Caza Bianca
La Caza Bianca (in ingleze White House) ła ze ła rezidensa ufisałe del presidente dei Stati Unii e sede de ła istesa prezidensa. Ła ze pozisionà al nùmaro 1600 de Pennsylvania Avenue a Washington e ła ze sta ła rezidensa de ogni presidente dei Stati Unii da John Adams in dopo. El tèrmeno "Caza Bianca" el ze de frecuente doparà par metonimia par referirse ai ufisi del presidente e dei so consejeri.
 Caza Bianca | ||
  | ||
| ||
| Nome inte ła łéngua orizenałe | (en) White House | |
|---|---|---|
| Dati | ||
| Sorte | Mansion, edifiso sìvego, atrasion turìstega e presidential palace (en)  | |
| Parte de | White House Complex (en) | |
| Architeto | James Hoban | |
| Costrusion | seculo XVIII | |
| Vertura | 1° de novenbre del 1800 | |
| Doparasion | rezidènsa ufisałe | |
| Istòrego | ||
| 1814 | Incendio di Washington (it) | |
| 1949 – 1952 | recostrusion | |
| Caraterìsteghe | ||
| Stato de dòpara | in dòpara | |
| Stiłe architetònego | architetura neoclàsega | |
| Costo | 232 371,83 $ | |
| Mezurasion | 21,33 ( ) × 46,3 ( ) × 51,2 ( ) m | |
| Nùmaro de piani | 4 | |
| Pozision | ||
| Rejon aministrativa | Washington D.C. | |
| Pozision | 1600 Pennsylvania Avenue NW, Washington, DC 20500 | |
| ||
| Formà da | Red Room (en) Executive Residence (it) West Wing (it) Situation Room (it) Lincoln Bedroom (en) Studio Ovale (it) East Wing (it) | |
| District of Columbia Inventory of Historic Sites (en) | ||
| Data | 8 de novenbre del 1964 | |
| National Historic Landmark (it) | ||
| Data | 19 de disenbre del 1960 | |
| Atività | ||
| Propietàrio | Goerno Federałe dei Stati Unii | |
| Zestor - oparador | National Park Service (it) | |
| Abità da | Presidente dei Stati Unii de l'Amèrica Prima famiglia degli Stati Uniti d'America (it) | |
| Vizitanti anuałi | 826 300 (1954) | |
| Ligo web | whitehouse.gov | |
      | ||
Co ła Blair House, adibia par ospitar łe dełegasion in vìzita de stato, e al Number One Observatory Circle, andove el rezidénsia el vicepresidente dei Stati Unii, ła Caza Bianca ła ze una de łe tre rezidense pì inportante de ła capitałe.
Istòrego
canbiaConcorso de architetura
canbiaLa nova capitałe de ła zóvane repùblega ła zera situada su un teren cedesto da do stati, ła Virginia e el Maryland, che łe ghea anbedó trasferio ła propietà de ła tera al goerno federałe in resposta de un conpromeso col presidente Washington. I comisari de ła DC i zera stai incargai dal Congreso de costruir ła nova sità soto ła diresion del presidente. L'architeto de ła Caza Bianca el ze sta decidesto inte un concorso. Inte el 16 de lujo del 1792 el presidente Washington el zera ndazesto a ła nova sità federałe par esprìmar el so zudìsio so i vari projeti. El ghea sełesionà ła prezentasion de James Hoban, un irlandezo che el viveva a Charlestown, inte ła Carolina del Sud. Washington no el zera sta del tuto satifazesto de ła proposta orizenałe de Hoban, el vedea el projeto cofà masa picenin, sensa pariboni e miga justo par el presidente de ła nasion. Su racomandasion de Washington ła caza ła ze stada anpliada del trenta par sento, ła zera sta zontada na granda sała de recevimento, l'atuałe East Room. Tałe racomandasion ła ze stada probabilmente ispirada da ła granda sała de recevimento de Monte Vernon.
Influense del design
canbiaL'edifiso projetà da Hoban el ze sta in granda parte modełà sul primo e secondo pian de Leinster House, un pałaso dogałe de Dublin, in Irlanda, che deso ła ze ła sede del Parlamento irlandeze.
Costrusion
canbiaLa costrusion ła zera stada scumisiada inte el 13 de otobre del 1792. Fintantoché ła Caza Bianca ła resta un sinboło de ła democrasia americana, ła caza inte l'isteso tenpo ła reflete anca el primo coinvolzimento de ła nasion co l'istitusion de ła s-ciavitù. Un diàrio tegnesto dal comisàrio par l'edilìsia del Distreto de Columbia el se ghea notà che i fondamenti de ła rezidensa prinsipałe i zera stai scavai e lavorai da s-ciavi. Granda parte de tuti i lavori de ła caza i ze stai fati par man de imigrai, racuanti dei cuałi gnoncora sitadini. Le parete in arenària łe zera stae traeste-sù da imigrai scosezi, cusita cofà i pariboni de roze e zoje in altoriłievo sora de l'entrada nord e ła motivasion fata a "scaje de pese" soto dei frontoni de łe finestre. Granda parte del laoro in matoni e malte el ze sta produzesto da imigrai irlandezi e italiani. La costrusion inisiałe ła ghe ze stada drento de un perìodo de oto ani, co un costo declarà de $232.371,83 ($ 2.4 miłioni de dòłari drio ła vałutasion del 2005). Anca se gnoncora concludesta, ła Caza Bianca ła zera pronta par devegner ocupada da torno al 1 de novenbre del 1800[1].
Convension de denomenasion
canbiaCo che ła costrusion ła zera sta terminada, łe parete de arenària łe zera stae revestie co na miseła de calsina, coła de rizo, cazeina e pionbo, dazendo a ła caza fata in stiłe neoclàsego[2] el so cołore e el nome famejar. L'edifiso el zera orizenariamente ciamà in vàrie magnere "Pałaso del presidente", "Maniero prezidensiałe" o "Caza del presidente". Dolley Madison el ło ciamava el "casteło del presidente". Ze dal 1811 che par via del so esterno in piera pintada de bianco ła ga fata ciamar "Caza Bianca". El nome "Executive Mansion" (Mansion de l'Ezecutivo) el ze sta doparà in contesti ufisałi finmente a co che el presidente Theodore Roosevelt el ga stabiłio el nome formałe divegnendo "White House–Washington"[3] incidéndoło anca su ła cancełaria inte el 1901. El presidente Franklin Roosevelt el ga canbià ła so carta intestada in "The White House" co ła paroła "Washington" sentrada soto. Cueła convension ła ze in pie oncora oncó.
Notasion
canbia- ↑ (EN) Información general de la Casa Blanca, in Museo de la Casa Blanca. entrada il 13 de septiembre de 2009.
- ↑ (EN) Introduction, in The White House Historical Association. entrada il 18 de marzo de 2012.
- ↑ The President's House, A History. Volume II., in White House Historical Association, 1986, pp. 689. 1, 0-912308-28-1.
Altri projeti
canbia
Wikimedia Commons el detien imàjini o altri file so Caza Bianca
el detien schemi gràfeghi so
Linganbi foresti
canbia- (inglezo) Sito ufisałewhitehouse.gov. Sconosesta: inglezo (juto)
- (inglezo) Blog ufisałewhitehouse.gov (archivià il 1º de aprile 2020). Sconosesta: inglezo (juto)
- The White House / Trump White House (canale ufisałe)YouTube.
- Casa BiancaTreccani.it – Enciclopedie on line, Istituto de ła Ençiclopedia Italiana.
- (EN) B. Philip Bigler, White HouseEnçiclopedia Britannica, Encyclopædia Britannica, Inc.
- (EN) Opere riguardanti White House / The White House / White House (Washington, D.C.)Open Library, Internet Archive.
- (EN) Caza BiancaStructurae.
- (EN) Caza BiancaEmporis Building Directory.
- (EN) Caza Bianca (edifegà) / Caza Bianca (National Park System unit)Geographic Names Information System, USGS.
| Controło de autorità | VIAF (EN) 155235437 · LCCN (EN) sh85146483 · GND (DE) 4331244-5 · BNF (FR) cb12074919r (data) · ULAN (EN) 500312779 · NLA (EN) 49682301 · BAV ADV12100174 · WorldCat Identities (EN) 155235437 |
|---|