Da Camin
I da Camin, ciamà anca Caminéxi, i xe stà na nobiłe fameja trevixana de orixene Longobarda, protagonista de ła istòria del Triveneto. Orixenariamente venìa anca ciamà da Montanara
| Da Camin | ||
| ||
| Stato | Itałia | |
|---|---|---|
| Cazada de derivasion | Colalto | |
| Fondator | Guitcilo da Montanara | |
| Data de fondasion | 958 | |
| Data de depozision | 1422 | |
| Etnia | Longobarda | |
Orixene del nome e stema canbia
El cazado el prende el nome da Camin, na picoła frasion del comun de Oderso, in provincia de Trevizo, dove gh'era on castel che ghebe on ruolo secondario rispeto a quełi de sentri piassè inportanti, come quel de Seravałe che'l coresponde a ła parte nord de Vitorio Veneto, che a l'epoca gavea na inportante rilevansa economica, oltre che on castel che defendéa el teritorio.
Ło stema de ła fameja xera no scudo troncà de bianco e de nero: xeneralmente ła semplisità del stema indeca l'antichità de ła fameja a cui el apartien. Alcuni storixi i ga ipotizà alcune varianse de sto stema: in particolar quel del ramo inferior de ła fameja, separà intè'l XIII secoło, che ga probabelmente adotà no stema co cołori invertii, co l'axonta de na croxe, en ricordo de on menbro de ła fameja morto intè ła tersa Croxada. St'ultema ipotexi xe stà rixetà dałi storici en quanto ne ła existe mia nesuna prova.
Orìxene canbia
Łe orìxini de sta fameja son piutosto oscure, anca se secondo na tradision ła fameja deriva dała dinstìa dełi Colalto.
Manca na documentasion par confermar sta ipotexi, ma apr evidente come ste fameje gavea no streto raporto de parentela, n'altro indisio par la parentela tra ste do fameje xe sugerìo da i do stemi de łe fameje.
Gherardo III da Camin, dopo aver sconfito łi Exelini, el diventa siore de Trevixo, dove ła so fameja comanda fin ała conquista deła Republega de Venesia.
Conponenti canbia
- Guitcilo da Camin (IX secoło)
- Guidon da Camin (X-XI secoło)
- Guecelo da Camin (XI-XII secoło)
- Gabriele I da Camin
- Guecellone II da Camin (... - 1187)
- Gabriele II da Camin
- Gabriele III da Camin
- Guecellone III da Camin (1117-1236)
- Biaquin II da Camin (1220-1274)
- Gherardo III da Camin (1240-1306)
- Rizardo II da Camin (1274-1312)
- Gaia da Camin (1270-1311)
- Guecellone VII da Camin (...-1324)
- Rizardo III da Camin (...-1335)
- Beatrice da Camin (...-1388)