Indovineło Veronéxe
L'Indovineło Veronexe el xe on testo scrito a man su na pergamena inte l'VIII secoło d. C.. El xe el primo testo volgare romanzo (I giuramenti de Strasburgo i xe datà çinquanta ani dopo) e secondo i studioxi el raprexenta ła prima testimoniansa de lengua volgare in Italia.
El testo xe:
(VEC)
«Se pareba boves, alba pratàlia aràba et albo versòrio teneba, et negro sèmen seminaba
gratias tibi agimus omnip[onten]s sempiterne d[eu]s»
Significato canbia
El xe on indovineło bastansa comun inte ła leteradura tardolatina, e el rimanda a diverse interpretasion. Coeło che pì xe visin a ła łéngua veneta xe el sintagma "SE PAREBA BOVES", che se połe tradure in "[EL] SE PARECIAVA I BO" o "[EL] PARAVA I BO" inte el senso de "MENARE", TRAR VANTI i bo. Anca el termine "VERSORIO" el xe asołutamente tipico de ła Venetia (el Triveneto) e vol dir "VARSURO", "ARATRO".
El signifegà el podaria èsar:
"[El] parava i bo / [el] arava bianchi prà e [el] menava on bianco varsur / [el] semenava semensa mora."
Opure anca: "[El] se pareciava i bo / [el] arava bianchi pra e [el] menava on bianco varsur / [el] semenava semensa mora."
Orìxene canbia
Sto testo el xe stà descoèrto dal Schiapparelli inte ła Biblioteca Capitołare de Verona in t'el 1924. El codexe el xe de proveniensa spagnoła, de Tołedo, portà a Càliari, dopo a Pisa e infin l'è rivà a Verona. Alcuni exempi i fa notare alcune carateristeghe fonetiche venete (versorio = versor e i verbi a l'inperfeto indicativo in -eba invece de l'-aba o ava de altri diałeti)
Varda anca canbia
Bibliografia canbia
- Cortellazzo, M. A e Paccagnella, I. "Il Veneto" in: L'italiano nelle rejoni a cura di F.Bruni. UTET, 1997.
Linganbi foresti canbia
- Indovinelo Veronexe
- Indovinelo Veronexe - altra someja Archivià il 17 de zunjo 2007 in Internet Archive.
- Indovinelo Veronexe a la Biblioteca Capitolar Archivià il 15 de majo 2007 in Internet Archive.
Controło de autorità | VIAF (EN) 181442589 · GND (DE) 1248690281 · WorldCat Identities (EN) 181442589 |
---|