Repùblega de Letònia (1919-1940)
La Repùblega de Letònia (in lètone: Latvijas Republika) el ze el Stato che el zera susistio in Letònia dal 1919 al 1940 – el stato indipendente el zera pozisionà inte el Nord Eoropa inte łe rive del Mar Bàltego e el zera subentrà al Dogado de Curàandia e Semigàlia e al Dogado Bàltego Unio dopo de ła dezemada de l'Inpero todesco inte ła prima guera mondiałe inte el 1918 e ła predecesora Revołusion rusa inte el 1917, che i ghea zenarà l'indipendensa de ła Letònia.
Latvijas Republika (lv)  | |||||
|---|---|---|---|---|---|
|
|||||
 | |||||
| Ino | Dievs, svētī Latviju! | ||||
| Continente | Eoropa | ||||
| Capitałe |  Riga | ||||
| Popołasion | |||||
| Totałe | 1 950 502 (1935) | ||||
| Densità | 29,65 hab./km² | ||||
| Caze abitae | 64 589 km² (1935) | ||||
| Idioma | Lètone | ||||
| Rełijon | stato làego | ||||
| Zeografia | |||||
| Àrea | 65 791,4 km² | ||||
| Rente a | |||||
| Dati istòreghi | |||||
| Desolvimento | 17 de zugno del 1940 | ||||
| Organizasion pułìtega | |||||
| Forma de goerno | repùblega parlamentària e autocrasia | ||||
| Istòrego | |||||
|
| |||||
Proclamada inte el 7 de disenbre del 1918 e in magnera formałe reconosesta col tratà de Riga de l'agosto del 1920, ła repùblega ła zera durà par tuto el perìodo interbèłego finmente a ła so invazion e ocupasion da parte de l'Union Soviètega inte el ndar de ła seconda guera mondiałe, ła cuała ła ghene ghea sancio ła sparision cofà Stato sovran: ła zera subentrada ła Repùblega Sociałista Soviètega Lètone a sostituirla.
In tèrmani pułìteghi, ła Letònia ła zera rezultà èsar na democrasia parlamentare inte el ndar dei ani 1920 e el scumìsio del 1930. Inte ła pì granda parte del perìodo republegan, el Partio Comunista de Letònia el zera sta bandio, siben che el fuse costumà candidarse inte łe ełesion soto altre liste, tute via via descansełae dopo de łe ełesion. Inte el majo del 1934, Kārlis Ulmanis el ghea ideà e el ghea fato un colpo de Stato no viołento col cuało el ghea istituio un rezime autoritàrio. Tuti i partii pułìteghi i zera ndà contro a ła sopresion e ła censura e ła se ghea introduzesto ła leje marsiałe. Ulmanis el ghea sorbio vari poderi inte ła so figura, devegnindo de facto un ditatore.
Poco prima del s-ciopo del conflito globałe, cofà i altri Stati bàlteghi, ła Letònia ła se sentiva menasada da na pusìbiłe invazion, sia da ła Zermània nazista sia da l'Union Soviètega, tanto che ła ghea scumisià sotoscrìvar pati co anbedó i paezi bàlteghi: malgrado che el fin el fuse cueło là de mantegnere raporti pasìfeghi, ła sovranità lètoen ła zera finia de facto par debilitarse. Dopo de l'ultimatum emetesto a ła Lituània inte el zugno del 1940, el goerno lètone el ghea acetà l'idea che l'ocupasion ła fuse inevitàbiłe. El 17 de zugno del 1940, l'Armada Rosa łe zera ndae drento in tera lètone sensa catar rezistensa armada; a lujo łe se ghea vesto de łe ełesion ciaramente trucae e che łe ghea el fin de ełèzar un novo òrgano lejislativo de màrchio comunista, l'Asenblea del pòpoło, inte el 21 de lujo ła ghea proclamà l'instaurasion de ła "Repùblega Sociałista Soviètega Lètone". El 5 de agosto, el goerno soviètego el ghea acetà ła "proposta" de ła Letònia de devegner na repùblega de l'Union. Dopo de ła parénteze nazista (dal 1941 al 1944), a ła Letònia ghe zera tocada par na seconda volta na ocupasion sta volta de trupe sovièteghe che i ła gavea dopo incorporada inte ła fin de ła guera. L'indipendensa de ła Letònia, co cueła là de chełi altri paezi bàlteghi, no ła saria efetivamente tornada se no che inte el 1990, ano inte el cuało el procedimento de desołusion de l'Union Soviètega el zera in corsa.
Notasion
canbia
Altri projeti
canbia
el detien schemi gràfeghi so
