Gałaria de l'arte


Na gałaria de l'arte el ze on spasio de sołito mantenuo da privati o asociasion dedicà a l'espozision de ópare de arte finałizà intel senso grando.

Gałaria dei Ufisi a Firense

Clasificasion canbia

Na prima clasificasion ła ze tra:

  • gałarie de l'arte publeghe (muzeo fondasion),
  • gałarie de l'arte private (atività comersiałi e culturałi gestie da privati o asociasion.)

Łe gałarie de l'arte łe połe eser clasificade in baze al periodo storego de łe ópare tratae; ona tra łe posibiłi sudivizion łe ze ste altre:

  • gałarie de l'arte antiga (ópare fate fin al 1860),
  • gałarie de l'arte moderna (ópare fate dal 1860 e i ani setanta del ventezimo secoło),
  • gałarie de l'arte contenporanea (ópare fate intel prezente, dai ani setanta a oncò).

Łe demarcasion łe połe in onji cazo variare.

Atività e fin canbia

Da ła pitura a ła scultura, da ła fotografia a ła videoarte, da łe istałasion artisteghe a ełementi de desing (aredamento e vestiàrio, acesori). Na gałaria de l'arte ła połe prezentar ópare de on sinpio artista o anca de vari autori. Łe ópare de arte chive esposte łe połe eser na conseguensa de: conprade, presteto par espozision, donasion (inte sto ultemo cazo in particołar par i muzei e gałerie de l'arte publeghe).

Na gałaria de l'arte publega ła ga come fin ła difuzion de ła cultura, sipia par medo de espozision permanenti e eventuałi mostre periodeghe. Se połe finansiar par medo: contributi publeghi, sponsor, eventuałi entrade a pagamento, eventuałi guadanji da ła vendita de materiałi rełativi a łe ópare esposte (catałoghi, łibri, ojetistega) par medo chełi spasi rento che senpre i vien asenjà a fin comersiałe, overosipia boteghe comunemente ciamà co termenołozia ingleze "museum shop", "book shop" o "gift shop".

I istisi fin i vien mirà inte ło spirito de gałaria de l'arte privata, che i mete rente on pì marcà ponto de vista comersiałe par ła necesità de sostenerse economicamente: carateristega de na gałaria de l'arte - oncora na inportante maniera de sostenjo par ła so atività - ze ła posibiłità par i vizitatori de conprare łe ópare esposte che el gałarista (diretor o resposabiłe de ła gałaria) el połe gaver entrada. Anca par na gałaria de l'arte privata ze bon costume de organizar mostre verte al publego, par na asion de sensibiłizasion culturałe, par favorir ła conosensa dei autori e de łe tendense artisteghe e ła publicizasion de ła gałaria istesa.

Altri projeti canbia


Linganbi foresti canbia


Controło de autoritàGND (DE4166030-4 · BNE (ESXX527515 (data) · NDL (ENJA00562253
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gałaria_de_l%27arte&oldid=1157602"