Jim Parsons
James Joseph "Jim" Parsons (Houston, 24 de marso del 1973) el ze un ator statunitense.
Biografia
canbiaNasesto e cresesto a Houston, Texas, só fioło de Milton Joseph "Mickey/Jack" Parsons, morìo inte in insidente d'auto inte'l 2001, e de l'insenjante Judy Ann McKnight. El ga na sorèła, July, che ła fa l'insenjante e che ła ło gà fato deventàr barba. Insin da cuando chee'l zera bòcia el vołea deventar ator. El studia a l'Univarsità de Houston, dove che'l deventa un menbro de ła confraternita Pi Kappa Alpha. El ga può otenjesto un master a Univarsità de San Diego, dove el s ezibiva a l'Old School Theatre. El se trasferise a New York par continuar ła só cariera de ator. Alguni dei rołi pì inportanti da eło interpretà i include l'aparision come parsonazo regołar inte ła serie Judging Amy e na aparision spesial inte ła serie Ed.
Sucesivamente el partesipa a numarozi film, cuałi La mia vita a Garden State, Heights, On the Road with Judas, Gardener of Eden - Il giustiziere senza legge, 10 cose di noi e Scuola par canaglie. Durando i studi a l'Univarsità de Houston, el ga contribuìo a jutar ła Infernal Bridegroom Productions, conpanjìa teatrałe, resitando in varie produsion mese in ato da ła mèdema. Inazonta, el ze stà portavoze de l'Univarsità de San Diego, in cuałità de raprezentante de łe Arti e de łe Siense de'l 2009.
Grasie a'l programa Who do you think you are? Jim el recostruise ła rama de só pare de'l só àlboro zeneałòzego scoverzindo de aver antenati in Louisiana e in Fransa, razon par cui el ze drìo ciapàr łesion de franseze.[1]
Jim Parsons el ze anca un gran pasionà de spor anca se no'l ghe ne pràtega njanca un. In partegołàr de bałacanestro (corbàto), el tifa par i Houston Rockets e el ze un gran fan de Dwight Howard.[2] El ga anca na granda pasion par il tennis: el venera Roger Federer e el ze amigo de pena de Eugenie Bouchard
Inte'l 2014, insenbre ai altri do co-protagonisti Johnny Galecki e Kaley Cuoco de ła sitcom 'mericana Big Bang Theory, el deventa l'ator tełevizivo pì pagà de senpre inte i Stati Unìi rivando a'l miłion de dołari a pontada.[3]
El ze produtor ezecutivo de ła serie "Young Sheldon" che ła raprezenta ła vita de'l zóvene Sheldon e dove el protagonista de "Big Bang Theory" el conta de ła só storia.
Vita privada
canbiaEl 23 magio 2012 inte on artigoło de'l New York Times de Patrick Healy, Jim el conferma di èsar gay e aver na rełasion co'l diretor artìstego Todd Spiewak da'l 2003.[4]
Premi e reconosimenti
canbia- 2009 - Television Critics Association Awards (TCA Award):
- Vinto mejo ator inte na comedia par Big Bang Theory (2007);
- 2009 - Satellite Awards:
- Nominà mejo ator inte na serie, comedia o musical par Big Bang Theory (2007);
- 2009 - Emmy Awards:
- Nominà mejo ator protagonista inte na serie comedia par Big Bang Theory (2007);
- 2010 - Emmy Awards:
- Vinto mejo ator protagonista inte na serie comedia par Big Bang Theory (2007);
- 2010 - Satellite Awards:
- Nominà mejo ator inte na serie, o comedia muzegałe par Big Bang Theory (2007);
- 2010 - Television Critics Association Awards (TCA Award):
- Nominà mejo ator inte na comedia par Big Bang Theory (2007);
- 2011 - Golden Globes, USA:
- Vinto mejo ator inte na serie, comedia o muzegałe par Big Bang Theory (2007);
- 2011 - Emmy Awards:
- Vinto atore protagonista inte na serie comedia par Big Bang Theory
- 2013 - Golden Globes, USA:
- Nominà mejo ator protagonista inte na serie comedia par Big Bang Theory
- 2013 - Emmy Awards:
- Vinto ator protagonista inte na serie comedia par Big Bang Theory
- 2014 - Critics' Choice Television Awards:
- Vinto ator protagonista inte na serie comedia par Big Bang Theory
- 2014 - Emmy Awards:
- Vinto atore protagonista inte na serie comedia par Big Bang Theory
Note
canbia- ↑ Ancestral Discoveries: "Who Do You Think You Are?" - Jim Parsons
- ↑ NBA, Jim Parsons “recluta” Dwight Howard par gli Houston Rockets - Kataweb TvZap
- ↑ Renato Franco, Un milione di dollari a puntata par i nerd di «Big Bang Theory», RCS, 06/08/2014.
- ↑ http://www.nytimes.com/2012/05/27/theater/jim-parsons-prepares-for-his-lead-role-in-harvey.html?_r=0&pagewanted=1
Altri projeti
canbia
Wikimedia Commons el detien imàjini o altri file so Jim Parsons
el detien schemi gràfeghi so
Linganbi foresti
canbia- (EN) Jim ParsonsMusicBrainz, MetaBrainz Foundation.
- (EN) Jim ParsonsInternet Movie Database, IMDb.com.
- (EN) Jim ParsonsAllMovie, All Media Network.
- (EN) Jim ParsonsRotten Tomatoes, Flixster Inc.
- (EN) Jim ParsonsTV.com, CBS Interactive Inc.
- (EN) Jim ParsonsInternet Broadway Database, The Broadway League.
- (DE, EN) Jim Parsonsfilmportal.de.
- (EN) Jim ParsonsBehind The Voice Actors, Inyxception Enterprises.
Scheda su Jim Parsons de l'Internet Movie Database
| Controło de autorità | VIAF (EN) 120774513 · ISNI (EN) 0000 0001 1939 0203 · LCCN (EN) no2010061350 · GND (DE) 1034877496 · BNF (FR) cb162057354 (data) · BNE (ES) XX5892471 (data) · WorldCat Identities (EN) no2010-061350 |
|---|