Estreleira
Ła estreleira l 'è ła bandiera che sinbołixa ła łota par l' indipendensa de ła Galisia. La consiste inte ła bandiera ofisiałe (na bara axura traversałe su sfondo bianco) co ła xonta de na steła rosa al sentro in sostitusion del scudo. L' ze comunemente uxà da ła majoransa dei nasionałisti gałisiani de sinistra, specialmente in tei ultimi ani, in seguito a ła major difuxión del nasionałixmo gałisian tra ła popołasión.
 Estreleira | |
|---|---|
 | |
| Detaji | |
| Tipo | bandiera  |
| Sojeti raprezentai | five-pointed star (en)  |
| Estreleira | |
| |
| Sorte | bandiera |
|---|---|
| Cołori | bianco, blu e roso |
Ła steła rosa l' ze stà creà da miłitanti comunisti de ła UPG (Unión do Povo Galego) verso i ani Sesanta, su imitasion de łe stełe de tanti paexi sociałisti come ła Iugoxlavia e de ła steła de ła bandiera de Cuba, adotà dopo l' indipendensa da ła Spagna.
Secondo indagini de ła fondasion "10 de marzo", visina al sindicato CCOO e al Partio Comunista de Galicia (PCG), sta bandiera l' ze stà uxà al prinsipio dai miłitanti de ła sesion guerigliera del Partio Comunista de España (PCE) in Gałisia, in tei ani Quaranta, quando Antonio Seoane l' era cao de ła gueriglia e José Gómez Gayoso segretario del PCE in Gałisia, mentre i nasionałisti i uxava da ła creasion del Partio Galeguista una bandiera simiłe co ła steła giała.
Al dì d' ancó tuti i partii nasionałisti de sinistra de ła Gałisia (BNG, Nós-UP, FPG...) i uxa ła bandiera come sinbolo del so nasionałixmo. L' ze utiłixà inte łe manifestasion popołari in forma rivendicativa.
Al contrario de ła bandiera ofisiałe de ła Gałisia, no la ga dixegno e dimension uniformi, e ła steła rosa la se pol catar al centro come alineà a ła bara axura.
Wikimedia Commons el detien imàjini o altri file so Estreleira
el detien schemi gràfeghi so
