Gibson Firebird

Ła Gibson Firebird ła xe na chitara de ła Gibson projetà inte el 1963.

Gibson Firebird
Firebirdv2008.jpg
Perìodo1963 — prexente
Caratarìsteghe tècneghe
Tipo del bodySolid body
Union del mànegoNeck-thru, Set-in
Legni
BodyMògano
MànegoMògano e Noxa
TastieraÈbano o Pałisandro
Hardware
PonteTune-o-matic
Pickup1, 2 o 3 Humbucker o sanò single coil
Cołori dispunìbiłi
Cherry, Sunbrust, Èbano


Ispirà a ła Explorer, ma co łinee pì tondixante, par evitar l'inpato "forte" che ga avùo col publico ła Explorer. Łe version inisiałi, tanto de frecuente definìe orixinałe, vegniva definìe reverse (caovolxeste) pròpio par el so dixegno, che prexentava spałe mancanti asimetreghe co ła superior par intièro mancante e na spała inferior un mucio pì pronunsiada, contrariamente a cuando che nase de sołitp (spała inferior pì picoła de ła superior par fasiłitar l'aceso ai tasti alti).

Ła xe stà ła prima Gibson solidbody ad uxar na sołusion costrutiva ciamada neck-through (alcuni modełi i xe set-in) e anca ad uxar i mini-humbucker.

ModełiCànbia

Ła fameja de modełi ła jera formà da 4 chitare ed 1 baso. A difarensa de łe cuxine SG e Les Paul, Gibson ga uxà łe denominasion Stàndar, Custom e Junior par destinguer i modełi. Par ła prima volta se ga uxà i nùmeri romani "I", "III", "V" e "VII" par destinguerle:

  • Firebird I - 1 pickup. Conbinasion ponte invidà/tailpiece. Hardware cromà.
  • Firebird III - 2 pickup, ponte Tune-o-matic e Maestro stàndar Vibrola. Hardware cromato.
  • Firebird V - 2 pickup, ponte Tune-o-matic e Maestro "Lyre" Vibrola. Hardware cromà.
  • Firebird VII - 3 pickup, ponte Tune-o-matic e Maestro "Lyre" Vibrola. Hardware indorà.

Mestiero comerciałeCànbia

Co ła Flying V e ła Explorer, ła Firebird ga avesto el conpito de risołevar ła Gibson de łe cative acue finansiarie inte łe cuałe nuava e de defender l'axienda mericana dai atachi de ła Jaguar e de ła Jazzmaster, modełi de ła Fender, che ła continuava a sfornar continuamente chitare de suceso. Difati inte el 1962, ła ga ciamà come designer Ray Dietrich, un famoxo designer de automobiłi cofà łe Packerds, ła Chrysler Airstream del 1935, ła Tucker Torpedo del 1948 e oncora alcune Kaiser, Lincoln Continental Mark II e ła futuristega Tucker Carioca. Dietrich xe stà anca l'autor, oltra che del nome, anca del logo sol batipena che ne contradistingue l'autenticità. Dietrich ga seliesto anca i cołori ispirandose ai cołori DuPont Lucite che vegniva utiłixài par łe automobiłi. Un ano drìo, inte el 1963, ła Firebird I ga debutù sol marcà dei strumenti muxicałi. Sta chitara ła proponea anca un novo tipo de costrusion, infati ła xera conponesta de do łegni desconpagni, uno par łe "ałe" łaterałi e uno par el mànego el cuało jera e el xe un tòco únego co ła parte çentrałe del body.

Ła Fender in chel periodo ła jera insuperabiłe, e ła Firebird l'è stà łicuidà scuaxi suito. Nonostante tuto ne xe stà sfornà naltra version, conosùa come non-reverse, ma gnanca staltra xe riusìa a far risałir łe vendite. Anca de èła varie axiende ga faxesto na copia, anca se ła pì famoxa e ła pì fedełe ła resta cueła de ła Epiphone, che ła xe de propeità de ła Gibson. Allen Collins, dei Lynyrd Skynyrd, el xe stà cołù che pì de tuti ga łigà el so nome al modeło, uxandoła fin da fin ani 60 par tuti i 70. El ga scominsià ad intersarla co na Explorer soło a partir dal '76.

Gałarìa de imàxeniCànbia

Voxe coreładeCànbia

NotasionCànbia


Altri projetiCànbia

Linganbi forestiCànbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Gibson_Firebird&oldid=1036411"