Discusion:Vèneto

Par i aministradóri: bexognaría spostar Veneto a Vèneto, e métar un disambigua su tuti e dó par Łéngua Vèneta. Ste robe no se pol farle se prima no se sposta. Mi no poso farlo parché Veneto xe zà scrito... Maximillion Pegasus ^{>Vustu qûalcosa?} 13:32, 12 diç 2006 (UTC)

Vèneto o Talian?

mentre xerò drio veder esto sito go notà sa ghe xerà molte parti sa le xerà scrite inte na lengoa sa a mi no la me parea mia veneto. Par esempi manchea en pìse parti i pronomi clitici e vergota el xerà scrito en vero e propio Talian. parsò gò portà de le modifeghe: par esempi go zontà de i clitici mancanti e altre robe. Go fat anca corexioni coma portar i "che" en "sa" parchè me parea pìsè coreto dir "sa": poi la pol anca eser na variante de zona, mi som da Verona!(le modifeghe le xè sol reguardanti la part "fiumi e laghi") se a voialtri sa aministrè esto sito no le ve par mia zuste tolele via pure, a mi me parea pisè susto en testo scrit en stà maniera chi.

Ciao! De preciso da dove sito? Penso no Verona sità, vero? Forse dai Lessini, o dal lago? Te domando parché xe molto interessante sto "sa" che fa la funsion del "che", no lo gavevo mai sentìo. Me incuriosisse anca el to modo de scrivar "esto", par quasi spagnolo! :-) Vegnendo al dunque: go paura che su sta voce gavia messo le mane un bel mucio de zente, ognuno secondo el so dialeto, e quindi xe vegnùo fora un bel smissioto lenguìstego! :-) Par mi, le voci "generiche" come sta qua, posto che no esiste na lengoa veneta unica, le dovarìa evitare termini o fraseologie massa "locali", che invesse pode andar ben su voci giograficamente o culturalmente più specifiche. Candalua 21:27, 27 set 2010 (CEST)

Parché se usa la x invese che ea s?

Ciao a tuti. Ma qualchiduni el ga na idea del perche' se usa la x invese che ea s? Me pare essere un arcaismo del basso medioevo. Mi gavaria qualche prova documentae che se dovaria usare ea s. Ma no so se se el caso de fare un casin par sta roba.--Croxvega 01:41, 2 maj 2011 (CEST)

Dipende da ła grafia che se sielie de doparar. Se se deside de doparar ła s soło che pa' s sorda xe scuaxi automatego doparar ła x pa' ła s sonora (ła xe na tradision bastansa consołidà). Ła GVU, l'ugnoła grafia "ufisiałe", ła prevede ła x. Anca altre grafie doparae da altri prevede sto caratere. Par mi ła x ła xe un caratere distintivo de ła grafia veneta. D'ogni modo fornisi łe proe documentałi che so interesà.--GatoSelvadego 11:16, 2 maj 2011 (CEST)

Sources

Please add more sources. Kapeter77 (msj) 21:10, 3 dis 2019 (CET)