Martin Lutero


Martin Lutero (Eisleben, xermania, 10 de novenbre del 1483Eisleben, xermania, 18 de febraro del 1546) el xe stà un mùnego agostinian e atuador de la Reforma Protestante inte el scumìsio del XVI secolo. Nasesto a Eisleben inte el 1483 da na fameja de orixene modeste ma in forte sensa inte na società che la xera drio conósar na granda trasformasion inte l'època, el frecuenta la Università de Erfurt, par deventar xudegao, dal 1501.

Martin Lutero
(DE) Martin Luther
Lucas Cranach I - Martin Luther (1529), St. Anna in Augsburg.jpg
SitadinansaPrincipato Elettorale di Sassonia
Nasimento10 de novenbre 1483, Eisleben
Morte18 de febraro 1546, Eisleben
XenidoriMargarethe Luther (mare)
Hans Luther (pare)
SpoxàKatharina von Bora (1525, 1546)
Łéngue parlae
Ocupasion
  • traduttore
  • teologo
  • Tekstdichter
  • Profesor
  • monaco
  • avocato
  • traduttore della Bibbia
  • innografo
  • Riformatore protestante
  • Prete
  • conpoxidor de canson
  • filosofo
Stiłe de vitamonaco
Educà aUniversità di Erfurt
Rexidensa atuałeEisleben, Mansfeld, Magdeburgo, Eisenach, Erfurt e Wittenberg
Martin Luther Signature.svg
IMDB: nm1051447
Musicbrainz: 5a90e31d-52f3-4966-8ce0-7c3818fccca3 Songkick: 469488 Discogs: 703536 IMSLP: Category:Luther,_Martin Find a Grave: 5894
Università de Wittenberg

Inte l'ano 1507, ai 12 de lugio, su ła via da Erfurt in deretura de Eisleben, el vien folgorà da na vision, par cause che lu steso no'l ga mai schiarà, faxendo cusì un vodo a Santa Ana e, ei 17 del steso mese el intra inte el monastier agostinian de Erfurt. Intel 1512 el vien chiama a coverxar na catedra de esexese a l'Università de Wittenberg. Xe cua che el madura na forte conosensa de le Scriture Sagre rivando a la concluxion che, la dotrina che la Cexa Catolega la inpone no la sìpia cuela che el Signor su l'Evanxelo el ga ordenà.

Daspò gaver proà a intrar in contato co l'arsevescovo de Magonxa Alberto da Colonia, sensa rexultà, grasie a racuanti so amighi, el taca na opara de proselitixemo in torno par la xermania. El proceso par erexia el parte inte el 1518, ma l'ano drio el vien fermà parché el papa Lion X el sperava inte na elesion a Inperador, dopo la morte del Masimilian I, del Pricipe Eletor de Sasonia Federigo el Savio, forte sostegnidor del Catedratego de Wittenberg oltra che figura infruente inte el panorama politego de l'Impero. Inperador vegnarà però nomenà Carlo V, xà re de Spagna e deso a cavo del pì grando Impero del mondo, che el ciapava rento cuaxi tuta l'Europa e gran parte de la Merica Latina.

El proceso par erexia el riparte, concludendose inte el 1520 co la condana, che la gavarà valor dal 1521. Ano che el vien rapio propio dal Principe Eletor de Sasonia Federigo el Savio al scovo de salvarghe la vita. Dal 1520, de fati, xera in valor anca la Dieta de Worms, co la cual Lutero el xera deso bandio no solo da la Chiesa Catolega ma anca da l'Impero. El Reformador el podarà cusì sevitar la so opara de Reforma, che al scumìsio no la prevedeva un destaco da Roma (da lu considerà pròpio on so falimento), ma na reforma interior de la Cexa Catolega. El so pensièr el ga vuo sùito un grando suceso infrà pareci prìnsipi todeschi, che cusì i vadagnava cuel che'l vegneva levà via dai posedimenti de la cexa. In poco tenpo el xe stà conosesto anca dai poareti, grasie a on inportante projeto de alfabetixasion, e ełora sti cua, ispiràndose ai so diti, i se ga revoltai contro i potenti. Metesto inte łe strete, Lutero el xe stà costrinxesto a declarar se el xera da la parte dei richi o dei poareti, e lu, in cuanto el gaveva bixogno de la protesion dei prìnsipi protestanti, el ga condanà le revolte, daspò stuae. I prìnsipi protestanti daspò i se ga metesto insieme inte la liga de Smalcalda, che la ga lotà contro el poder sentrałe par vinti ani.

El xe morto a Eisleben inte el 1546, a l'età de 63 ani.

NotasionCànbia


Altri projetiCànbia

Linganbi forestiCànbia


Controło de autoritàVIAF (EN14773105 · ISNI (EN0000 0001 2121 4073 · SBN (ITIT\ICCU\CFIV\015333 · LCCN (ENn79089628 · GND (DE118575449 · BNF (FRcb119136609 (data) · BNE (ESXX986784 (data) · ULAN (EN500321766 · NLA (EN35316366 · BAV ADV12068410 · CERL cnp01302092 · NDL (ENJA00448237 · WorldCat Identities (ENn79-089628
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Martin_Lutero&oldid=896482"