Canpo San Luca

Canpo San Luca xe un canpo de Venesia situà inte el sestièr de San Marco.

Xeograficamente el xe un mucio visin a canpo Manin e xe ponto de intersesion de łe diretrici de trafico verso piasa San Marco da na banda e da queł'altra Rialto.

Co canpo San Bórtoło el xe stà par tantisimo tenpo uno dei ponti de ritrovo più frequentà dai venesiani, grasie a ła so poxision çentrałe, a ła prexensa de nùmaroxe atività comerciałi e de bar e a ła so visinansa coi ufici comunałi e łe prinsìpałi sede bancarie de ła çità.

Da un ponto de vista architatonego, cavando ła superstite parte setesentesca del moderno Pałaso Nervi-Scattolin, no se ghe afasa edifici de particołàr vałor.

Altri progeti

Wikimedia Commons el detien imàjini o altri file so Canpo San Luca
Scholia el detien schemi gràfeghi so Canpo San Luca