Discusion:Trevizo

Prima oservasion: A no xe vero che no ghe xe scritura unificada veneta, xe pi' justo dir, a me vedar, che ghe xe da seliar tra alcuni sistemi unitari: El pi' vecio xe cuel adota' da la "Filologica Veneta" ntel 1979, cuel proposto nel famoso "Corso de Dialetologia Veneta" del prof. Manlio Cortelaso, el pi' importante dal punto de vista publico xe cuel adota' dal Consejio Rejional del Veneto on paro de legixladure fa (GVU),ed altri. Ma tuti cuesti sistemi e altri che go consulta' no i riporta mai el segno "ZS" al posto de la "zeta" taliana. Tuti i lo scrive o co la "s" (ese dolsa) o co la pi' vecia "th" (interdental sonora, manco uxada ma ncora viva in varie parti del Veneto del Nord ma anca del Sentro e del Sud)... alcuni i scrive con la "t" (Venetia, altri i preferise scrivar "ZH".

Seconda oservasion: Par respeto del nostro polisentrixmo a saria da respetar le pronunsie e i nomi locai, se cuesto a no fuse osibile, scrivar come che se pensa jiusto ma lasar che i locai (indigeni) i posa far coresion.... oviamente se ghe fuse contestasion, verxar la discusion.

Saludi da Wento

No stemo inventarse paroe nove tanto par far diverso dall'itajan! Mai sentio né visto scrito da nisuna part Trevixo! Anca parché la S in Treviso no se leze doppia S come la X di Venexia ma fà na S dolze! Scritta cussìtta sarie TREVISSO.. Davide da TreviSo

No go mai capìo sta lejenda so ła X che ła val /s/... Ła X sta par /z/, so tute łe grafie che dopara ła X. E visto che Trevixo se dixe /trevizo/ łora va scrito Trevixo! E Venesia se scrive Venesia.--GatoSelvadego 21:36, 5 oto 2011 (CEST)

Travixo?!

Travixo?!? Ma sto Ulderico Bernardi e chi che'l ga sposta ła vose la ga gnanca mai vista in cartoina ła sità?!? No go mai sentio un cristiàn ciamarla Traviso o Travixo che dir se voja! --Martellodifiume (msj) 00:08, 5 feb 2014 (CET)

Fato sta che ghe xe na fonte autorevołe che riporta sta dision. Magari i dixe cusita soło che da łe bande de Oderso, ma fin cuando che no ghemo na fonte altretanto autorevołe che ne diga el contrario no xe el caxo de spostar da novo ła voxe.--GatoSelvadego (msj) 13:31, 5 feb 2014 (CET)

Sto Travixo me xe 'ndà in infrancuor tuto el dì cusìta go domandà el parer de uno che el se ne intende de pì de mi. El Bernardi nel so Abecedario el riporta na disiòn usada inte ła Sinistra Piave, che no gà alcun tipo de riscontro a Treviso (o nel resto deła Destra Piave). Sicome el xe un bon fiol el se gà messo a sercar anca dełe fonti in diałeto a sostegno deła dision co ła "E":

• Mariù Salvatori de Zuliani A tola coi nostri veci. La cucina veneziana, FrancoAngeli, 2001, pp. 35, 77, 91, 192
• Plinio Cagnin "Volta 'a carta". Motivi tradizionali di Cappella e dintorni, La Tipografica, 1992, p. 46
• Camillo Pavan Al fronte e in prigionia. La Seconda Guerra Mondiale nel racconto dell'artigliere Guido Granello, CSC edizioni, 2007, p. 48

L'ultima fonte ła xe particołarmente interesante parché la riporta łe ciacołe di un sitadin del sentro che intervistà el dise letteralmente "Mi son da Treviso". Insoma: su Treviso/Trevizo/Trevixo se pol anca discutarne ma sto Travixo no'lo dise e mai lo gà dito nissun in sità! :) --Martellodifiume (msj) 21:18, 5 feb 2014 (CET)

Otimo. Anca mi, che no so de ła marca, digo Trevixo, però co go catà el termine so'l libro de Bernardi go pensà che'l fuse pì "locałe" ełora go spostà. Ma visto cuanto scrito sora go provedùo a spostarla da novo, tegnendo però el rimando anca da Travixo (dato che'l se dopara de łà de ła Piave). Go sistemà ła voxe de conseguensa, metindo anca un indicasion a chealtra dision. Go sistemà anca so'l Wikisionario. PS: pa' ła cuestion Treviso/Trevizo/Trevixo: dipende da ła grafia, par come che xe scrito el resto de ła pàjina e visto anca che ła xe łà pì giusta xe mejo łasar co ła X par s sonora.--GatoSelvadego (msj) 20:28, 6 feb 2014 (CET)