan (abreviasion par Palazzo Corner Piscopia, Loredan) el ze un pałaso venesian, siuà inte'l sestier de San Marco e afasà so'l Canal Grando, poco distante da'l Ponte de Rialto. El ze sede, insenbre a'l tacà Ca' Farsetti, de'l munisipio de ła sità łagunar

Ca' Loredan
Epònemo	Loredan
Dati
Sorte	Edifegà e sentro aministrativo
Costrusion	sèculo XIII
Istòrego
1881	intervento edilizio (it)
Caraterìsteghe
Stiłe architetònego	architetura romànega
Nùmaro de piani	4
Pozision
Rejon aministrativa	Venèsia (Itàlia)
Pozision	San Marco
45°26′11.04″N 12°20′03.59″E45°26′11.04″N, 12°20′03.59″E
Atività
Propietàrio	Venèsia

Storia

Ca' Loredan ła ze fondada inte'l XIII sècoło cofà fòntego veneto-bizantin par ła famegia Boccasi, che ła se gavea destuà inte'l XV sècoło. Segondo serti stòreghi devenjùo dimora de'l doze Jacopo Contarini daspò che'l se gavea ritirà a vita privada, el ze pasà a ła famegia Zane. Inte i sècołi sucesivi el ze zlargà e modifegà pezantemente, ad òpara de ła famegia Cornaro Piscopia, che ła ghe n'a ciapà poseso durando el XIV sècoło drio ła vołontà de Federico Corner, comersiante pì rico de ła só èpoga: ła restruturasion pì pezante ła ze efetuada durando el XVI sècoło. Inte'l 1646 A ghe ze nasesta Elena Lucrezia Cornaro, fiłozofa, pasada a ła storia par èsar stada ła prima dona łaureada de ła storia: ła ga resevesto tałe titoło el 25 zunjo 1678. L'evento, che'l ga avesto na vasta eco intarnasionałe, el ze recordà una tavèła de marmaro reportante na iscrision. Inte'l 1703 ła ze devenjesta dimora dei Loredan, che ło gavea otenjesto grasie a spozałisio intrà na fia de Girolamo Corner co Giovanni Battista Loredan. A ze deventà propietà inte'l 1806 de ła contesa Campagna Peccana, l'è stà trasformà in albergo. El ga pasà inte'l 1867 a'l comune de Venesia e ła ga devenjesto sede de'l munisipio insenbre a Ca' Farsetti: novi intarventi de restruturasion gavea alterà pezantemente ła só pianta orizenałe.

Architetura

Palazzo Loredan el ze un edifisio el cui nucleo pì antigo el ze in stiłe veneto-bizantin, sendo intrà i edifisi de'l Canal Grando che pì i ghe ne conserva łe trase nonostante łe restruturasion. El pian tera sentralmnete el ga un pòrtego serà da sincue archi realsài, sostenjùi da cuatro cołone corinsie, sora el cuało, a'l pian nòbiłe, A se cółoga na eptafora (sete fenestre) inte'l steso stiłe. Ai do ładi de'l protegà, simetregamente, A se despone do fenestre a tuto sesto, a ła cuałe ghe coresponde na trifora a'l pian nòbiłe. Tałe forometria ła ze serà da decorasion bizantine pì che altro de forma sircołar. El segondo pian nòbiłe, che sepur dadrìo el proa de emułar el stiłe de'l primo, el ze caratarizà da na vasta połifora sentrałe, a a cuała ghe fa eco monofore łaterałe. El pałaso, el cui łado dreto el ze caraterizà da ła prezensa de mumaroze monofore e de'l portałe de tera, el se difarensia in cuanto el prezenta pasatisi che ło cołega a Ca' Farsetti. Inte ła parte dadrìo, el prezenta na łonga corte che ła separa łe do ałe segondarie: A se ghe afasa numaroze verture ad arco e el ospeda varie vere da pooo. El pian nòbiłe el ga drento el Sałon de'l Consejo, drento el cuało se conserva òpare d'arte de Benedetto Caliari, Gregorio Lazzarini, Bonifacio Veronese.

Bibliografia

• Marcello Brusegan. La grande guida dei monumenti di Venezia. Roma, Newton & Compton, 2005. ISBN 88-541-0475-2.
• Guida d'Italia – Venezia. 3ª ed. Milano, Touring Editore, 2007. ISBN 978-88-365-4347-2.
• Marcello Brusegan, I Palazzi di Venezia, Roma, Newton & Compton, 2007, ISBN 978-88-541-0820-2.

Voze corełàe

• Pałasi de San Marco
• Ca' Farsetti

Altri projeti

• Altri progetti
• Wikimedia Commons

• Wikimedia Commons el detien imàjini o altri file so Ca' Loredan (San Marco)
• el detien schemi gràfeghi so