Wikipedia

Il Giornalino

Il Giornalino ła ze na rivista itałiana par tozi de fumeti e rùbriche de vario zènere de ispirasion catòłega publegada in Itàlia da'l 1924 da łe Edizioni San Paolo.[1][2]

Storia editoriałe canbia

El setemanałe el zera stà ideà da'l sacerdote Giacomo Alberione, fondador de ła Pia Società San Paolo el cui obietivo el zera cueło de diramar el Vanzeło traverso i vari mezi de comunegasion; oltra che inte łe edicołe, el setemenałe el zera stà distribuìo inte łe ceze. Par un curto parìodo inte'l 1930 el ze stà asorbìo inte ła testada Il Corrierino Novellino. Inte'l 1937 A ze stà efetuà un primo restyling gràfego che ło ga rendesto sìmiłe al Corriere dei Piccoli e el publega anca storie a fumeti ma prive de balloon; dai ani cuaranta łe pàjine a fumeti łe xe cuatro pàjine so łe òto totałe e i autori pì publegà i zera stà Mario Barberis e Attilio Mussino. Łe visende de ła segonda guera mondiałe łe costrenze a na tenporanea intarusion fin al 25 de novenbre 1945 cuando scominsia da novo a èsar publegà regołarmente. Fra i autori pì prezenti in 'sto parìodo ghe ze stai Ennio Zedda e soratuto Raoul Traverso, el cuało elscrivarà storie par oltra sincuant'ani. Inte i ani sincuanta vien dà spasio anca fumeto umorìstego e, inte i ani sesanta zera stà aumentà el nùmaro de pàjine, 24 inte'l 1961, 32 inte'l 1965 e 56 dal 1969. Inte i ani setanta zera stà publegàe serie a fumeti come Larry Yuma, Il commissario Spada e Bellocchio e Leccamuffo oltra a traspozision a fumeti de romanzi clàseghi, che ła devenjarà na caraterìstega de ła testada; inte'l 1973 A ze ezordìa ła varsion a fumeti de La Linea de Osvaldo Cavandoli e Pinky de Massimo Mattioli; inte'l 1974 ze sta introduzeste schede par łe reserche scołàsteghe e vien publegà anca fumeti de produsion estera come Asterix e Lucky Luke. Inte'l 1988 ghe ze stà n'altro restyling e vien zontàe rùbriche sportive; inte i ani novanta vien publegàe serie a fumeti de produsion itałiana traspozision de famozi cartoni anemài come Flintstones, I Jetsons, l'Orso Yoghi, Scooby Doo.

Inte i ani otanta, so idea orizenałe e testi de'l senejador Marco Di Tillo, zera stà reałizàe łe serie: I grandi del jazz, I grandi del calcio, I grandi del cinema, reałizàe dai pì famozi dezenjadori de ła testada.

Par i putèłi de ła scòła materna, de età conpreza tra i 3 e i 6 ani, łe edision San Paolo łe ga creà na apozita rivista: G Baby.

Caraterìstega de ła rivista ze stà ła prezensa de inserti intitołài Conoscere Insieme ùtiłi par łe reserche scołàsteghe. A se tratava de ałegai che in te'l corso dei ani i ga asumesto varie forme: inserti prezenti inte łe pàjine sentrałe de ła rivista da destacar e consarvar, schede da rancurar in apoziti contenjidroi ad anełi, o łibreti za łigà, fin a'l 2013 se ga inderisà a un pùblego de preadołesenti e adołesenti fin a ła mazor età, drìoman a putèłi in età da scòła ełementar creando par i tozi pì grandi na nova rivista ciamada superG.

Ełenco serie a fumeti e dei autori canbia

Inte'l corso dei ani el Giornalino el ga publegà so łisensa storie de parsonazi famozi cofà i Looney Tunes (Bugs Bunny, Duffy Duck, Gatto Silvestro), i Puffi, don Matteo, Lucky Luke, łe Winx, Braccio di Ferro, i personaxi Hanna-Barbera (e cuindi I Flintstones, I Jetsons, l'Orso Yoghi, Scooby Doo e Tom & Jerry e tanti altri), Asterix, Popeye, łe Tartarughe Ninja nonché i adatamenti fumetistici de ła saga deStar Wars. El ga publegà redusion a fumeti de romanzi come I promessi sposi, Robinson Crusoe, Piccole donne e Un americano alla corte di Re Artù, Gargantua e Pantagruel, La Divina Commedia, Lord Jim, L'ultimo dei Mohicani e Robin Hood. A ze stà publegà parsonazi orizenałi cofà Bellocchio e Leccamuffo, Bob Kent, Capitan Erik, Capitan Rogers, Dodo & Cocco, Jack Speed, Larry Yuma, Micromino, Nicoletta, Piccolo Dente, Pinky, Rosco & Sonny, Yelo III, Pon Pon, La Pattuglia Ecologica, Pallino, Gli Angeli del West, Mitty, Jacopo del Mare, Ricky Bravo, Vita da cani, Susanna, L'Agente Allen e altri oncora come Il commissario Spada de Gianluigi Gonano e Gianni De Luca inte i ani setanta.

Ghe ga łaorà grandi autori de fumeti come Severino Baraldi, Dino Battaglia, Massimo Fecchi, Benito Jacovitti, Sergio Zaniboni, Ferdinando Tacconi, Luciano Bottaro, Franco Caprioli, Gianni De Luca, Renata Gelardini, Sergio Toppi, Marco Di Tillo, Massimo Mattioli, Tiziano Sclavi, Giorgio Cavazzano, Alfredo Castelli, Giovanni Boselli Sforza, Lino Landolfi, Piero Lusso, Carlo Peroni, Paolo Piffarerio, Gino Gavioli, Toni Pagot, Carlo Boscarato, Ruggero Giovannini, Luciano Giacotto, Ferruccio Alessandri, Rodolfo Torti, Spartaco Ripa, Nevio Zeccara, Giuliano Giovetti, Giorgio Sommacal, Stelio Fenzo, Paola Formica[3], Antonio Sciotti, Otello Scarpelli, Renato Polese, Claudio Nizzi, Ivo Milazzo, Mario Rossi (MaRò), Sergio De Simone


Notasion canbia

  1. ↑ Il Giornalinowww.guidafumettoitaliano.com. entrada il 26 novembre 2019.
  2. ↑ FFF - IL GIORNALINOwww.lfb.it. entrada il 26 novembre 2019.
  3. ↑ Paola Formica - Edizioni San Paolowww.edizionisanpaolo.it. entrada il 26 novembre 2019.

Linganbi foresti canbia

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Il_Giornalino&oldid=1113233"