Flanger
El Flanger el ze un efeto muzegałe ełetrònego reałizà mediante l'inpiego de na łinea de ritardo, co tenpi patocaménte łonghi fin a calche diezena de miłisegondi), atraverso ła cual A vien fato pasar el senjałe da tratar. El senjałe cusì retardà el vien misià co'l senjałe orizenałe, fazendo cusì che A venja fata ła casadùra de cuełe frequense che łe se cata in opozision de faze (efeto Comb Filter o Filtro a Pètene, par ła carataristega forma de'l senjałe cusì tratà, cuando osarvà l'anałizadór de spètro).
El son cusì rezultante el prezenta pichi de resonansa ponti de asensa de'l senjal audio; modułando el tenpo de retardo de ła łinea de retardo mediante un LFO co parìodo łongo asé (soto el sec), l'efeto el sarà de evanesensa so l'intiera gama de'l spètro audio, simiłe a'l rumor de n'aereo a reasion che'l pasa darénte.
Ultariormente, introduzendo na dada parsentual de retroasion (feedback) so ła łinea de retardo, sendo i tenpi che i ze inpiegài tanto łonghi, A se produxarà un aumento de'l Q inte i pichi de resonansa, zonzendo progresivamente ad un efeto Larsen. In 'ste condision, el son tratà da'l flanger el rezultarà un mucio pasà e tendesialmente metàłego.
El deve el so nome a ła tècnega co ła cuała za stà inventà inte i ani sincuanta: el tècnego de'l son, reproduzendo na cordeła co parte de ła rezistrasión in corso, el strucava col dèo masapeòci (połise) el ruło presór in goma (pinch roller) de'l rezistrador, fleténdoghene (flanging) łezermente ła pozision e infistegando un dezałineamento de łe pista respeto a ła testina. El misioto de'l son orizenal e de cueło tratà, el ghe dava orizene a l'efeto in cuestion.
Voze łigàe
canbia
Wikimedia Commons el detien imàjini o altri file so Flanger
el detien schemi gràfeghi so
