Equasion de van der Waals

L' equasion de van der Waals ła xe na lege fixegà che ła descrive el conportamento dei gas reałi. Ła rapresenta na estension de ła lege dei gas perfeti, rispeto a ła cuałe consente na mijor descrision del stato gasoxo pa' łe alte presion e in prosimità del punto de ebolision.

Ła lege ła ciapa el nome dal fixego ołandexe Johannes Diderik van der Waals (1837-1923), che spiegò inte on laoro del 1873 (Over de Continuïteit van den Gas - in Vloeistoftoestand, Suła continuità del stato licuido e gasoxo); pa' ła formułasion de sta lege ło studioxo el fu insignio del premio Nobel par ła fixega inte el 1910.

Formułasion

Ła lege de van der Waals ła xe na equasion de stato che de fato ła spiega co major dificoltà ła lege dei gas perfeti, sta qua:

${p}\,{V}={n}\,{R}\,{T}\,\!$

cò l'introdusion de do vałori a e b (dete costanti de van der Waals) che łe dipende da ła sostansa ciapà in exame.

Ła formułasion de ła lege de van der Waals l'è ła seguente:

$\left({p}+{a}{\frac {n^{2}}{V^{2}}}\right)\cdot \left({V}-{n}{b}\right)={n}\,{R}\,{T}$

Indove p ła xe ła presion del gas, n el numaro de ła sostansa (numaro de mołi), V el vołume ocupà, R ła costante universałe dei gas e T ła tenperadura asołuta.

Puito eventualmente sostituir el vołume totałe del gas V co el vołume mołare $V_{m}$, cussita se otien na espresion indove no'l ghè xe el numaro de mołi n:

$\left({p}+{\frac {a}{V_{m}^{2}}}\right)\cdot \left({V_{m}}-{b}\right)={R}\,{T}$

L'inportansa de ła costante b

Cò che łe mołecołe e se cata tanto visine tra de łore, łe risente de łe forse repulsive dei rispetivi eletroni (che cofà xe noto i orbita intorno ai nuclei e i xe carighi negativamènte). Łe mołecołe łe se conportà donca aprosimativamente cofà de łe sfere rixide (varda figura a lato) che non łe pol 'visinarse a distansa minore de 2r (andove r el xe el rajo de łe sfere). Cò che do mołecołe łe se urta i esclude on vołume pari a na sfera de rajo 2r, o sia 32 π r³/3; el vołume escluso da łe do mołecołe e 8 π r³/3.

Ła prexensa de forse repulsive ła vien descrita senplisemènte sostituèndo al vołume V el "vołume libaro" V - n b, andove b el xe el vołume mołare "escluxo" (deto covołume), o sia el vołume propriamente ocupà da łe mołecołe de na mołe de gas. Inte el gas perfeto nò existe vołume escluxo, de conseguensa łe mołecole łe xe imaginae cofà puntiformi.

Varda anca

• Gas

Altri progetti

• Wikimedia Commons

• Wikimedia Commons el detien imàjini o altri file so Equasion de van der Waals
• el detien schemi gràfeghi so