Fringe
Fringe ła ze na serie tełeviziva meregana produzesta dal 2008 al 2013.
.svg){kind=small}
.svg){kind=small}
.svg){kind=logo}
Ła ze stà pensada da J.J. Abrams, Alex Kurtzman e Roberto Orci, ła ze na serie de fantasiensa che ła conta de i cazi de ła "Devizion Fringe" de l'FBI de Boston, in Masaciusets, devizion che ła łaora soto ła suparvizion del Departemento de Seguresa Interna de i Stati Unii. El grupo el fa indàjini drio cheła che ła vien defenìa siensa de confin, ła fringe science. Par ła trama e temi doparài, ła serie ła ze stada racuante 'olte paragonada a X-Files.
Trama
canbiaInte el mondo intiero a ze drio verifegarse evinti mìa spiegàbiłi, fenòmani soranaturałi, che i par tuti reconduzìbiłi a cheło che ła Seguresa Nasionałe meregana ła ciama "El Schema". Co el voło intarnasionałe 627, partio da Anburgo, el toca tera a Boston co tuti i pasejeri e el so ecupajo morti, l'ajente de l'FBI Olivia Dunham ła vien ciamada par resòlvar el cazo. Olivia ła deside de domandarghe na man a un siensià de nome Walter Bishop, che l'inbastiva esperiminti par el governo rento un canpo de ła siensa ciamada "Fringe" (che ła ciapa rento fenòmani paranormałi cofà el controło de ła mente, el tełetrasporto, ła projesion astrałe, l'invizibiłidà, ła mudasion jenètega, ła resuresion, evc), fin cuando che, dopo un insidente de łaboradorio, el ze stà intarnà inte un istitùo psichiàtrego, sendo stà vałudà mentalmente destàbiłizà. Olivia ła parte par l'Iraq, ndove che vive Peter Bishop, el fioło del siensià, parché łu el ze l'ùnego parente che el połe firmar łe carte par łe dimision de so pare. Peter Bishop el ga eredità l'intełijensa sora ła mèdia de so pare, ma al raverso de łu, no'l se ga mai łaureà e el vive inbrojando ła zente, propio grasie a ła so astusia. Tornài inte i Stati Unii, e anca se Peter el ze inrabià co so pare, i tira fora dal sentro de cura el dot. Walter e insenbre co łu i taca investegar so i cazi cołegài al "Schema". Da insidenti cełi e che pararìa cazuałi, 'sti cazi i pasa a èsar veri e propi atachi bioterorìsteghi. Comandada da l'ajente de ła Seguresa Nasionałe Phillip Broyles, che el gavéa za łaorà so racuanti cazi del "Schema", A nase ła "Devizion Fringe" che ła dòpara come cuartier jenerałe el łaboradorio vecio de Walter, inte el scantinà de l'Univarsidà de Harvard a Canbridge. Maldestin, el "Schema" el ze soło un tocheto del problema. El grupo, difati, el se catarà a conbàtar contro mudaforma de un universo alternadivo e inisialmente anca contro i so dupi de cheł'altro universo. Ła scuadra ła farà espariensa co łinee tenporałi difarenti e i dovarà anca frontejar l'invazion de i "oservaduri", zente che ła vien da un fuduro ben distante.
Łinee Tenporałi
canbiaInte ła serie A vien doparà un boto de 'olte el conseto de universo parałeło. 'Sto conseto, sità so ła fin de ła stajon prima, el deventa senpre pì inportante man man che ła storia ła va vanti. A l'inisio l'universo el vien soło descrivesto ma a ła fin de ła stajon seconda, Olivia ła pasa fizigamente da cheł'altra parte e l'universo el scumisia a far parte de ła storia, mìa soło cofà descrision de uno de i parsonaji, ma anca cofà anbientasion ndove che ła storia ła va vanti. Inte ła stajon tersa l'universo parałeło el deventa na anbientasion ndove che A se conpise epizodi intijiri. In calche cazo 'sti epizodi i ze anca dezligài da cheło che càpita inte l'universo regołar.
Siene e recordi a parte, tìpeghi de tante serie TV che łe dopara el conseto de continuidà, so Fringe A ghe ze anca epizodi intijiri che i se conpise inte el pasà o inte el fuduro sensa che A ghe sie njaun ełemento del prezente che łi introduza, che łi conte prima de védarli o che i jute a capirli a ła fine.
| Universi de anbientasion de i epizodi de łe serie: | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Stajon | 01 | 02 | 03 | 04 | 05 | 06 | 07 | 08 | 09 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 |
| 1 | |||||||||||||||||||||||
| 2 | 3 | 4 | |||||||||||||||||||||
| 5 | |||||||||||||||||||||||
| 6 | |||||||||||||||||||||||
| Łejenda: |
| Universo regołar |
| Universo parałeło |
| In tuti do i universi |
| Universo regołar dopo ła destrusion de l'universo parałeło |
| In tuti do i universi dopo łe modìfeghe a ła łinea tenporałe |
| Fuduro d l'universo regołar dopo łe modìfeghe a ła łinea tenporałe |
| Universo regołar dopo łe modìfeghe a ła łinea tenporałe e ła sarada del ponte |
| Fuduro de tuti do i universi dopo łe modìfeghe a ła łinea tenporałe |
| Notasion: | |
|---|---|
| 1 | El se conpise inte el 1985 |
| 2 | El se conpise inte el 1986 |
| 3 | El se conpise par ła parte pì granda de l'epizodio inte ła mente de Olivia |
| 4 | El se conpise par ła parte pì granda de l'epizodio inte el 2026 |
| 5 | El se conpise inte el 2036 (dopo łe modìfeghe a ła łinea tenporałe) |
| 6 | El toco finałe de l'epizodio el se conpise inte el 2015 (dopo el reset tenporałe e ła scanpada invazion de i Oservadori) |
Sigra e Grifi
canbia
Sia inte ła sigra inisiałe che inte i grifi (par dir fotogrami sìngołi butài rento so tuti i epizodi che i interonpe el conpirse de ła storia) A ze sconti mesaji segreti difisilmente reconosìbiłi, che i ìndega el tipo de anbientasion de l'epizodio che se ndarà vardar, antisipasion so ła storia ma anca còdezi che zonta informasion in pì par ła sołusion de tuti i enigmi.
Wikimedia Commons el detien imàjini o altri file so Fringe
el detien schemi gràfeghi so
| Controło de autorità | VIAF (EN) 175287896 · LCCN (EN) no2010063424 · GND (DE) 7859170-3 · WorldCat Identities (EN) no2010-063424 |
|---|