Dato

Dezanbìgua – Se te serchi altri signifegari, védarse Dato (dezanbìgua) e Dati (dezanbìgua)

Un dato (dal latin datum che signìfega dono, roba donada) ła ze na descrision ełementare codifegada de un'informasion, un'entità, de un fenòmano, de na tranzasion, de un avegnimento o de altro.

Caraterìsteghe

Formai

I dati i połe prezentarse soto vàrie forme: nùmari e létare de l'alfabeto (testo), imàzeni stàteghe, imàzeni in movimento (vìdeo), sono (àudio) e altri. I dati i połe vegner conservai su vari mezi (o suporti) fìzeghi (cartàseo, magnètego (floppy disk), òtego (CD) e altri suporti) e/o veicułai (trasmesìbiłi) traerso de na rete de tełecomunicasion intrà pì utenti.

Oparasion

L'ełaborasion dei dati ła połe portar a ła conosensa de un'informasion. I dati i nase da l'oservasion de particułarità e fenòmani ełementari e i permete de far dei càlcołi, sołusionar un problema, caraterizar un fenòmano o de esprìmar un'opinion. Ogni tipo de dato el dipende dal còdaze e da ła forma doparà.

Inte i vari contesti

Informàtega

In informàtega, el tèrmano "dato" el denòmena un vałore, tipegamente numèrego in bit, che el połe vegner ełaborà e/o trasformà da un autòma o mejo da un computer. El dato el raprezenta l'ojeto spesìfego sul cuało el intervien l'ezecutore de l'algoritmo. Le memorie de masa łe consente de salvar i dati in magnera permanente, e el procedimento de rezistrasion dei dati in na memòria el se ciama memorizasion. Sìngułi dati o pì de frecuente insiemi de dati i połe vegner conservai in fiłe o inte i database.

Tendensialmente el rezulta èsar un segnałe dizitałe asocià mediante un determenà còdaze a un segnałe o a un sistema de sìnbołi cofà el còdaze ASCII, che el permete de raprezentar in binàrio nùmari, létare de l'alfabeto e sìnbołi.

Notasion

Altri projeti

Wikimedia Commons el detien imàjini o altri file so Dato

Linganbi foresti

DatoTreccani.it – Enciclopedie on line, Istituto de ła Ençiclopedia Italiana.
DatoVocabolario Treccani, Istituto de ła Ençiclopedia Italiana.
datosapere.it, De Agostini.
(EN) dataEnçiclopedia Britannica, Encyclopædia Britannica, Inc.
(EN) Opere riguardanti DatoOpen Library, Internet Archive.

Controło de autorità	GND (DE) 4135391-2