Paezi bàlteghi

DAB list.svg Dezanbìgua – Se te serchi altri signifegari, védarse Mar Bàltego

Col tèrmano Stati bàlteghi, pì raramente anca EstLaLia o sanò Repùbleghe bàlteghe o oncora paezi bàlteghi, se fa zeneralmente refarimento a łe tre repùbleghe de Estònia, Letònia, Lituània.

Infobox de Zeografia fìzegaPaezi bàlteghi
SorteRejon Cànbia el vałor in Wikidata
Parte deEoropa, nord-est eoropa e rejon bàltega Cànbia el vałor in Wikidata
Baltic states.svg Cànbia el vałor in Wikidata
 
Bagnà daMar Bàltego Cànbia el vałor in Wikidata
Rente aPomorze (en) Traduzi Cànbia el vałor in Wikidata
Formà da

Tuti e tre i stati finmente al 1917 i ze stai parte de l'Inpero Ruso. De sevente de ła Revołusion Rusa e ai avegnimenti de ła prima guera mondiałe i tre stati i ghea otegnesto l'indipendensa par ła prima volta inte ła istòria. Dal 1940 i stati bàlteghi i zera vegnesti ocupai da l'Union Soviètega; dal 1941 al 1944 i ze stai ocupai da ła Zermània nazista e dal 1945 al 1991 łe ze stae forsadamente inglobae inte ła comunista Union Soviètega, che ła ghea reprimesto ogni altro oncora tentativo indipendentista, finmente a ła cascada de ła istesa Union Soviètega inte el 1991, co che łe se ghea declarà, de novo, repùbleghe indipendenti, reconoseste par liveło iinternasionałe. Atualmente łe ze repùbleghe parlamentari indipendenti, e dal 2004 i ze menbri de l'Union Eoropea e de ła NATO.

Sibè che ghe fuse la definision "cołetiva" e ła arensa zeogràfega che i i univa, i tre stati i ga caraterìsteghe culturałi ben definie e difarenti intrà lore. I ze incomunai invese da łe dimension reduzeste, dal forte spìrito nasionałista, da łe caraterìsteghe zeogràfeghe e da ła domenasion soviètega che ła ga provocà na forte imigrasion de rusi. In tuti e tre i stati i resta de fato de łe forte menoranse ruse, soratuto in Letònia.

Da na parspetiva stòrega, pułìtega, lenguìstega e rełijoza łe ze entità diferensiae. par ezénpio in Estònia ła vien parlada la łéngua estone, partegnente a łe łéngue ugro-fìneghe, simiłare al finlandeze e tanto difarente da łe du łéngue bàlteghe propiamente dizeste (o sia el lètone e lituan). In Estònia e Letònia la rełijon prevałente ła ze cheła luterana, mentre in Lituània ła ze par el pì catòłegà.

La popołasion reduzesta e le dimension picenine łe ga fazesto-sì che inte el tenpo łe ghe fuse strete interełasion coi stati confinanti: ła Lituània ła ga storegamente forti lighi co la Połònia e l'Eoropa sentrałe; ła Letònia ła ze majormente arente de ła Rùsia e ła se ze drio caraterizar cofà àréa de trànsito intrà Rusia e el resto d'Eoropa; l'Estònia ła ze culturalmente pì ligada a ła Finlandia e a ła Scandinàvia.

NotasionCànbia

Altri projetiCànbia

Linganbi forestiCànbia


Controło de autoritàVIAF (EN304910901 · LCCN (ENsh85011369 · BNF (FRcb11931015r (data) · NDL (ENJA00560539 · WorldCat Identities (EN304910901
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Paezi_bàlteghi&oldid=1085075"