Roso
El róso el xe un dei cołóri del spetro chel ocio uman el pol véder. El ga ła frequénsa menor e, de conseguénsa, ła łonghesa d'onda più łónga de tuti i altri cołóri vixìbiłi (intrà 630 e 760 nm). Frequénse oncora menóre łe casca 'ntel'infraroso.
 Roso | |
 | |
| Longhesa d'onda | 685,5 nm  |
|---|---|
| Frecuensa | 429 000 000 000 000 Hz |
| Coordenae de cołore | |
| Hex |
|
| RGB (r, g, b) | (255, 0, 0) |
| CMYK (c, m, y, k) | (0, 100, 100, 0) |
| HSV (h, s, v) | (0°, 100%, 100%) |
| Ciave CSS | red |
El xe un dei tre cołóri primari aditivi, el só cołor conplementare el xe el verdo. Na volta el gera considerà ancà un cołor primario sotrativo, mentre el cołor doprà inte ła stanpa a cołóri de ancuo el xe el magenta.
Un filtro roso el pol èser doprà inte ła fotografia in bianco e negro cauxando efeti desferénti a seconda de łe ténte dei sogeti fotografai in quanto ła s-ciarise łe tonałità che łe va verso el roso e, al steso ténpo, el scurise quee che łe contien più blu. De conseguénsa el podrà rènder davèro contrastà un sieło łìnpido e nuvołoxo, e el podrà s-ciarir e atenuar i contrasti de ła pełe.
El roso el xe un cołor prexente de frecuente in natura: el salta al'ocio inte el verdo de łe piante che cusì łe mete in mostra i łóri fiori e fruti. El roso el xe anca el cołor del sangue, perché el xe pien de glòbułi rosi, che a łora volta i contien emoglobina, proteina che ła se serve de òsidi de fero rosi par strasportar l'osìgeno. Anca i mùscołi e ła carne i xe rosi par el pasagio de sangue, chel da anca el cołor roxa a ła pełe. Marte el xe dito el "pianeta roso".
In połìtega el roso el vien cołiga a moviménti de sanca, in particołar a quei de quea estrema, come el sociałismo e el comunismo. Ła bandiera del'Union Soviètica ła gera infati conpletamente rosa, se no consideremo el sìnboło xało in alto a sanca. Inte i Stati Unii de Mèrica el roxo, tutavia, el xe el cołor del partio de drita (i republicani). Roso el xe el cołor del fioco sìnboło de ła łota contro l'AIDS.
El roso el vien cołiga fasilmente al'idea de caldo, a łe alte tenperadure e al całor, perché el xe el cołor chel preval inte el fógo. Sta roba ła ga fato in manièra che anca idranti, estintori, e i cari dei ponpièri i gabia sto cołor.
El roso daspò el xe un cołor chel se véde sùbito e el vien sièlto par indicar na situasion de emergensa o ris-cio. El semàfaro co ła łuxe rosa iłumenada el órdena de fermarse. Peréci cartełi stradałi i ga na conbinasion de roso e bianco.
Altri projeti
canbia
Wikimedia Commons el detien imàjini o altri file so roso
el detien schemi gràfeghi so
Linganbi foresti
canbia- (EN) Tanya Kelley, redEnçiclopedia Britannica, Encyclopædia Britannica, Inc.
| Controło de autorità | LCCN (EN) sh85112023 · GND (DE) 4178482-0 · BNF (FR) cb12499409c (data) |
|---|