Fiat Croma
Ła Fiat Croma (nome in codexe Tipo 154) ła xe na autovettura produxesta da ła FIAT tra el 1985 e el 1996; se trata de na berlina consideràbiłe come ła smiragia de ła caxa che no ła xe stada sostituìa da nisun modeło de istesa categoria da ła fin de ła so produsion.
 | |
| Tipo | modeło de automòbiłe  |
|---|---|
| Fabricante | Fiat |
| Designer | Giorgetto Giugiaro (it)  |
| caratarìsteghe | |
| Distansa intrà ase | 2 660 |
| Dimension | 1 433 ( ) × 1 760 ( ) × 4 495 ( ) mm |
| Istòrego | |
|
| |
Storia e profiłoCànbia
Inte el disenbre 1985 ła FIAT ga renovà el so modeło de clase alta sostituindo ła Fiat Argenta, restada in produsion par soło cuatro ani e dai rexultadi de vendita pìtosto dełudenti, co ła nova Croma. El so exordio ga dà łogo a ła sconparsa de ła trasion posterior in favor de ła trasion anteàta. El progeto xe anca conosùo come "Tipo Quattro" e sera in sé anca altre veture: Lancia Thema, Saab 9000 e Alfa Romeo 164.
El progeto comun tra łe amiragie de ła nasita prima de Lancia Thema e Saab 9000, mentre par Croma se ga ricoresto a un studio de stiłe otegnesto "par derivasion" da ła Lancia Thema, contegnendo moltisimo i tenpi de sviłupo e i costi de design. Ła łinea estremamente ecuiłibrada ed ełegante, el comfort de l'abitacoło, ła versatiłità del portełon dadrìo e l'inovativo conceto "VSS", ga garantìo a ła Croma un gran suceso: durante i uneghi ani devita comerciałe del modeło, ne xe stai vendesti sìrca 438 000 exenplari.
Tecnegamnete ła spartiva co łe altre veture l'autotełaro, łe sospension, l'osadura de łe fiancae, el padilión, gran parte dei inpianti (condisionamento, sircuito frenante) e co Thema e Saab anca łe porte.
El dexegno de ła clasega łinea a do vołumi e mexo jera nasesto in seno al Centro Stiłe Fiat, che ghe n'aveva afidà ła supervixion a Tom Tjaarda[1], e Giorgetto Giugiaro della Italdesign, mentre la costruzione era quasi interamente robotizzata[2].
Inisialmente ła xera stà vendesta in racuante version de motor, derivai dai propulsori montai so ła Fiat Argenta: do co i claseghi carburadori co çiłindrae da 1585 e 1995 cm³, do co iniesion da 1995 cm³, uno a presion atmosferega e un turboconpreso; łe potense erogae łe andava dai 83 ai 155 CV; tałi motori xera tuti evołusion del "bialbaro Lampredi". Xera anca disponìbiłi a łistin un Diesel (2,5 L), e un turbodiesel (2,4 L) da 75 e 100 CV. Xera stà comerçiałixà anca na version a benxina denomenada "CHT", co motorixasion da 1995 cm³ e 90 CV e sistema Yamaha CHT (Controlled High Turbolence – alta turbołensa controłada), che ła consentiva de aver l'aspirasion a geometria variàbiłe par maxor regołarità de funsionamento ai basi reximi e minori consumi inte el çiclo urban. Ciò xera posìbiłe grasie a um sdopiamento dei condoti de aspirada: uno picoło (par i reximi basi) e uno de dimension più grande, che entrava in funsion co ła vertura de łe paveje suplementari, adato ai reximi medi e alti[3].
Ła gama xe stà arichìa inte el 1988 col primo propulsor 2.000 turbodiesel a iniesion direta montada so na vetura de granda serie.
Inte el 1991 el modeło ga subìo un restyling che ne ga tondà łe łinee, seguindo ła moda del tenpo e el novo family feeling de ła caxa, che ne ga inxentiłìo el frontałe; inte i ani anca łe motorixasion xe stàa remordenàe, co l'ełiminasion de ła çiłindrata minor. A fin de caièra, inte i ùltemi ani de produsion, xe stà metesto in łistin un modeło de ła Croma co airbag (a partir dal 1994/95, łe prime serie del 1993 ne jera sproviste) e ABS; motor a V da 2492 cm³ e 160 CV, prełevà diretamente dal surplus de motori provegnenti dal V6 Busso montà in chel periodo da łe Alfa Romeo 155. Ła produsion ła ga cesà, dopo na łonga carìera, inte el disenbre 1996, sensa che ła vetura ła fuse sostituìa da alcun modeło de anałoga clase[3].
Come łe Lancia Thema, anca łe Fiat Croma xe stae łargamente acuistae enti, ministeri e un mucio de aministrasion itałiane. Par numaroxi exenplari se tratava de version blindae, destinae al trasporto proteto de personałità publeghe o magistrati. Tra stre veture speciałe, łe pì tristemente conosùe inte ła memoria cołetiva xe łe tre Fiat Croma 2.0 turbo (bianca, azxura e maron) che conponeva el corteo de scorta al xùdexe Giovanni Falcone saltae par aria inte ła strage de Capaci el 23 de magio 1992.
Vinti ani drìo ła prexentasion de ła Croma, par caxon de marketing, el 28 de magio 2005 Fiat scominsia ła comerciałixasion de na nova Croma, che parò no ła ga gnente in comun co ła so anteata se non el nome, e ła ga na tipołoxia de caroseria crossover. Ła vetura in cuestion ła xe usìa dal łistin inte el 2010.
MotorixasionCànbia
| Modeło | Disponibiłità | Motor | Çiłindrada (cm³) |
Potensa max | Cubia max (Nm) |
0–100 km/h (segondi) |
Vełocità max (km/h) |
Consumo medio (km/L) |
| 1.6 | da l'exordio al 1991 | Benxina | 1585 | 61 kW (83 CV) | 127 | 14,0 | 170 | 13,5 |
| 2.0 CHT 90 | da l'exordio al 1989 | Benxina | 1995 | 66 kW (90 CV) | 169 | 11,8 | 182 | 14,1 |
| 2.0 CHT 98 | dal 1989 al 1992 | Benxina | 1995 | 72 kW (98 CV) | 168 | 11,7 | 183 | 13,7 |
| 2.0 i.e. cat. | dal 1992 al 1997 | Benxina | 1995 | 85 kW (116 CV) | 162 | 10,5 | 190 | 12,3 |
| 2.0 i.e. | da l'exordio al 1992 | Benxina | 1995 | 86 kW (117 CV) | 162 | 9,9 | 192 | 13,0 |
| 2.0 i.e. Automatica | dal 1989 al 1991 | Benxina | 1995 | 86 kW (117 CV) | 162 | 11,8 | 188 | 11,8 |
| 2.0 i.e. 16V cat. | dal 1992 al 1997 | Benxina | 1995 | 101 kW (137 CV) | 180 | 10,1 | 200 | 11,1 |
| 2.0 i.e. Turbo cat. | dal 1992 al 1997 | Benxina | 1995 | 110 kW (150 CV) | 247 | 7,8 | 210 | 12,0 |
| 2.0 i.e. Turbo | da l'exordio al 1992 | Benxina | 1995 | 114 kW (155 CV) | 235 | 7,8 | 210 | 12,2 |
| 2.5 i.e. V6 cat. | dal 1993 al 1997 | Benxina | 2492 | 117 kW (159 CV) | 213 | 8,6 | 215 | 9,9 |
| 1.9 Turbodiesel i.d. 90 | dal 1988 al 1991 | Diesel | 1929 | 66 kW (90 CV) | 186 | 12,5 | 180 | 19,4 |
| 1.9 Turbodiesel i.d. 92 | dal 1991 al 1997 | Diesel | 1929 | 68 kW (92 CV) | 196 | 12,5 | 180 | 19,3 |
| 2.4 Turbodiesel | da l'exordio al 1989 | Diesel | 2445 | 74 kW (101 CV) | 216 | 11,9 | 185 | 14,5 |
| 2.5 Diesel | da l'exordio al 1989 | Diesel | 2499 | 55 kW (75 CV) | 162 | 16,6 | 165 | 16,1 |
| 2.5 Turbodiesel Eco | dal 1992 al 1993 | Diesel | 2499 | 77 kW (105 CV) | 220 | 10,7 | 190 | 14,2 |
| 2.5 Turbodiesel | dal 1989 al 1992 | Diesel | 2499 | 85 kW (116 CV) | 245 | 11,0 | 195 | 14,3 |
NotasionCànbia
- ↑ Tom Tjaarda: un americano a Torinopanorama-auto.it, 15 agosto 2013. entrada il 22 agosto 2017 (archivià dal URL orizenałe il 22 agosto 2017).
- ↑ Fiat Croma (1985 -1996)autoblog.it, 17 dicembre 2012. entrada il 22 agosto 2017 (archivià dal URL orizenałe il 22 agosto 2017).
- ↑ 3,0 3,1 Fiat Cromaomniauto.it, 6 agosto 2005. entrada il 22 agosto 2017 (archivià dal URL orizenałe il 22 agosto 2017).
- ↑ Fiat Croma (1985-97)automoto.it. entrada il 22 agosto 2017 (archivià dal URL orizenałe il 22 agosto 2017).
Altri projetiCànbia
Wikimedia Commons el detien imàjini o altri file so Fiat Croma
el detien schemi gràfeghi so
