Wikipedia

Cardiołozia

Rama de ła medexina che ła se encarga del stùdio, diàgnoxi e tratamento del sistema sircołatòrio
1 canbio in sta version el xe drio spetar ła verìfega. Ła version stàbiłe ła xe sta controłada el 7 set 2024.
Atension – Łe infomasion riportae no łe xe conseji mèdeghi e i podaria no èsar ben curai. I contegnui i ga soło el fin iłustrativo e no i sostituise el parere mèdego.


Ła cardiołoxia[1] (dal grego καρδία Kardia 'core' e λογία loguía 'stùdio'), ła xe ła rama de ła medexina che ła se encarga del stùdio, diàgnoxi e tratamento del sistema sircołatòrio. Ła cardiołoxia ła xe mèdega e no chirùrxega; I spesałisti che i se rełasiona in manjiera chirùrxega al core, i xe i cardiochirurghi.

Cardiołozia
"medexina interna"
Prategà dacardiòłogo
Ojeto de stùdiocore
MeSHD002309

Małatie cardiovascołari

canbia

Łe patołoxie cardiołòxeghe łe vien xeneregamente ciapae-su co el tèrmano de cardiopatia, e łe se destinguerà segondo ła xona colpia.

Małatie coronàreghe

canbia

Sìndrome coronàrega àcuta

canbia

Soto del nome de sìndrome coronàrega acuta, ghe se cata l'infarto e forme de anxina:

Małatie del “mùscoło” cardìago

canbia

Małatie de łe vàlvołe cardìaghe

canbia

Ste małatie łe xe ciapae-su soto el nome xenèrego de valvułopatie, che łe xe par ła majoransa dei caxi anomałie conxenite o derivae revardanti insufisense o restrision (stenoxi) de łe vàlvołe:


Ła stenoxi e l'insufisensa valvołare łe połe èsar conxenite, ma inte el pì dei caxi in ła pràtega clìnega se cata łe alterasion dexeneradive de łe cùspide e łe malformasion ligae ai depòxitaminti de calso, che i intervien inte łe età pì alte.

Małatie del pericàrdio

canbia
  • Pericardite: de sòłito virałe. Ła xe ła infiamasion dei fojeti pericàrdeghi.
  • Tanponamento cardìago: El xe ligà a ła infiamasion del pericàrdio, che el trasua del siero e el se cùmuła inte ła cavità pericàrdega. De sòłito el njien reasordio doparando dei fàrmaghi, ma se no se fuse boni farlo, se prosedaria cavàndoło co na prosedura ciamada "pericardiosentexi"

Małatie de ła condusion cardìaga

canbia

In sta definision łe vien includeste tute łe aritmie, aonde se cata na alterasion de ła frecuensa cardìaga e i disturbi de condusion veri e propi. Racuante aritmie łe połe èsar includeste inte ła fixiołoxia del ritmo cardìago, altre łe połe èsar indìsio de ła pusibiłità de patołoxie vere e pròpie. El ritmo sinuxałe normałe el njien definio tachicardia se el sùpara i 100 bàtiti al minuto e bradicardia se el xe inferior dei 60 colpi al minuto.

I alteramenti del ritmo o aritmia vera e pròpia, i xe bastansa frecuenti inte ła popołasion xenerałe. Łe pì conoseste e difondeste łe xe:


Małatie dei vaxi

canbia


Małatie conxenite

canbia


  • Brionite

Tumori del core

canbia

Inte ła insidensa dei studi autòpteghi[3],[4], ła persentuałe de tumori che i ciapa el core ła xe arente del xero, o sia scuaxi inexistenti, parò xe pì difondesto el desviłupo de metàstaxi da tumori primidivi provegnenti da altri òrgani, che i połe darghe malfunsionaminti al core.

El ecocardiograma el xe de grando suporto par el reconosimento e ixołamento de ste lexion segondarie. Intrà i tumori primidivi del core, se połe catarghe anca el Mixoma, che el riva da soło al 50% de tute łe forme tumorałi che połe ciapar el core. Ła persentuałe cusita tanto basa dei tumori cardìaghi ła xe gràsie a l'atività contìnua de l'organo, che no el parmete el "intacamento" e desviłupo de łe çèłułe neoplàsteghe. Intra i tumori del core catemo:


Exami

canbia

Cofà cheło che càpita in tute łe rame mèdeghe, anca inte ła cardiołoxia se ghe xe on grando nùmaro de exami o test che i njien normalmente dividesti in invaxivi e no invaxivi. Ła anamnexi (descrision de ła problemàdega da parte del pasiente o dei so famejari) no ła połe eła soła definirse on exame mèdego, ma gràsie a łe informasion contae [6] el rexulta èsar el primo contato al pasiente, par saverse orientar so ła pusìbiłe diagnoxe e desidar cusì cuałi exami dimandar che vegna fati.

Exami no invaxivi

canbia
 
ECG: el prinsìpio del so funsionamento

Eletrocardiografia

canbia

Ła ełetrocardiografia o anca ciamà eletrocardiograma (ECG), exame continuamente evolvesto inte i ùltemi sècołi,[7] el ga el fin de raprexentar grafegamente i inpulsi ełètreghi xenerai dal core, tegnendo parò conto del fatore tenpo.[8]

Oltre che inte ła so forma clàsega, existe anca l'ełetrocardiografia dinàmega anbułatoriałe, ciamada anca "Holter", on exame che el rejistra el ECG par 24/48 ore (i existe anca rejistradori de ùltema xenerasion, che traerso de na normałe card, i połe rejistrar finmente sete dì) e che el vien doparà par risercar ła rejistrasion de on sìntomo, in xenare ła palpitasion, e capìrghene łe càuxe.

Ecocardiografia

canbia

L'ecocardiografia, o sia l'ecografia del core el xe on grupo de tècneghe che łe se baxa so el emétar ultrasoni inte el intervało de frecuensa intrà 2 e màsemo 10 MHz. L'exame el xe bon de esplegar in frecuensa ła onda de presion, faxendo vegner fora tuto so on schermo che el cardiòłogo el varda finmente se xe drio far l'exame. Ła union de exami ła xe fata da:

  • Ecocardiografia baxałe
  • Ecocardiografia co mexo de contrasto, exame de ùltema difuxion, co difarenti funsion e de doparasion soradetuto par studiar ła parfuxion miocàrdega.[9]
  • Ecocardiografia transexofaxea. Łe imàxeni che se ga traerso ła doparasion dei cusì ciamai ETE (acrònemo inglexo par dirghe in vèneto łe sonde ecocardiogràfeghe transexofaxee) łe xe standarixae par parmetar on stùdio uniformà.[10] Sto exame el se fa meténdoghe drento de l'exòfago traerso ła boca del pasiente na sonda dotada de on trasdutor a ultrasoni.
  • Ecocardiografia prenadałe
  • Ecocardiografia perinadałe
  • Ecocardiografia da sforso (o da stres) el xe el exame che el se fa in contìnuo monitorajo sia prima, che finmente, che dopo on sforso che ghe njien fato far a na parsona, tanto ùtiłe par capìrghene ła provegnensa del dołore toràsego, sìntomo rexaltà dai pasienti. Se ła parsona no ła połe far nisun sforso fìxego, ełora se incorarà in on stress induxesto da determanai fàrmaghi, cofà par exenpio dobutamina e el dipiridamoło. Sto exame el xe doparà anca par vałutar in xenerałe ła prògnoxi[11] e so parsone dopo on evegnensa de infarto par conòsarghene ła vitałità cardìaga.[12]


In pì ghe xe anca ła ecografia Doppler che ła połe èsar fata anca so vene (Doppler venoxo) e artèrie (Doppler arterioxo) in manjiera da parmétar el stùdio de ełe istese e del fluso de sàngue drento de ełe.

Altri exami

canbia

Exami invaxivi

canbia
 
Pacemaker

Notasion

canbia
  1. ↑ o sevente altre grafie e varianse cardiołozia
  2. ↑ Edwards JE, Anomalies of the derivatives of the aortic arch system, in Med Clin North Am., vol. 32, 1948, p. 925.
  3. ↑ McAllister HA, Fenoglio JJ, Tumors of the cardiovascular system 1978, pagine 1-3
  4. ↑ Reynen K: Frequency of primary tumors of the heart am J Cardiol 1996, pagine 77-107
  5. ↑ Burke AP, Virmani R., Cardiac rhabdomyoma: A clinicopathologic study, in Mod Pathol., vol. 4, 1991, pp. 70-74.
  6. ↑ (EN) Sapira JD, The history. In The Art and science of Bedside Diagnosis, in Urban & Schwartzenberg, vol. 180, 1990, pp. 9-45.
  7. ↑ (EN) Fisch C, Centennial of the string galvanometer and the electrocardiogram, in J am Coll Cardiol, vol. 26, 2000, p. 1737.
  8. ↑ Costantini, op. cit., p. 1 .
  9. ↑ (EN) Kaul S =, Myocardial contrast echocardiography:15 years of research and development, in Circulation, vol. 96, 1997, p. 3745.
  10. ↑ (EN) Seward JB, Khandheria BK, Freeman WK autorelink =, Multiplane transesophageal echocardiography: Image orientation, examination technique, anatomic correlations, and clinical applications, in Mayo Clin Proc, vol. 68, 1993, p. 523.
  11. ↑ (EN) Marwick TH, Case C, Sawada S., Prediction of mortality using dobutamine echocardiography, in J Am Coll Cardiol, vol. 37, 2001, p. 754.
  12. ↑ (EN) Carlos ME, Smart SC, Wynsen JC JD, Dobutamine stress echocardiography for risk stratification after myocardial infarction, in Circulation, vol. 95, 1997, p. 1402.
  13. ↑ (EN) Williams FH, A method for more fully determinino the outline of the heart by means of a fluoroscope together with other uses of the instrument in medicine, in Boston Med Surg, vol. 135, 1896, p. 335.


Controło de autoritàLCCN (EN) sh85020214 · GND (DE) 4114141-6 · BNF (FR) cb119328721 (data)
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cardiołozia&oldid=1175691"