Union Soviètega

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Union Sovietica
Grafèma
Grafèma

Se calche caratare in sta pajina nol se vede e vien fora dei cuadratini vodi o dei ponti interogadivi, lexi ła pajina Unicode.


L’Union de łe Repùbleghe Soçiałiste Sovièteghe (in ruso: Союз Советских Социалистических Республик, СССР, Sojuz Sovetskich Socialističeskich Respublik; Modeło:Link audio /sʌjus sʌ'vʲɛtskɪx səʦɪəlɪ'stiʧɪskɪx rʲɪ'spublɪk/), in struconi URSS e in forma pì comune Unione Soviètega (in ruso: Сове́тский Сою́з, Sovetskij Sojuz,/sʌ'vʲɛtskɪj sʌjus/), jera uno Stato federałe chel ndava dała Eropa orientałe fin l’Asia setentrionałe, nato el 30 disembre 1922 da queo che jera l’impero ruso dopo a guera sivie rusa e cascà in manièra ufisiałe el 25 disembre 1991, fato da 15 republiche sociałiste.

Union Soviètega
(RU) СССР
Union Soviètega – Stema Union Soviètega – Bandiera
Proletari di tutti i paesi, unitevi!
Dati aministradivi
Nome conpletoUnion dełe Repùbliche Sociałiste Sovietiche (URSS)
Nome ufisiałe(RU) Союз Советских Социалистических Республик
Łéngue ufisiałiŁéngua rusa
CavedałeMosca
Pułìtega
Forma de goernoFederasion de republiche socialiste
Entrada inte el ONU24 de otobre 1945
Superfise Totale22 402 200km²
% de łe àcuesirca 0,5%
Popołasion
Viventi293 047 571 (1989)
Xiografia
ContinenteEoropa orientałe e Axia setentrionałe
Confini
Fuxo orarioUTC da +3 a +11
Economia
ValutaRublo soviètico
Vàrie
Còdaxi ISO 3166nissun valor, SUN, 810
TLD.su (ancora in uso)
Sigla targa automobiłìstegaSU
Festa nasionałe9 de majo, Dì deła vitòria (Seconda guera mondiałe)
7 de otobre, Dì de ła costitusion
7 de novenbre, Dì de ła rivołusion de otobre
Carte interative
Stati presedentiRepublica Sociałista Sovietica Rusa, RSS Ucraina, Repubblica Socialista Sovietica Bielorussa, Repubblica Socialista Federativa Sovietica Transcaucasica e Seconda Repubblica di Polonia

A pì granda ła jera queła rusa. A distansa tra i so do punti geografici pì estremi ła jera sòra i 10 000 chiłometri (co pì de 90 gradi de longitudine); el so punto pì ocidentałe jera el Oblast’ de Kaliningrad (uncò in Rusia), al confin coła Połonia, e queło pì orientałe el capo Dežnëv in tel streto de Bering, che lo stacàva dal continente nordamericano longo sirca 80 chiłometri. In particołare, nà sò ixoła nel streto, la Grande Diomede, la xe distante soło 3 km dała Piccola Diomede, che la jera sua dei Stati Unii de America: la jera a distansa pì picoła tra e do majori potense miłitari de chea epoca.

Pa tutto el periodo deła sò esistensa xe stà el Paexe pì grando e longo del mondo co 22 402 000 km2 de tèra, vèro come uno su sié dełe tere sparsoræ, quindi el Paexe pì grando rento Asia e Europa. Dopo a vitoria deła Union Soviètega contro łe potense dell’Asse neła seconda guera mondiałe diventò na granda potensa economica e miłitare, inponendo el sò sistema połitico e sociałe anca fora dei confini nasionai, soratuto in Europa orientałe. La se scontra col bloco osidentałe, co in testa i Stati Unii de America, scumisiando ła guera freda che la finise coa separasion in tanti tochi deła Union Soviètega in varie republiche indipendenti doe la pì importante sarà la Rusia. Sta qua la scumisierà far parte in teła fine dei ani novanta nel Consijo de sicuresa dełe Nasioni Unie e dopo nel G8. Xe da dire che la gà ciapà na granda parte de eredità miłitare e geopołitega soviètega.

A lista dełe republiche che faxeva parte deła federasion cambiò col ndar vanti del tempo. Prima che la se sołiese ghe faxeva parte quindaxe Republiche Sociałiste Sovietiche (a Rusia la jera queła pì granda in tèra e popołasion). Anca la tera de tuta l’Union subì nel tempo na secia de cambiamenti e nel periodo pì resente la jera come l’ultimo impero ruso, sensa parò Alaska, Fiłandia e Połonia.

La organixasion połitega del Paexe vedeva come unigo partito połitico ufisiałe, el Partito Comunista deła Union Soviètega, guidà da un segretario xenerałe e da un cołejo ristreto de xente (politburo).



Ex Repùbliche Sociałiste SovièticheCànbia

StoriaCànbia

A Rusia la xe stà uno dei pochi Paexi europei a no aver visuo, in tel XIX secoło, na trasformasion democratega e liberałe dełe proprie struture economiche, sociałi e połitiche. Łe tension tra el bisogno de cambiamento sentiie da na parte deła popołasion e un modeo połitico fèrmo, basà su na monarchia de tipo autocratico, le xe stæ ała origine de tre rivołusioni. A prima, sensa portare a niente la xe stà fatta nel 1905 dopo ła sconfita neła guera col Giapon. Ła seconda e ła tersa le sarà fate nel 1917, de preciso a marso (febraro in tel całendario giuliano, uxà dała Ciexa ortodosa rusa e tegnesto in chel tempo in Rusia) e novenbre (otobre), impisae da gravi problemi połitico-sociałi, da un malstare comune verso a monarchia e dała tremenda crisi soferta da l’impero ruso durante ła prima guera mondiałe.

Ła rivołusion de febraroCànbia

El 23 febraro (8 marso del całendario gregoriano) 1917 na insuresion, in parte spontanea, dei operaji e dała guardia de Pietrogrado la portò ała ocupasion deła sità e al roversamento deła dinastia Romanov, confermà co ł’abdicasion del zar Nicola II pal fradeo Michail che, el 3 marso, nol ga vosuo el trono. El 27 febraro, intanto, jera stà messo in pìe el Soviet de Pietrogrado, primo de na longa serie de asemblee che da chel momento le se saria difuse in tuta ła Rusia. Rento l’organo del Soviet i mensevichi e i socialrivołusionari, li gheva na poxision importante e i ghe ga dato el potere nełe man deła borghexia e del Governo provixorio, meso in pìe a marso coa prexidensa del prinsipe L’vov.

Co Lenin xe ritornà dal esilio in Svisera e el ga publicà łe so Tesi de apriłe, aprovæ dała VII Conferensa del Partito bolsevico, el gavea sempre pì consenso dała xente parchè el voeva trasformare ła rivołusion borghese in te na rivołusion sociałista. Intanto ghe xera forte tension tra el Governo e Soviet pa decidere se ndare o no in guera, e se rivò ała formasion de un gabineto de coalision co rento i mensevichi e socialrivołusionari a paro coi ministri borghexi.

Controło de autoritàVIAF (EN124251745 · ISNI (EN0000 0001 2375 1518 · LCCN (ENn80126312 · GND (DE4077548-3 · BNF (FRcb11865668d (data) · NLA (EN36332432 · NDL (ENJA00743732 · WorldCat Identities (ENn80-126312
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Union_Soviètega&oldid=889033"