Cazałe sol Siłe

**Cazałe sol Siłe**
;
Pozision
	45°36′00″N 12°20′00″E
Stato	Itàłia
Rejon	Vèneto
Provinsa	Trevizo
Capitałe	Casale sul Sile (it)
Popołasion
Totałe	13 168 (2023)
Densità	489,15 hab./km²
Zènaro
Demònemo	casalezi ,
Zeografia
Àrea	26,92 km²
Altitùdene	6 m
Rente a	Cazier ; Cuarto d'Altin ; Roncade ; Pregansioło ; Mojan ; Siłea
Dati istòreghi
Dì festivo	Festa patronałe(5 de apriłe)
Patrono	Vincenso Fereri
Còdazi de identifegasion
Còdaze postałe	31032
Còdaze de matricołasion	TV
Fuzo oràrio	UTC+1 ; UTC+2
Clasifegasion climàtega	clima subtropegałe ùmido
Prefiso tełefònego	0422
ID ISTAT	026009
Còdaze catastałe de Itàlia	B879
Sito web	comunecasale.tv.it

Cazałe sol Siłe (pronunsa tradisionae [kaˈzal], [kaˈzae]) el ze un comun de 12 908 abitanti^[2] de ła provincia de Treviso.

Zeografia

El teritòrio el ze totalmente pianejante[ e el ze caraterizà da tereni de arziła e inpermeàbiłi che i favorise ła rete ìdrega superfisałe: ghe ze tanti fosi e canałi de scoło cofà ła Severa, el Bigonso, el Serveto e el Rioło. Co l'èsarghe de precipitasion intense, połe verifegarse de łe inondasion.

Parsuposto, el fiume prinsipałe de Cazałe el ze el Siłe, el cuało el core arente el sentro sitadin, dełimitàndoło in tuto el canton nord-orientałe. Inte l'àrzare a ła drita del sentro, se ghe połe catar el Porto de Cazałe, anca ciamà portezoło, el cuało el ze meta de barchese e houseboat par via de ła so bełesa estètega.^[3]

Ghe ze anca altri fiumi pi picenini: El Bigonzo, de 12,78 km che el nase a Setecomuni de Pregansiol e el se unise al Siłe a Cazałe

Ła Severa, fiume che el core par 16,34 km da Cuinto de Trevizo a Cazałe e el se buta inte el Siłe arente de Via Valli.

Orìzeni del nome

El topònemo Cazałe, racuanto difondesto inte ła penìzoła itàłega, el deriva dal latin casalis, "ceo insediamento rurałe". Xe proàbiłe, de fati, che za inte l'època romana el paeze el fuse un vicus, o sia un paezin de canpagna inte el confin intrà i agri de Trevizo e Altin.

Ła definision "sol Siłe" ła ze in dòpara fin da ła època medievałe (Casale Silerii, 1101; villa Casali super Silerem, 1257), ma ła ze stada ufisalizada solché inte el 1868.

Istòrego

El paeze el ze sta cità ła prima volta inte un documento del 1101, fato a Casałe Silerii.

Un primo nùcleo de Cazałe sol Siłe el ze sorzesto inte el medioevo da torno del casteło, a pianta cuadra e provedesto de na tore, che i da Camin, siori de Trevizo, i ghea doparà inte el ndar de ła lota contro i Venesiani. Ła fortesa ła se trovava inte na pozision stratèzega: so ła riva drita del Siłe, ła podea controłàrghene i tràfeghi. La funsion stratèzega e difensiva de l'edifegà ła zera potensiada anca da na gałaria soterànea de traversamento del fiume arente, seguramente - par i tenpi - de azardada e àrdua fatibiłesa, dopo sprofondada, e del cuało se połe oncora védar l'inbocaura rudenada inte ła baze de ła tore. Inte el da drio de st'ùltema łe ze invese vedìbiłi łe segrete, andove sventurai forałeje e 'nemighi' venesiani i vegnea inprezonai. I Cararezi i ghea slargà el casteło cazałeze zontàndoghe na seconda tore, cheła che oncora uncó che ghe ze, difarentemente cueła orìzenària cascada.

El casteło (a diferensa de numarévułi altri che i ze stai interai dai Venesiani) el ze sta restaurà inte el 1418 da Guido Canal, podestà de Trevizo, e el zera sta doparà cofà abitasion rurałe. Inte l'Otosento cuel poco che ne restava el ze sta desfà, Uncó ła tore (ła restante) dei Cararezi ła ze stada restaurada (propietà fam. Tonolo) e ła ze integrada inte un parco privà perfetamente curà, ma gnoncora vizitàbiłe da ła popołasion.

Evołusion demogràfega

Wikimedia Commons el detien imàjini o altri file so Cazałe sol Siłe
Scholia el detien schemi gràfeghi so Cazałe sol Siłe

Controło de autorità	VIAF (EN) 151431909 · LCCN (EN) n95074934 · WorldCat Identities (EN) n95-074934

↑ voze de refarensaistat.it.
↑ http://demo.istat.it/bilmens2020gen/query.php?lingua=ita&Rip=S2&Reg=R05&Pro=P026&Com=9&submit=Tavola Archivià il 7 de febraro 2021 in Internet Archive.
↑ Parcosile.it, parcosile.it, http://www.parcosile.it/it/pun_dettaglio.php?id_pun=1846 Titolo mancante par url url (juto). entrada il 6 de zugno del 2020.

[16139ca327c50d72c40d8c5fd3abe706b989650e-1] voze de refarensaistat.it.

[2] ttp://demo.istat.it/bilmens2020gen/query.php?lingua=ita&Rip=S2&Reg=R05&Pro=P026&Com=9&submit=Tavola Archivià il 7 de febraro 2021 in Internet Archive.

[3] Parcosile.it, parcosile.it, http://www.parcosile.it/it/pun_dettaglio.php?id_pun=1846 Titolo mancante par url url (juto). entrada il 6 de zugno del 2020.

[2]

[1]

[3]