Daniele da Volterra

Daniele Ricciarelli, mejo conosesto cofà Daniele da Volterra o el Braghetón (Volterra, 1509 – Roma, 4 de apriłe 1566), xe stà un [[pitor |pitor]] e [[scultura |scultor]] [[Itàłia |itałian]], ricordà in particołar pà ła so asociasion, inte el bene e inte el małe, co łe ultime ópare de Michelangeło.

Discexa da ła croxe (1545 sirca), Céxa de ła Trinità dei Monti, Roma

El profeta Elia (1550-1560 sirca), Caxa Panochieschi d'Elci, Siena

Straxe dei inoçenti (1557), Gałeria dei Ufisi, Firense

Michelangeło, detajo del Giudisio Universałe (1534-1541). San Biagio, che tien in mano i petini de fero del so martirio, e el corpo de Santa Caterina d'Alessandria, che tien in mano na roda de tortura, i xe stai càvai via colpi de scalpeło e ridipinti da Daniele da Volterra inte el 1565

Biografia

Gà studià in prinsipio co i artisti senezi, El Sodoma e Baldassarre Peruzzi. Senbra che el gapia aconpagnà st'ultemo a Roma inte'l 1535 e ło gabia jutà a dipinzare i afreschi inte el Pałaso Masimo a łe Cołone. Ze divegnesto in seguito un aprendista de Perino del Vaga.

A Roma gà scuminsià a laorar inte el sircoło de Michelangeło, el cuałe se servì de ła so influensa preso el papa Paoło III par asicurar a Daniele el posto de sovraintendente de łe ópare in Vatican, na poxision che gà mantegnùo fin a ła morte del papa inte el 1549.

Michelangeło ghè fornì anca dei schisi soi cuałi Daniele gà scuminsià a crear alcuni dei so dipinti. Ła so prima comision inportante i xe stai i afreschi de ła Capeła Orsini inte ła céxa de Trinità dei Monti a Roma, inte el 1541; xe situà lì el so quadro pì famoxo, ła Discexa da ła croxe (1545 sirca), baxà so dixegni de Michelangeło.

Altre ópare notevołi xe łe un dipinto de Davide copa Golia (1555 sirca), ora al Louvre (anca sto qua bazà so dizegni de Michelangeło e a longo credùo ópara del maestro), el Masacro dei inosenti (1557), ora a i Ufisi, un ritrato de Michelangeło e un busto del steso che gà creà da ła so maschera funeraria.

Ritoco sol Jiudisio Universałe

Ricciarelli ze, so malgrado, famozo pàr 'ver sconto co dei vestimenti e foje de fico i zenitałi de l'afresco de Jiudisio Universałe de Michelangeło inte ła Capeła Sistina, inte el 1565, poco dopo che el Concilio de Trento gaveva condanà ła nudità inte elarte rełigioxa; cuesto ghè valse l'epiteto de "Braghetón".

Łù gà cavà via a colpi de scalpeło e redipinse anca ła major parte de Santa Catina e l'intera figura de San Biasio drìo de eła, poiché inte el orizinałe st'ultemo somejava scuaxi védare a ła schiena nuda de ła dona.

Ópare

• Firense, Caxa Buonaroti: Busto de Michelangeło, bronzo, 1564-1566, in cołaborasion col Giambologna.
• Muxeo Nasionałe del Bargello: Busto de Michelangeło Buonaroti, bronso.
• Ufisi: Straxe dei Inosenti, tenpera so rame, 1557.
• Madrid, Prado: Anunciasion, tenpera so toła.
• Roma, Bazèłegade San Joani in Lateran, afreschi e ornài del sofito de ła navała mediana.
• Pałasi Vaticani, Stuchi a łe pareti de ła Sala Rejna, de fronte a ła Capeła Sistina, 1545-1547.
• Ceza de Santa Trinità dei Monti: Asunsion de ła Verzene e Depoxision, 1543
• Ceza de San Marceło al Corso, Capeła del Crocifiso, afreschi: Santi Matio e Luca, 1543.
• Pałasi Vaticani, afreschi e decorasion del Vestiboło Quadrato del Muxeo Clementino.
• Pałaso Masimo a łe Cołone, afreschi co łe Storie de Fabio Massimo, 1535.
• Siena, Caza Panochieschi d'Elci, cołesion dei conti Panochieschi d'Elci: Madona col Tozeto intra i santi Joanin e Barbara, ołio so rame, 1548; Elia inte el dezerto.
• Voltera, Muzeo Diocezan de Arte Sacra: Madona col Toxeto e i santi Piero e Paolo.
• Parizi, Louvre: Davide e Golia

Bibliografia

• Fabrizio Mancinelli, The Painting of the Last Judgment: History, Technique and Restoration. In Loren Partridge, Michelangelo: The Last Judgement - A Glorious Restoration. New York: Harry N. Abrams, 2000. ISBN 0-8109-8190-4.
• Daniele da Volterra, amico di Michelangelo, cat. della mostra a cura di V. Romani, (Firenze, Casa Buonarroti), Firenze 2003.

Varda anca

• Renasimento

Altri projeti

Altri progetti

• Wikimedia Commons

• Wikimedia Commons el detien imàjini o altri file so Daniele da Volterra
• el detien schemi gràfeghi so

Linganbi foresti

• Danièle da VolterraTreccani.it – Enciclopedie on line, Istituto de ła Ençiclopedia Italiana.
• Danièle da Voltèrrasapere.it, De Agostini.
• (EN) Daniele da VolterraEnçiclopedia Britannica, Encyclopædia Britannica, Inc.
• Vittoria Romani, RICCIARELLI, Daniele, detto Daniele da Volterra, in Dizionario biografico degli italiani, vol. 87, Istituto dell'Enciclopedia Italiana, 2016.
• (EN) Opere di Daniele da VolterraOpen Library, Internet Archive.
• (EN) Daniele da Volterra, in Catholic Encyclopedia, Robert Appleton Company.
• (EN) Daniele da VolterraDiscogs, Zink Media.