Giuseppe Boerio

Giuseppe Boerio (Lendinara, 1754 – Venèsia, 1832) el xe stà un magistrato, un xurista, un ensiclopedista e lenguista de la Republica de Venèsia.

Giuseppe Boerio

Biografia
Nasimènto	1754 Lendinara (Itàlia)
Morte	25 de febraro del 1832 (77/78 ani) Venèsia (Itàlia)
Zùdeze
Atività
Ocupasion	funsionàrio, magister

El se ga laureà in lege a Pàdoa, soto ła guida del profesor Bragolino, apena laureà el xe andà a fianco de so pare come funsionario de la Republica de Venèsia.

Inte el 1784 el publica a Verona la so prima òpara, che ła raduna termini xuridisi, decreti e ufisi dei magistrati.

Inte el 1789, el xe canceliere dal podestà de Ciòxa, Domenego Tiepolo e inte el 1793 el publica: “La racolta dele legi Venete”.

Anca dopo la caduta de la Republica inte el 1798, el continua la so cariera de magistrato inte łe istitusion del Regno de Italia de Napoleone Bonaparte, come xudese a la Corte de giustisia del Adriatego.

Stranamente la so òpara maxor, quela che la ghe ga dà la fama, non la xe na òpara xuridica, ma la xe el Disionario del dialeto Venesian, na òpara che la ga avudo la colaborasion de ilustri leterati e naturalisti come Nicolò Cantarini, Stefano Andrea Renier, Giovanni Domenico Nardo, el autor de teatro Alessandro Zanchi e anca el xovane Daniele Manin, che el xe stà anca el editor inte el 1829.

Colegamenti esterni

• El Disionario del Boerio
• el detien schemi gràfeghi so