Fraxe

La fraxe (dal grego φράση fraxe, sententesa, espresion) ła xe el màsemo segmento inte el cuało el połe gner dividesto el descorso oman. Na fraxe la se conpone de diversi sintagmi, costituidi a so olta de fonemi, tegnesti unii da règole sintateghe. In pratega ogni enuncià el pol gner analixà come fraxe.

Strutura de la fraxe

El sintagma el xe el elemento principal e minimo de la frase. La gran parte de le fraxi produxeste inte la comunegasion umana le consiste inte on sintagma verbal e inte on sintagma nominal (es: mi magne, Nani el dorme), anca se solché la prexensa de on sintagma verbal ła xe sufisente par individuar na frase. Inte serte łéngue, come inte el vènet, inte el grego e inte el latin, el sintagma co funsion de sojeto el xe esprimesto da la marca morfoloxega del verbo e anca inte le lengue aonde che el sojeto el ndà senpre esprimesto ghe xe fraxi fate solché dal sintagma verbal (exénpio: todesco Komm, inglexe Come, fransexe Viens.

No manca comuncue fraxi aonde che el sintagma verbal el manca' e inte le cuale ghe xe solché sintagmi nominałi (exénpio: beła jornada!, sol sèrio?, sì).

El sintagma verbal el pol eser anca sostituio da eventuai altri sintagmi nominai, come inte el caxo de le fraxi elìteghe: a Mario ghe piaxe i dolsi, a mi no.

Inte espresion cristalixade i tochi che i manca i pol eser sostituidi da ła doparasion: on saludo cofà sani el pol gner esplisità inte na fraxe conpleta cofà. ghe auguro che i se mantegna sani.

Inte altre lengue se ga frecuentemente frasi nominai cuando che el sintagma verbal el xe costituio da na còpula (latin pulchra puella). Inte sto caxo no se pol parlar de la fraxe elitega vera e pròpia parchè el nome o el ajetivo in poxision predegativa el gnen esprimesto normalmente.

Par eliminar anbiguità de signifegà, i xe indispensàbiłi i segnai no verbai che inte la comunegasion de voxe i se esprime co ła intonasion (varda prosodia) e che inte la lengua scrita i se esprime co ła pontuasion (védarse ortografia).

Una de le proprietà fondamentai de na strutura sintatega ła xe cuela de l'incaxamento, par la cual tra do elementi de na frase se pol senpre xontàrghene on terso. Sto fenòmano se el cata de frecuente par todesco co el nome de satzklammerung. On exénpio: i me amighi e i me cari amighi a livel de sintagma e el libro el me ga piaxesto e el libro che te me ga dato el me ga piaxesto.

Voxe corełae

• Sintagma
• Strofa
• Modo de dir