Verxi el menu prinsipałe
Statua dE Boccaccio, che ła se cata ai Ufisi

Giovanni Boccaccio (Certaldo o Firense 1313 - Certaldo, 21 de diçenbre 1375), el xe sta on poeta e on proxatore e anca ł'autore del famoxo Decameron. El só łavoro el xé sta de ispirasion per paréci altri scrituri, come Geoffrey Chaucer, pare de ła łiteratura inglexe.

BiografiaModìfega

Boccaccio nase 'nte'l 1313 probabilmente a Certaldo ma el xe sta 'levà a Firense. Non se ga notisie de so mare. So pare el ga provà a indirisarlo ai afari, mandandoło a Napołi, roba che el xovane Boccaccio no ghe piaxeva e ałora so pare ło ga indirisà al studio del dirito canonico. Fra el 1330 e el 1331, a ł'università de Napołi el insegna dirito canonico.

'Nte'l 1340 el ritorna a Firense a cauxa de on grave disesto finansiario del pare. Fra el 1346 e el 1348 el vive a Ravena e a Forlì, dove el xe sta ospite de Francesco II Ordelaffi e el ga frequentà i poeti Nereo Morandi e Francesco Miletto de Rossi, dito Checo.

In seguito, el xe tornà a Firense dove el xe scampà a ła peste e dove el se ga stabilio definitivamente 'nte'l 1349, a ła morte del pare, par occuparse del patrimonio de ła famija che gera vansà.

'Nte'l 1351 el va a Pàdoa, dove el serca invano de convinsare el Petrarca a tornare a Firense pare insegnare.

Intorno al 1370 el se ga ritirà definitivamente 'nte ła so casa de Certaldo dedicandose a ła rełijon.