Pignoło

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Denti de vecia

I pignołi (anca dizesti pinołi o pignoni) i ze łe samese de racuante spece de pini. De cołor bianco załastro e de forma slongada, i ze doparai soratuto inte ła cuzina tradisionałe.

Na pigna co oncora tacà i pinołi (pignołi)

Descrision canbia

 
Pignołi de Pinus cembra (dx) e de Pinus pinea (sx)

Pena estraesti da ła pigna, i pignołi i ze cuerti da on invòłucro rìzido. Ła samesa ła njien nutria dal tesuo femenin (gametofito) che ła suporta el sporofito, o sia ła samesa. Siben che ghe sìpia racuante somejanse, i pinołi no i ze noze, dal momento che, esendo produzesti da gimnosperme, no i ga el carpeło esterno.

Difuzion canbia

 
Pinołi inte el perìodo de secasion

Inte el mondo ghe ze 20 spece del zènere pinus che i produze samese bastansa grande da zustifegàrghene la coltivasion. In altre spece i pignoli i ze masa cei par èsar gustai cofà magnar, anca se comestìbiłi.

In Eoropa łe ze do łe spece de pin che i produze samese grande. El mejo el ze el pin domèstego (pinus pinea) che el ze anca ciamà "pin da pinołi". El pin senbro (pinus cembra) el produze grose samese, ma el vive in zone de montagna[1].

In altre parte del mondo se coltiva altre spece de pin par łe samese.

In Azia in partegołare łe njien coltivae: Pinus koraiensis e Pinus gerardiana. Altre cuatro spece Pinus sibirica, Pinus pumila, Pinus armandii e Pinus bungeana łe ze manco doparae.

In America del nord łe trè spece pì doparae łe ze Pinus edulis, Pinus monophylla e Pinus cembroides. Altre spece cofà Pinus orizabensis, Pinus johannis, Pinus culminicola, Pinus remota, Pinus quadrifolia, Pinus sabineana, Pinus torreyana e Pinus lambertiana łe ze manco doparae.

Inte ła parte pì freda del Sud de ła Amèrica (Sud del Braziłe, Paraguay, Cile, nord de l'Arzentina), i pinołi i ze produzesti anca da spece del zènaro Araucaria, sia cheła del Paraná, l'Araucaria angustifolia, sia l'Araucaria araucana, che ła ze coltivada anca in Eoropa in racuanti jardini.

Notasion canbia

  1. PinoliWikifood by Il Cucchiaio d'Argento. entrada il 14 zugno 2018.

Altri projeti canbia


Linganbi foresti canbia



Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pignoło&oldid=1070721"