Ceza dei Eremitani

	Cexa dei Eremitani
Dati
Sorte	Ceza
Costrusion	1276 (Gregorian)
Dedicà a	Fiłipo apòstoło
Caraterìsteghe
Stiłe architetònego	architetura romànega
	Pàdoa
	45°24′38.04″N 11°52′47.24″E
Formà da	Tomba di Giacomo II da Carrara (it) ; Tomba di Ubertino da Carrara (it) ; Altar Ave Regina Caelorum (en)
Ben culturałe d'Itàlia
Atività
Diòseze	diòseze de Pàdoa
Rełijon	catołega
Abità da	Ordine di Sant'Agostino (it)
Ligo web	diocesipadova.it…

Ła cexa dei Eremitani ła xa na strutura de Pàdoa, edificà inte el 1276 in onor de i santi Fiłipo e Giacomo. Ła se cata visin al vecio convento de i Eremitani, ora sede de i Muxei Sìveghi de Pàdoa.

Ła xe nota cofà dei eremitani, dal nome tradisional del órdene mendicante nasesto da ła fuxion prevista da ła boła Licet Ecclesiae catholicae, de papa Alessandro IV dei Eremiti de Giovanni Bono (règoła agostiniana, 1225), dei Eremiti de ła Tusia, dei Eremiti de San Gulielmo (regoła benedetina), dei Eremiti de Bretin (regoła agostiniana, 1228), dei Eremiti de Monte Favałe (regoła benedetina), e de altre congregasion menori inte el Órdene dei Eremitani de Sant'Agostin.

Pare che in sto posto existeva un posto de culto fin da ła prima metà del XIII sècoło, co ła mèdema intitołasion. I frati eremitani de sant'Agostino, rivai Pàdoa inte el 1227, i tira su na capeła. Pì tardi, inte el 1276, grasie a finansiamenti piòveghi, vien costruia ła cexa che ła vien finia inte el 1306 da frà Giovanni dei Eremitani co ła reałixasion del sufito de łegno e de ła fasada, caraterixada da ła pseudo-lobia co archi de piera, che ła core anca inte el łado meridionałe.

A partir dal 1509 retori e deputai de ła sità i vegnea ogni ano, el 17 de lujo, par sełebrare ła rexistenza contro i Inperiali durante ła guera de ła łiga dei Cambrai e, a partir dal 1571, anca pa' ła vitoria de ła bataja de Lepanto.

In sta cexa venia a pregar san Francesco de Sales, co el gera studente universitario. Inte el convento aneso ga dormio Martin Lutero de pasajo a Pàdoa inte el so viajo verso Roma. Inte el 1806 i monaci i vien alontanai e 'l goerno striaco el canbia ła cexa in caxerma, ma soto presion de i sitadini ła fa ritornar cexa, cexa che vien gravemente ruinà da łe bonbe mericane inte el bonbardamento del 11 de marso 1944.

Altre nosion

Ła cexa xe a navada ugnoła a pianta retangolar. Ła ga un gran roxon a ła fasada, e na 'olta ła jera olva de afreschi, anca drento ła Capeła Ovetari. Intrà i pitori che ghe ga laorà su ghe xe el Mantegna, el Guariento e Ansuino da Forlì.

Wikimedia Commons el detien imàjini o altri file so Cexa dei Eremitani
Scholia el detien schemi gràfeghi so Ceza dei Eremitani

Controło de autorità	VIAF (EN) 8586148574371024430003 · GND (DE) 4241268-7 · WorldCat Identities (EN) 8586148574371024430003