Canal de Canarégio

Canal de Canarégio
	; Veduta del canàl verso nord-ovest dal ponte dei Tre Archi
Sorte	Canałe
Parte de	Łaguna de Venesia
Liogo
Rejon aministrativa	Venèsia (Itàlia)
Dati e sifre
Prodondità	5 m

El canàl de Canaregio xe una de łe vie d'aqua più inportanti de Venesia. Cołega el Canal Grando co l'area nord-osidentàl de Canaregio, infra łe fondamenta de San Giobbe e ła fondamenta de Saca San Momoło.

Par le dimension superiori a quełe dei normałi rii interni al çentro storico, el canàl parmete l'atraversamento, oltra che a łe picołe inbarcasion, anca ai batełi de l'ACTV.

Architeture

Pałaso Surian Bellotto

L'inboco del Canal Grando; a sànca Pałaso Labia e ła statua del Morlaiter

Inportanti xe i do pónti che atraversa el canàl infra i più carateristeghi e grandi de ła sità: el ponte de łe Gułie, risałente al XVI secoło, xe l'unico nobiłià da pinacołi, e el ponte dei Tre Archi, unico exenpio oncora existente in Venesia de pónte a più arcàde.

Na statua raprexentante San Giovanni Nepomuceno, òpara del Morlaiter, xe prexente su ła riva ovest del canàl de Canaregio a l'inboco del Canal Grando.

Łe do fondamenta che se slonga ai lai del canàl mostra un mucio de fasàde de vałór architetonego: su tute, Pałaso Labia, logà a l'intersion col Canal Grando; ma degni de nòda xe anca Pałaso Priuli Venier Manfrin, Pałaso Sovergnan, Pałaso Bonfadini Vivante, Pałaso Testa, Pałaso Surian Bellotto.

Oltra ai pałasi, va citàe anca łe Ceze che se łeva lóngo el canàl: Santa Maria dei Penitenti e el so conpleso conventuàl, San Giobe (che al canàl revòlxe el lai de sànca) e San Geremia (co una de łe so do fasàe).

Bibliografia

Venezia, Touring Club Italiano, 1970, p. 464.

Altri progeti

Wikimedia Commons el detien imàjini o altri file so Canałe de Canarejo
Scholia el detien schemi gràfeghi so Canal de Canarégio

Voxe łigàe

Siti che se pol vardàr

Mapa del sestièr de Canaregio
da venicexplorer.net Archivià il 17 de novenbre 2011 in Internet Archive.

da ombra.net Archivià il 9 de zunjo 2021 in Internet Archive.