Hyundai Motor Company

Ła Hyundai Motor Company (in Hangŭl 현대자동차) ła ze el reparto de ła multinasionałe coreana Hyundai ativa inte łe costrusion automobiłìsteghe.

Hyundai Motor Company

(ko) 현대자동차
Dati
Sorte	caza automobiłìstega inpreza de capitałe verto socetà organizasion marca autobiłìstega
Indùstria	indùstria automobiłìstega
Forma zurìdega	주식회사
Istòria
Creasion	1967 , Seul
Fondador	Jeong Ju-yung (en)
Atività
Prodoto	autocarro (it) e machina automobile
Menbro de	Open Automotive Alliance (it) Fondasion Linux
Borsa vałori	() - (LSE HYUD) - (NASDAQ HYMTF)
Governo d'impresa
Presidènsa	Chung Eui-sun (it) (2020–)
Aministrador dełigà	Chung Eui-sun (it) (2019–)
Ente controłante	Hyundai e Hyundai Motor Group (en)
Propietàrio	Hyundai Mobis (20.78%).  National Pension Service (en) (9.29%).  Chung Mong-koo (en) (5.17%).  Chung Eui-sun (it) (2.62%).
Filiałi	Hyundai Motor India Limited (it) Hyundai Assan Otomotiv (en) Hyundai Motor Europe GmbH (en) Hyundai Transys (en) Boston Dynamics Hyundai N (en) Hyundai Motor Manufacturing Czech Hyundai Rotem Hyundai Motor Manufacturing Alabama Hyundai Motor America (en) Hyundai Capital (en) Hyundai Card (en) Ioniq (en)
Sito web	hyundai.com
Pozision

Storia

Hyundai Pony.

A l'età de sołi 25 ani, Chung Ju-yung, el ga proà far fortuna trasferindose da novo a Seul dopo numarozi tentadivi fałìi. Ła vita in Corea ła zera difisiłe a cauza dei ràdeghi co'l Japon e Chung el ze riusìo a conprar da un amigo un garage par giustar de łe autoveture. Grasie a un préstio de 3.000 won, l’A-do Service Garage ła contava sìrca 20 dependenti e ła se ocupava de ła manutension de łe autoveture. L'ezito el ze stà pozitivo tanto che daspò tri ani l'A-do ła contava suparzó 70 dependenti ma a cauza de l'ocupasion japoneze el garage el ze stà trasformà in na asiałeria par ła produsion de materiałi bełisi. L'A-do Service Garage ła ze stà donca soprimesta. Chung Ju-yung el se ga trasferìo ad Asan co oltra 50 miłe won vadanjài durando ła zestion de l'A-do e el ga proà studiar na strateja par poder investir chel danaro inte na nova azienda.

Inte'l 1946, dopo ła łiberasion de ła Corea da'l dominio japoneze, A ze scumisià un parìodo de recostrusion par el paeze e Chung el ga avùo modo de fondar el 27 de desenbre 1947 ła Hyundai Civil Works Company, azienda spesiałizada inte łe costrusion che ła se ramifegarà e spesiałizarà in numarozi setori investindo soratuto inte'l canpo metałùrzego e inzenjerìstego. Inte'l 1967 A vien fondà a Seul ła Hyundai Motor Company, divizion destinada a ła produsion de veicołi łezieri e pezanti. A se reałiza cusì el sonjo de Chung Ju-yung.

Ła Hyundai Motor Company ła scominsia ła só aventura automobiłistega: inte'l febraro de'l 1968 A vien firmà un acordo co ła Ford par prodùzer so łisensa el modeło Cortina, na granda berlina reałizada da ła fameja ingleze de ła Ford. Inte'l novenbre de'l 1968 A ze scumisià l'asenblajo de łe scoche de ła Cortina, inportàe da l'Inghiltera; soło drioman A se ze pasà a na produsion conpleta, bazada parò senpre so'l modeło ingleze. El modeło el ghe ndava in direta concorensa contro ła Toyota Corona che parò ła subiva ełevàe tase da parte de'l goerno parchè ła venjiva inportada e non produzesta diretamente in Corea. Inte'l 1969 A zera stà introduxesta anca ła Taunus 20M che, insieme co ła Cortina, fin a ła metà dei ani setanta ła ga raprezentà sirca l'80% de łe vendite automobiłisteghe in Corea de'l Sud. Indrioman ła Taunus 20M ła ze ndà fora de produsion, sostituìa inte'l 1978 da ła Granada senpre de orìzene Ford.

Ła tapa sucesiva ła ze stà ła prezentasion, inte'l 1975, de ła Hyundai Pony, desenjada da Giorgetto Giugiaro e motorizada co un propulsor japoneze de orìzene Mitsubishi Motors Corporation, azienda co ła cuała inte'l setenbre 1973 A jera stà siglà un acordo de asistensa tècnega. Ła Pony ła ga raprezentà anca el primo autoveicoło de projetasion coreana.

Ła projetasion e costrusion intieramente "in caza" dei pròpi modełi ła ze invese scominsiada co ła Hyundai Sonata inte'l 1988. Inte i stesi ani, in concomitansa anca co'l pasajo de consenje intrà el fondador Chung Ju-yung e el fio Chung Mong-koo, l'azienda automobiłistega coreana ła ga espandesto el só rajo de asion fora da ła patria, otenjendo un bon suceso de vendite anca so'l marcà nordamerican ed europeo.

Inte'l 1998, in ocazion de ła granda crize de łe borse aziàteghe Hyundai ła ga acuizìo el controło de ła caza rivałe Kia Motors, dazendoghe łogo a ła nova sosietà Hyundai Kia Automotive Group che, inte i ani drìo, ła ga strenzesto acordi de cołaborasion co ła DaimlerChrysler.

El 5 de novenbre 2015 Hyundai ła łansa Genesis, na marca de łuso (nome ciapà da l'omonema auto de łuso produzesta da ła caza) i cui nomi dei modełi i sarà formà da ła łétara G e, a segonda de ła categoria de'l modeło, dai nùmari 70, 80 e 90. El primo modeło, ła G90 (destinada a sostituir ła Equus), el ze stà prezentà inte'l desenbre de'l 2015. El responsabiłe de'l design dei futuri modełi, par el cuało A ze stà zviłupà a l'interno de'l grupo Hyundai na strutura apozita, ła Prestige Design Division , el sarà Luc Donckerwolke, za responsabiłe in pasà de'l design de caze come Bentley e Lamborghini.

Sponsorizasion

Da'l 2002 el ze deventà uno dei sponsor ofisiałi de'l Canpionato mondiałe de calcio. Da'l 2012 el zw sponsor ofisiałe de maja de l’Olympique Lyonnais, miłitante inte'l canpionato de calcio franseze Ligue 1.

Da l'istà 2018 el deventa retro sponsor par łe partìe nasionałi de l’AS Roma, ponendo el proprio logo inte ła parte dadrìo de ła diviza de zogo de ła scuadra załorosa, pozisionandoło soto a'l nùmaro de'l zogador. Senpre inte l'istà 2018 A vien firmà i acordi de sponsorizasion co'l Chelsea, co l’Atletico Madrid e co Herta Berlino come sponsor de mànega de łe divize de zogo par łe conpetision nasionałi.

Modełi produzesti

Hyundai Grandeur, partner FIFA ai Canpionati del Mondo de Calcio Zermania 2006.

El modeło H-1.

Ła Hyundai Motor Company ła costruise e ła ga costruìo autoveture utiłitarie, berline, coupé e fuoristrada tra cui:

• Atos/Atos Prime
• i10
• Getz
• i20
• Accent
• Elantra
• Pony
• i30
• Matrix
• Trajet
• Entourage
• Sonica/Sonata
• i40
• Grandeur/Azera
• Genesis
• Genesis Coupé
• Equus/Centennial
• Coupé/Tiburon
• Tucson
• ix35
• Santa Fe
• Terracan
• Galloper
• ix55/Veracruz
• Santamo
• H-1/i800
• ix20
• Kona
• Veloster
• Ioniq

Concept car

• Hyundai Clix
• Hyundai Nexo

Altri projeti

Altri progetti

• Wikimedia Commons

• Wikimedia Commons el detien imàjini o altri file so Hyundai Motor Company
• el detien schemi gràfeghi so

Linganbi foresti

• (inglezo) Sito ufisałehyundai.com.
• HyundaiWorldwide / Hyundai Österreich / Hyundai Nošovice / Hyundai Canarias / HyundaiTunisie / Hyundai Kuwait / Hyundai Auto Romania / Hyundai Hrvatska / Hyundai Puerto Rico / Hyundai Iraq - الأولى موتور هيونداي / Hyundai Auto Kazakhstan / Hyundai MEA / Hyundai Europe / Hyundai Motor Philippines / Hyundai Switzerland / Hyundai Malaysia / Hyundai CZ / Hyundai Motor Poland / HyundaiOficialUY / Hyundai Leb / Hyundai Canada / Hyundai Venezuela / Hyundai Azerbaijan / Hyundai Bulgaria / Hyundai Jamaica / HYUNDAI FRANCE / Hyundai Trucks Australia / Hyundai España / Hyundai Belgium/Luxembourg / HYUNDAI PERU / HyundaiIndia / Hyundai Sverige / Hyundai Maroc / Hyundai Moldova / Hyundai Colombia / Hyundai Qatar Skyline Automotive (hyundaimotorqatar) / Hyundai Türkiye / 현대자동차 (hyundai korea) / Hyundai Portugal / Hyundai Ukraine / Hyundai Bahrain / Hyundai Srbija / Hyundai Auto Asia / Hyundai Nic - Deshon & Cia / Hyundai BH / Hyundai Slovensko / Hyundai HK / Hyundai Truck and Bus Rus / Hyundai Motors Indonesia / Hyundai Motor Argentina SA / Hyundai Finland / Hyundai Norge / Hyundai Italia / Hyundai Deutschland / Hyundai UK / Hyundai Singapore Official / Hyundai Nederland / Hyundai Greece / Hyundai Bolivia / Hyundai Taiwan / HyundaiEgypt / Hyundai Chile / Hyundai Laos / Hyundai NZ / Hyundai Bangladesh / Hyundai Hungary / Hyundai Baltics / Hyundai Australia / Hyundai Jordan / Hyundai Motors Nigeria / HyundaiUSA (canale ufisałe)YouTube.