Ceza de San Micèl in Ìzoła
Ła céxa de San Micèl in ìzoła, xe un edificio lerigióxo de ła sità de Venesia situà 'rente l'Ìxoła de San Michièl.
 Ceza de San Micèl in Ixoła | ||
| ||
| Epònemo | San Michièl Arcànxoło  | |
|---|---|---|
| Dati | ||
| Sorte | Ceza | |
| Architeto | Mauro Codussi | |
| Costrusion | seculo XV | |
| Dedicà a | San Michièl Arcànxoło | |
| Caraterìsteghe | ||
| Stiłe architetònego | architetura renasimentałe | |
| Materiałe | Piera d'Ìstria | |
| Canpaniłe | | |
| Venesia | ||
| ||
| Atività | ||
| Diòseze | Patriarcàdo de Venesia | |
| Rełijon | catołega | |
|
| ||
Ła Ceza xe stada ła prima òpara venesiana de l'architeto lonbardo Mauro Codussi, rinovador de l'architetùra łagunar. Xe stà reałixà intra el 1468 e el 1479.
Architetùra
canbiaŁa fasàda xe tripartìa, łibaramente ispirada al Tempio Malatestiano de l'Alberti, co do ordeni soramontài. Queło inferiór xe caraterixà da un paramento slìso co l portal sentral co tìnpano triangołar e do alte fenestre ad arco in corispondensa de łe navàe in banda. Queło superiór prexenta un atico intra lesene co l'ocuło e quatro dischi marmorei połicromi, soramontài dal fronton curviłineo, mentre łe bande xe cołegàe da do a łe ricurve, dai sòtiłi ornamenti a lexena a sguso de capa; inte el ponto dove che i se cołega a ła parte sentral se cata un cornixón sporxente che tagia in do łe lesene.
L'interno de ła Ceza xe tramexà in tre navàe, scandìe da archi a tuto sèsto tegnùi su da cołone. Ogni navada xe coverta da casełóni e finise in un abside semisircołar. Łe ultime canpàe de łe navàe xe separàe da sete murari e coverte da cùbołe òrbe.
Su ła banda de l'intràda se cata un vestiboło separà dal resto de ła Ceza da "barco", overosìpia na cantoria tegnìa su da arcàe. Sotràendo el spasio del vestiboło e queło del presbiterio co łe cùbołe se otien un corpo çentral parfetamente quadrixà.
Bibliografia
canbia- Pierluigi De Vecchi ed Elda Cerchiari, I tempi dell'arte, volume 2, Bompiani, Milano 1999. ISBN 88-451-7212-0
Voxe łigàe
canbiaAltri progeti
canbia
Wikimedia Commons el detien imàjini o altri file so Céxa de San Micèl in Ixoła
el detien schemi gràfeghi so
Siti da vardàr
canbia- dal sito turismovenezia Archivià il 1º de disenbre 2014 in Internet Archive.
- Dal sito del muxeo Correr
- Dal sito d'Arte
- dal sito Veneziasi Archivià il 6 de zunjo 2013 in Internet Archive.
Linganbi foresti
canbia- Sito de ła Parochia de San Cansian (ligo ronpesto dispunìbiłe in Internet Archive; védarse el istòrego, la prima version e ła ùltema).
| Controło de autorità | VIAF (EN) 58145067090066631439 · ISNI (EN) 0000 0001 2104 7359 · WorldCat Identities (EN) 58145067090066631439 |
|---|