Forte Vezena
Vien ciamà forte Vexena kueło ke propriamente sarìa el forte austriaco del Spitz Vexena, sora el paso Vexena, in Trentin. El nome ke ghe gaveva dà i Austriaci xera Posten Vezzena. Finìo inte el 1914, el xera in realtà un posto de oservasion, co 23 soldà, intrà teritoriałi, sapadori, tełegrafisti e tełefonisti e 5 mitrajatrici. El gaveva segnaładori otici ke i ło tegneva in contato col forte Verle, xo al paso, e col forte de Łuxerna. Col forte Verle el gaveva anca un cołegamento tełefonico. El forte xe sta bonbardà e smacà inte i primi dì de guera inte el 1915 parkè el xera soto el tiro deł'artijeria tałjan del forte Verena, ma no'l xe 'nda distruto. Dopo l'ofensiva austriaca del 1916, el xe restà 'ntełe retrovie e no'l xe sta pi doparà par atività direte inte i conbatimenti. Soto el Fasismo i ghe ga cavà tuti i toki de fero restà e in pratica ga desfà el forte pi sta estrasion del fero ke ł'artijeria 'nteła prima guera mondiałe.
Wikimedia Commons el detien imàjini o altri file so Forte Vexena
el detien schemi gràfeghi so
