Ferrero Rocher

	Ferrero Rocher
Data creasion	1982
	Sito ufisiałe

Ferrero Rocher ła ze na marca comersiałe che ła identifega un ciocołatin reałizà e commersiałizà da l'industria ałimentar itałiana Ferrero Spa. El Rocher, che'l ga forma de prałina sferica repiena, el ze stà zlansà so'l marcà inte'l 1982 e el ze ^[cuando?]

comersiałizà in bona parte de'l mondo.

Conpozision

Un Ferrero Rocher, strato par strato

El nucleo de ła prałina el ze formà da na nozeła brustołada, coverta co un strato de crema de nozeła e crema gianduia. El tuto el ze incasà in una sutiła cialda che ła ło coverze. El prodoto sferico cusì otenjesto el ze coverto infin de un strato suparfisałe formà da ciocołato a'l łate e graneła de nozeła. Łe prałine łe ze individualmente incartàe inte na tełarìna in ałuminio de cołor oro e insarìe innte na scàtoła, co'l covercio trasparente, che'l ghe conferise a łore l'imàzene de "prodoto presiozo", A ze disponibiłi anca design diversi (par ezenpio, confesion in cartonsin, in plàstega opaca cołorad), che cata inpiego in partegołar in ocazion de łe festività de nadałe. Sia el nome che ła forma de'l ciocołatin łe sarìa un omagio a ła Vergine Maria de ła cuała Michele Ferrero el zera tanto devoto. ^[1] No'l ze vendùo in istà.

Grand Ferrero Rocher

El Grand Ferrero Rocher el ze na cialda recoverta de ciocołato a'l łate co graneła de nozełe, in tuto sìmiłe par gusto, forma e conpozision a l'inbaładura de ła prałina, ma de dimension majori; a'l só interno vien inserìe algune prałine. L'incarto el ze conpanjo a cueło de ła prałina. El Grand Ferrero Rocher el vien vendùo singołarmente. Ghe ne eziste varsion de diverso pezo e contenjenti un nùmaro de prałine variabiłe.

Altri prodoti

Oltra a łe prałine l'azienda ła comersałiza co'l marchio Ferrero Rocher anca tołete de ciocołato^[2] e zełati^[3]. Nonostante ła coerensa de'l branding, 'sti prodoti i ze reałizà sia co ciocołato a'l łate co graneła de nozełe, similmente a łe praline, sia co altri tipi de ciocołato, overo fondente (sia el zełato sia ła tołeta) e bianco (soło ła tołeta). In pì łe tołete, a difarensa de ła prałina, łe ze disponibiłi tuto l'ano.