Ceza de San Nicołò dei Mendigołi

	Cèxa de San Nicolò dei Mendigoli
Epònemo	Nicoła de Bari
Dati
Sorte	Ceza
Costrusion	seculo XII
Dedicà a	Nicoła de Bari
Caraterìsteghe
Stiłe architetònego	architettura romanica in Italia (it)
Materiałe	cuareło
Canpaniłe
Pozision
	Venesia
Pozision	Dorsoduro
	45°25′57″N 12°18′57.24″E
Atività
Diòseze	Patriarcàdo de Venesia
Rełijon	Catołega
Ligo web	anzolomendicoli.it

Ła céxa de San Nicołò dei Mendigołi xe un edifcio lerigióxo de ła sità de Venesia, situà inte el sestièr de Dorsoduro.

Storia

Ła Ceza de San Nicołò dei Mendigołi xe una infra łe più antighe de Venesia: se prexume che existese xa na costrusión inte el VII secoło.

Ghe xe do ipòtexi su ł'orìxene del nome de ła céxa. Segóndo łe prime ipòtexi, Mendigołi sarìa ła strupiàda de Mendigoła che xe l'antigo nome de l'ìxoła sòra ła cuała ła xe fabricàda. Segóndo l'altra ipòtexi, Mendigołi derivarìa da mendici a indicar łe modestisime condisión de vita de ła contrà, abitàda prevałentemente da pescaóri e artexàni.

Xe pròpio in sta contrà che gaveva sede i cussìditi Nicołoti, una de łe fasión de łavoratori de l'Arsenal, acerimi scontri de ła simiłe fasión dei Castełani, situài a ł'estremo oposto de ła sità ne ła xona de San Piero de Casteło. Almanco na volta a l'ano łe do fasión se scontràva viołentemente su'l Ponte dei Pugni ne ła visina parochia de San Barnaba, in una tradisionàl batàgia a man nùe.

Ła Ceza xe restàda seriamente disestàda da ła diłuviòn del 4 novenbre 1966. Nei ani setanta xe stàda al sentro de un conpleso intervento de restàuro, finansià grasie al Venice in Peril Fund, durante el cuało se gà prosedùo anca a na montàda xenerałe del siòło, esposto continuamente ai dani de l'aqua alta, esendose vegnìo a trovar ben trenta sentimetri soto el liveło mèdio dei canałi.

Inte el 1973 ła Ceza xe stàda uxàda anca come set sinematografego par el film A Venezia... un dicembre rosso shocking de Nicolas Roeg.

Descrisión

Ła costrusión del VII secoło xe stàda sostituìa da l'atual Ceza del XIII secoło, de inpiànto romanico baxełegal a tre navàe. Anca sta segónda fabrica xe stàda anpiamente rimanixàda inte el corso del tenpo, sia a l'esterno, co ła xontadùra inte el XV secoło de un picoło pòrtego su'l lai setentrionàl, sia a l'interno, tanto rico, dove inte el XVI secoło.

San Nicołò
picoło pòrtego su'l lai setentrionàl

ła navàda sentràl xe stàda nobiłiàda co statue in legno indorà. Łe paréde soràne xe decoràe da un ciclo de dipinti rafeguranti sene de ła vita de Gesù Cristo, òpara de diversi pitori apartenenti a ła scòła del Veronese. Al so interno xe paràltro prexente el corpo de San Niceta (martire goto). Pregevołe anca l'organo del XIX secoło, de ła dita Bazzani.