Chorus

El chorus el ze un efeto ełetrònego par strumenti muxegałi ełetrifegài o ełetròneghi, el cui fin el ze cueło de simułar ła conprezensa de pì sorzente sonore de'l steso tipo, come che capita par un coro de voze o un duo (o pì) de strumenti muzegałi conpanji che i sona ła stesa spartiùra.

Ła strutura de l'efeto el consìste in un mixer che'l ragrupa, oltra a'l senjal de intràda sofistegà, una o pì voze suplementare da st'altro recavàe mediante ł'utiłizo de łinee de retardo (anałòzeghe de'l tipo BBD inte i paramenti pì veci, opur dizitałi co conversion A/D + retardo dizitałe + conversion D/A in cuełi pì resenti). El mixer el riunirà partanto pì senjałi audio, co faze e altesa lezermente difarenti, zenarando cusì ła sensasion de pì sorzenti simultanee. El tenpo de retardo el vien zenaralmente modułà co un osiładór a stra basa frecuensa (LFO), in modo de aplegar un efeto Doppler a'l son, cusì da alsàrghene e zbasarghene par scałinasion el pitch e simentàr picołe difarense de faze.

Un ezenpio de chorus màsima sofistegà el se pol trovar inte i sintatizadori ARP Omni e ARP Omni II: sendo na sesion de'l strumento prinsipalmente un simułador de orchestre ed archi, el senjal direto no'l vien remeso a l'usida, dao che nisun viołinista el pol tenjr ła nota de'l strumento asołutamente stabiłe come i zeneradori sintèteghi; el senjal cuindi el vien introdoto in tre łinee difarensiàe de retardo in parałeło, łe cui frecuense de modułasion łe ze regołàe so parìodi primi infrà łori; in 'sto modo, ł'efeto corałe no'l sarà mai ripetitivo, propro come ch'A ze capità in un insieme de archi da'l vivo. Łe tre "voxe" cusì rezultanti łe ze cuindi ragrupàe inte'l mixer de usida, reałizando un efeto asé reałistego^[1].

Voze łigàe

Riferimenti

El brevéto orixinal del chorus ARP Omni http://www.till.com/articles/arp/patents.html#US04144790

Wikimedia Commons el detien imàjini o altri file so Chorus