Canpo Santa Malgarìta

Canpo Santa Malgarita xe un canpo de Venesia, situà 'ntel sestièr de Dorsoduro.

Canpo Santa Malgarita

Storia e descrisionCànbia

El toponemo se riferise ała céxa desconsacràda de Santa Malgarìta, logàda a ł'estremità nord orientàl del canpo.

Ł'aspeto atuałe xe dovùo ai interventi de ła segónda metà de l'Otosento decretài da łe autorità austro-ungariche che gà menà, par raxon de caràtere igienico, a l'inbonimento de alcuni rii. Prima del 1863 el canpo rispetava el schema tìpego de altri canpi venesiani a vocasion mercantìl, dełimità a sud da na via d'aqua costituìa da'l rio de ła Scoasera, cołegàda al rio de San Barnaba dal rio de Ca' Canàl. El canpo xe noto parchè tradisionàl liogo de ritrovo zovanìl vista ła visinansa a l' IUAV, a Ca' Foscari e vari istituti superiori. A ciò se ghe xonta ła poca distansa da ła stasion feroviaria, da Piasal Roma e da diversi loghi de intarese monumentàl.

Monumenti e loghi de intereseCànbia

Só'l canpo parlopiù caraterixà da tìpeghe architetute popołari venesiane, insiste alcuni edifici de riłievo architetonego:

Architeture çiviłiCànbia

  • Scoła dei Varoteri (1725), overosìpia i consapèłe, che se prexenta cofà un edificio ixołà in mexo al canpo, a seguito de l'interaménto del rio de ła Scoasera.
  • Ospisio Scrovegni, postà su'l lai sud del canpo.
  • Scoła Granda dei Carmini, al limite sud-osidentàl del canpo (dove che se łeva ancora ła céxa dei Carmini), xe 'l momento de maxór rimàrco artistego, òpara del Longhena, contenente pitùre del Tiepoło.
  • Caxa Foscoło Corner, pałaseto tresentesco al civico 2927.
  • Caxa setesentesca al civico 3429-3430 logàda 'rente el canpanìl. Al çentro de ła fasàda, sòto ła łinea de spòrto xe préxente na scultura del quatrosento rafegurante Santa Malgarìta proveniente da ła viçina céxa desconsacràda.

Architeture rełigioxeCànbia

AltroCànbia

  • Monumento ai caduti de ła Granda Guera: inaugurà el 4 novenbre 1923, riporta i nomi dei 100 cascà de ła parochia dei Carmini sormontà da quatro sculture in bronxo rafeguranti łe quatro vertù del soldà itałiàn: Prudénsa, Giustìsia, Tenperansa e Fortésa, òpara del scultór Angelo Franco.

Tre somegie de'l canpoCànbia

Voxe łigàeCànbia

Siti da vardarCànbia

Altri progetiCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Canpo_Santa_Malgarìta&oldid=955866"