Dativo

El caxo dativo el xe ła fórma de ła declinasion che serve par segnar soratuto el conpleménto de tèrmine (a chi che se dà, dixe, porta) e in serti caxi anca el moto a lógo come in turco.

Insieme co altre prepoxision el pol servir anca par altri conpleminti, par exenpio in tedésco el serve par el stato in lógo e par vari conpleminti de tenpo e cauxa.

• łatin: "bono homini librum dabo" (darò un łibro al/a un bon omo)
• tedésco: "ich gebe dem Mann ein Buch" (do un libro a l'omo); "ich bin in dem Garten" (so' in giardin)
• basco: "Zuk gizonari liburua dakarkiozu" (Ti te dè un łibro a l'omo)
• rumen: "Bunului om" (al bon omo), "bunei fete" (a ła bona tóxa)

Altre łéngue łe ga perso el dativo sui nomi e i agetivi e łe ło ga confuxo co l'acuxativo e col nominativo, ma łe ło ga mantegnùo su serti pronomi clitici:

• itałian: "le do un libro, gli do un libro" (ghe do un libro a eła, a eło); "do loro un libro" (ghe do un łibro a łuri/a łore)
• vèneto: "ghe digo" (dat.: digo a eło) vs. "ło digo" (acuxativo: digo questo)
• franséxe: "je lui dis" (ghe digo) vs. "je le dis" (acu.: ło digo, digo questo)

Controło de autorità	GND (DE) 4192476-9