Carlo Ruzzini

Carlo Ruzzini (Venesia, 11 de novembre 1653 – Venesia, 5 de genaro 1735) xe stà un [[doxe |doxe]] [[Republica de Venesia |venesian]].

Carlo Ruzzini

Biografia
Nasimènto	11 de novenbre del 1653 Venèsia (Itàlia)
Mòrte	5 de zenaro del 1735 (81 ani) Venèsia (Itàlia)
113o Doxe
2 de zugno del 1732 – 5 de zenaro del 1735 ← Sebastiano Mocenigo – Alvise Pisani →
Anbasador
Atività
Canpo de laoro	Diplomasia, Pułìtega, goerno, censura (it) e dedica (it)
Posto de laoro	Venèsia
Laóro	diplomàtego, statista, pułìtego, miłitare, censore (it)
Fameja
Fameja	Ruzzini (it)

Nasùo da Marco e Caterina Zen, el gavea do fradei. El xe stà el sentotredexeximo doxe de ła Republica Vèneta.

Vida

Essendo siòr, el se ga dedicà a ła cariera diplomatega, rivando presto in sima. Ła decadens de ła Republica de Venesia e ła guera contro i turchi inte el periodo 1684-1699 ła ga conportà ła necesità de catar abiłi diplomateghi e questo a ga avantajà ła cariera del Ruzzini. Łe notisie pì intaresanti sora ła so vida łe se cata durante łe tratative a Carlowitz (1698-1699), impegnà, senza granda fortuana, a otegner dei vantaj par ła so patria.

Na serta exitasion e ła paura de ciapar decixion sbaglià presto i ło ga rexo sgradìo ai altri negosiadori che, quindi, presto i ło ga tegnù fora da łe decixion pì inportanti.

Sto epixodio no el ga blocà ła so cariera, visto che el ga partecipà a altre tratative inportanti (Utrecht, 1712) indove, parò, Venesia, potensa ormai decadente e relegà inte i confini itałiani, no ła ga avudo gran parte e ła xe sta presto acantonada.

Ł'ultima guera combatua da Venesia contro i turchi (1714-1718) ła xe finìa co ła pace de Passarowitz (21 de lujo 1718) che, se da na parte ła ga visto oncora come rapresentante diplomatego un pì decixo Ruzzini, da l'altro ła ga meso in piena evidensa ła debołesa de Venesia, che ła ga avù poco o gnente da chel tratado.

Pur małà, el ga proseguìo ła so cariera diplomatega come anbasador e presto el xe diventà uno dei personaji pì rispetai del panorama połitego.

Candidadose sensa suceso a ła carica dogałe inte el 1722, ła ga otegnua sensa masa far fadiga inte el 1732, co ben quaranta voti so quarantauno.

Dogado

Durante el periodo del so curto dogado, tre ani apena, ła vita ła xe pasà tranquiła par Venesia, ormai sarà inte ła piena neutrałità e escluxa dal grande contesto internasional. Par quanto se sa, el xe sta on omo scrupołoso e sajo, ma poco considerà.

Altri progetti

• Wikimedia Commons

• Wikimedia Commons el detien imàjini o altri file so Carlo Ruzzini
• el detien schemi gràfeghi so