Felix Baumgartner

Felix Baumgartner, conosùo anca col soranome de B.A.S.E. 502 (Salisburgo, 20 de apriłe 1969), xe un [[paracadutista |paracadutista]] e base jumper [[Austria |austriaco]].

Felix Baumgartner

Biografia

Inte el 1999, Felix gà reałixà el record mondiałe pà'l salto pì alto có'l paracadute da un edifiso, saltando da łe Petronas Towers a Kuala Lumpur in Malesia. El 31 de lujo 2003, Baumgartner xe divegnùo ła prima persona a atraversare el Canal de ła Mànega co na tuta alare in fibra de carbonio. Baumgartner gà stabilìo el record mondiałe pà'l pì baso BASE jump, saltando da ła mano del Cristo Redentore a Rio de Janeiro. Xe stà inoltre ła prima persona a saltar dal viadoto de Millau in Fransa, el 27 de zugno 2004 e ła prima persona a lanciarse dal Turning Torso edifiso de Malmö, in Svesia el 18 de agosto 2006. El 12 de disenbre 2007 fu el primo a saltar dal Taipei 101 da sirca 390 m (1 280 pié), ałora el pì alto edifiso del mondo. El 14 de otobre 2012 xe stà el primo uomo a 'ndar oltre ła vełosità del són lanciandose in cadùa libara da 39 045 m de altesa inte i sełi del New Mèsego.

Inprexa del'otobre 2012

Inte el xenaro 2010 se vien a savére che Baumgartner jera drio laorar co un team de sciensiaì e sponsor Red Bull par tentar el record del salto pì alto a cadùa libara: l'obietivo jera saltar da 120 000 ft (36 600 m) atressà de na speciałe tuta simiłe a queła in dotasion a i astronauti, lanciandose da na capsula sospexa da na bała rienpìa de elio, co l'intension de devegnére el primo paracadutista ronpare el muro del són oltre a superar el record de salto da pì in alto co paracadute detegnùo da Joseph Kittinger co sirca 31,3 km otegnùi inte el 1960.

Cussita, el 25 de lujo 2012 Baumgartner gà conpletà el secondo de do salti de prova previsti, lanciandose da 96.640 pié (29.460m) Ghè gà vossùo 90 minuti par raxonxare l'altitudine de ła destinasion e ła so cadùa libara xe durà tre minuti e 48 secondi prima de verxare el so paracadute. Baumgartner xe aterà in sicuresa inte i presi de Roswell, New Mèsego. Ło so vełosità masima jera de sirca 536 mph (862 km/h) gà dichiarà Brian Utley, oservatór ufisałe in loco. Se trata del record personałe de Baumgartner.

El salto definitivo jera previsto par agosto 2012, ma xe stà rinvià all'autuno del steso ano a cauxa dei dani, nò previsti, riportai da ła capsula durante l'ateraxo del secondo salto de prova. Felix Baumgartner e ła so scuadra i gà anunsà che el lancio se sarìa dovesto tegnére l'8 de otobre co partensa da na baxe inte el dexerto del Novo Mèsego, inte i presi di de Roswell. El 5 de otobre 2012, cauxa maltenpo, el tentativo de salto xe stà riprogramà all'alba del 9 de otobre 2012. A cauxa del forte vento, che inpediva el coreto gonfiagio del bałon a elio, el lanso xe stà spostà a łe 16:30 (UTC) del 14 de otobre. Ałe ore 19:09 UTC se gà lansà da quota 39 045 m (128 100 pié) ndando oltre ła vełosità del són e 'rivando a na vełosità masima de 1 342,8 km/h (833,9 mph o sia Mach 1,24).

Ła mission se gà concluxa co suceso batendo tre record: l'altessa masima raxonta da na bała aerostatica co equipaxo, l'altesa maxore de un lanso da na bała aerostatica e ła velosità masima raxonta da un uomo in cadùa libara. El record de durata de na cadùa libara xe invese restà a Joe Kittinger, che ło jera drio guidare da tera.

Łigadure foreste

• (EN) Sito ufisałe (ligo ronpesto dispunìbiłe in Internet Archive; védarse el istòrego, la prima version e ła ùltema).

• (EN) Projeto Red Bull Stratos

Altri progetti

• Wikimedia Commons

• Wikimedia Commons el detien imàjini o altri file so Felix Baumgartner
• el detien schemi gràfeghi so