Wikipedia

Cesare Colonnese


Cesare Colonnese nase a Trento el 22 Otobre del 1963. El pasa i so primi ani in questa sità ma po' co ła so famegia se spostarà andando a viver a Venesia.

Col riva a Venesia el gà sinque ani. Xe qua ch'el taca aver la so vita cresendo e avendo i so amighi, so fradeło de nome Leonardo più grando de łù de un ano, avendo cussì na infansia senplice e fełise. El frequenta scołe d'obligo e superiori. No'l gaveva pasion par le materie tecniche. Ła pasion ghe riva quando darente a Diego Della Palma el scoverxe de aver la pasion par el truco (dito anca Make up da l'inglexe).

Cesare gà un caratere dal tenperamento 'verto e afàbiłe e cussì el se incorxe che ła so véna xe creativa. Cussì ben presto el deventa ła spała de sto famoxo "vixagista de łe dive famoxe" e el pasa qualche ano a darghe consegi su come uxar el truco inte i sałoni de bełésa e ne łe profumarìe. Sucesivamente el laora anca inte el sinema, co atori de suceso. El se incontra co atori famoxi, cantanti e xornałisti cofà par exenpio : Stefano Accorsi, Bruce Willis, Pupo, Rosanna Cancellieri, Ornella Vanoni.

Ma come carateristica de tanti artisti Cesare no se sente oncora conpleto e cussì un dì el recita un monołogo e tuto co na spontaneità e na espresion sol volto che subito ghe permete de otegnìr un gran suceso. El intra in sena squaxi par xogo ma queła spontaneità e queła naturałésa che ło desferensia ghe da rapdiamente un gran suceso e el publico de frecuente ai so spetacołi risponde senpre prexente.

A volte, col recita, el xe pien de sarcasmo, ma anca ironico e otimista dei nùmaroxi problemi che gà ła sità łagunàr. El raprexenta i "tipi de venesiani" de ancùo co i so tic e łe so manìe che vien proposti in divertenti monołoghi par exenpio inte el spetacoło "Dove ti xe?" in cui vien raprexentà na sureałe conversasion al tełefonìn, spetacoło divixo in do ati. Intervistà anca ne ła Rubrica "Settimanale" del tełegional regional del Veneto, el gà espreso che ama recitar contando del so sentimento par Venesia, el modo de viver che gà i venesiani e i nùmaroxi canbiamenti che gà subìo o che subìse sta sità. Da ricordàr la so conparsa in ocaxion del finto "funeràl" (14 novenbre 2009) par la spopołasion de Venesia organixà dai amighi del sito Venessia.com da senpre atento a łe problemàteghe de ła sità łagunàr.

El resvegio del doxe

canbia

Dopo el funeral de ła sità de Venesia, avegnimento provocatorio inte i confronti de ła situasion atual de ła sità el spopołamento in primis, e altre trovàe spiritoxe, el 17 de Novenbre 2012 Cesare interpreta vestìo da Doxe pròpio sto ultimo che risvegiandose dopo secołi se incorxe de come Venesia sia canbiàda e taca un longo discorso so i problemi che sta sità ła gà e durante sto intervento xe prexenti un mucio de sitadini tanti d'acordo co łe paròłe dite da sto ator. El fìn de sto so intervento xe stà apunto queło de darghe na descantàda a tuto l'anbiente che sia sitadino opur połitico che sta a cao de ła sità.

Siti da vardàr

canbia






Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Cesare_Colonnese&oldid=1173870"