Pinus cembra

Al firm, dito anca cenbaro (nome sientifego Pinus cembra), al è an albaro senprevert a foje a ghi de 'l genere Pinus che al viu te le Alpi. Al so legn al è pregià e al gnen doperà in modo particolar par far sculture. El xe el unego pin a 5 aghi che cres spontaneo in Eoropa.

Pinus cembra
Zirbe01.jpg
Clasefegasion sientìfega
regnoPlantae
divisionePinophyta
classePinopsida
ordinePinales
famigliaPinaceae
generePinus
specieP. cembra


PortamentoCànbia

El xe on albaro che el pol gner alt infin a 25 metri, anca se de sołito no 'l pasa via i 15, co ła chioma cilindrico-conica. El xe na spese che ła viu tanti ani.

ScorsaCànbia

La scorsa la è bisastra, fina e slissa co segn de rasa te le part dovene, te le parti vece la è rugosa e la se screpolea in plache co fessure ross scure.

FojeCànbia

Le è aghiformi e le è binade in maset da 5, le è longhe 5–8 cm, de color scur su 'l lato par sora e bisastro su quel par sot.

PanoceCànbia

Panocia de firm

Le panoce le se inmaduriss da giugno a lujo e le è longhe in media 4–7 cm.

  • I fjor mastci i è rossi disponesti a stciapade in sima a i ran.

Le panoce le chei intiere e no le se vers. Le siess le gnen deliberade da la asion de i animai (par es.: Nucifraga caryocatactes). Le siess, de solito ciamade pinoli, le à an rivestiment dur e legnoss.

LegnCànbia

Al firm al cress a pianpianet, e par sto tant al svilupa an legn dur, ma insieme anca sensa venadura (afermasion che va vista in senso strutural, no botanico!). Par sti motivi al è adato a scolpirlo par far lore e altri atresi, e in particolar modo maschee par serte manifestasion tradisionai de le zone de montagna. Co 'l firm se pol far anca mobili da la durata incredibile, da 'l bon parfun de rasa e da 'l color su 'l ross.

Difusion e habitatCànbia

La è na specie de montagna. La zona de difusion no la è conessa e la conprende al arco alpin e do zone te i Balcani e in Europa central. Al cress a partir da i 1200 metri de quota infin a 'l limite superior de i bosch de conifere subalpini, catyando condision otimai tra i 1600 e i 2100 m de altitudine. A à pì caro teren agri, ma al pol viver anca su substrati calcarei asidificadi o slavadi in superficie da la asion de la pioa. Al firm al pol far bosch missiadi co 'l pes e manco da spess co 'l laress o anca bosch puri. In Veneto se 'l cata te le Dolomiti. De particolar inportansa al è al bosch de 'l Cansiljo, aonde che par sentener de ani al à representà un de i pilastri de la economia de i Cinbri. No se sà se sie la đent che à ciapà al nome da i alberi o i alberi da la đent.

UsiCànbia

  • Al gnen doperà te i rinboschiment de protesion e te i interventi de ricupero anbiental e de consolidament de versanti.
  • Al gnen doperà serte olte te i parchi come ornamental, in particolar aonde che al clima al è tenperà-fret.

Diferense co specie che le ghe somejaCànbia

Al numero "5" de aghi al fa sì che se pode destinguer sto pin da quelaltri che se cata te le stesse zone. Te i parchi citadini solche al pin de la Himalaya e al pin strobo i à maset de aghi de 'l stesso numero, ma i à panoce tant pì longhe (15–30 cm) e i aghi stessi i è pì longhi de 8–16 cm. Al à le siess che le ghe someja a quele de 'l pin mestech co 'l qual al pol esser confondest dificilmente parchè i ocupa aree diverse.

Varda ancaCànbia

BibliografiaCànbia

  • Conifer Specialist Group 1998. Pinus cembra. In: 2008 IUCN Red List of Threatened Species. IUCN 2008.
Controło de autoritàLCCN (ENsh85131287 · GND (DE4068873-2
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Pinus_cembra&oldid=932515"