Wikimedia Commons

Wikimedia Commons
URL	http://commons.wikimedia.org
Sorte	archivio multimediałe
Comerso ?	No
Iscrision	Opsionałe
Łéngua	multiłéngua
Motore software	MediaWiki
Parte de	progetto Wikimedia (it)
Propietàrio	Wikimedia Foundation
Creator	La comunità Wikimedia
Entrada in servìsio	7 de setenbre del 2004
Stato	nisun vałore
Clasìfega Alexa	300 (1° de disenbre del 2018)

Wikimedia Commons (ciamà anca Commons o Wikicommons) xe un archivio de imaxini, soni e altri file multimediałi co licensa libara.^[1] Commons xe un projeto de ła Wikimedia Foundation. I file inviai a sto archivio i pol essar dopàrai diretamente da tuti i altri projeti che i se cata soi server Wikimedia, incluxi Wikipedia, Wikibooks e Wikisource come se i fusse cargai localmente so ogni singoło projeto (in alcuni caxi xe parò posibiłe che l'uxo de serte imaxini xe vietà in spesifici projeti a cauxa de problemàteghe legixlative dovùe a lexi locałi^[2]).

Wikimedia Commons, che inte el xenaro 2012 ła ghèva oltre 13 000 000 file,^[3] costituise uno dei magiori archivi de risorse multimediałi a scopo didàtego e documentałe liberamente utiłixabiłi inte el web.

Storia

El projeto nacue el 7 de setenbre 2004 co ło scopo de costituir un archivio sentrałixà par łe imaxini e łe altre risorse multimediałi dei projeti Wikimedia (in presedensa ogni projeto Wikimedia e ogni edision de Wikipedia dimandava de cargar i file multimediałi inte el propio database). El 24 de majo 2005 Wikimedia Commons gà raxonto ła pietra miłiare de 100 000 file multimediałi cargai. Xe stà anca el primo projeto Wikimedia a dopàrar el softuér MediaWiki version 1.4. El linguaxo predefinìo par Commons xe l'inglexe; l'interfasa parò ła pol essar configurà inte łe prefarense utente par dopàrar calsiasi altra łéngua. Molte pajine łe xe xa stae tradote in varie łéngue.

Dal 2005 Wikimedia Commons nò ła parmete el caricamento de file co license mìa libare, incluxe łe license che łe limita l'uxo comersałe del contegnùo multimediałe o che łe xe rilasiae in fair use. Tra łe license libare acetae da Commons, ła GFDL e łe license Creative Commons libare (overo che nò łe restringa l'uxo al soło scopo nò comersałe e che nò łe inpedissa ła modifega del contegnùo).

Dal majo 2005 el sito gà acumułà un'anpia cołesion. Racoje oltre 10 000 riprodusion de dipinti de publico dominio dai tenpi antichi ai moderni, oltre 7 000 file de pronunsa in varie łéngue, sentinaia de registrasion de publico dominio de mùxega clasica e una cołesion in cresita de filmai de discorsi storisi.

Note

↑ L'unica ecesion a questa pùłitega i xe i file contenenti marchi e loghi de ła Wikimedia Foundation che, nonostante nò i xe libari, i xe ospitài so Commons.
↑ Da Commons:License: [l'uxo libaro de łe imaxini] «pol essar regołamentà in maniera diversa a seconda del posto xeografego, de ła legixlasion soi marchi rejistrai o altre lexi nò cołegae al copyright, de cui Wikimedia Commons nò ła pol rispondare. Wikimedia Commons tenta de asicurarse che quałunque de queste restrision ła vegna mensionà inte ła pajina de descrision de l'imaxine; in ogni caxo, xe responsabiłità de chi riutiłixa łe imaxini asicurarse che l'uxo del file nò violi lexi in vigore. In particołare, el copyright de un serto materiałe pol essar scadùo inte un paexe ma essar oncora vałido inte un altro.»
↑ Statistighe rełative a Wikimedia Commons

Altri projeti

Wikimedia Commons el detien imàjini o altri file so Wikimedia Commons
Scholia el detien schemi gràfeghi so Wikimedia Commons

Łigadure foreste

(EN) Wikimedia Commons home page
Ła pajina inisiałe in łéngua vèneta
Primi pasi, brevi istrusion all'uxo de Commons

Progeti de ła Wikimedia Foundation
Commons • Wikibooks ( Wikijunior ) • Wikisionario • Wikinotisie • Wikipedia • Wikiquote • Wikisource • Wikispecies • Wikiversità • Meta-Wiki • Wikidata • MediaWiki • Wikimedia Incubator • Wikivoyage
Wikimedia CH · Wikimedia Deutschland · Wikimédia France · Wikimedia Itałia · Wikimedia Polska · Wikimedia Serbia

Controło de autorità	VIAF (EN) 3860156565694023500008 · GND (DE) 1192150198 · WorldCat Identities (EN) 3860156565694023500008

[1] L'unica ecesion a questa pùłitega i xe i file contenenti marchi e loghi de ła Wikimedia Foundation che, nonostante nò i xe libari, i xe ospitài so Commons.

[2] Da Commons:License: [l'uxo libaro de łe imaxini] «pol essar regołamentà in maniera diversa a seconda del posto xeografego, de ła legixlasion soi marchi rejistrai o altre lexi nò cołegae al copyright, de cui Wikimedia Commons nò ła pol rispondare. Wikimedia Commons tenta de asicurarse che quałunque de queste restrision ła vegna mensionà inte ła pajina de descrision de l'imaxine; in ogni caxo, xe responsabiłità de chi riutiłixa łe imaxini asicurarse che l'uxo del file nò violi lexi in vigore. In particołare, el copyright de un serto materiałe pol essar scadùo inte un paexe ma essar oncora vałido inte un altro.»

[3] Statistighe rełative a Wikimedia Commons

[1]

[2]

[3]